| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਅਞ੍ਞਤਰਬ੍ਰਹ੍ਮਸੁਤ੍ਤવਣ੍ਣਨਾ
5. Aññatarabrahmasuttavaṇṇanā
੧੭੬. ਪਞ੍ਚਮੇ ਤੇਜੋਧਾਤੁਂ ਸਮਾਪਜ੍ਜਿਤ੍વਾਤਿ ਤੇਜੋਕਸਿਣਪਰਿਕਮ੍ਮਂ ਕਤ੍વਾ ਪਾਦਕਜ੍ਝਾਨਤੋ વੁਟ੍ਠਾਯ, ‘‘ਸਰੀਰਤੋ ਜਾਲਾ ਨਿਕ੍ਖਮਨ੍ਤੂ’’ਤਿ ਅਧਿਟ੍ਠਹਨ੍ਤੋ ਅਧਿਟ੍ਠਾਨਚਿਤ੍ਤਾਨੁਭਾવੇਨ ਸਕਲਸਰੀਰਤੋ ਜਾਲਾ ਨਿਕ੍ਖਮਨ੍ਤਿ, ਏવਂ ਤੇਜੋਧਾਤੁਂ ਸਮਾਪਨ੍ਨੋ ਨਾਮ ਹੋਤਿ, ਤਥਾ ਸਮਾਪਜ੍ਜਿਤ੍વਾ। ਤਸ੍ਮਿਂ ਬ੍ਰਹ੍ਮਲੋਕੇਤਿ ਕਸ੍ਮਾ ਥੇਰੋ ਤਤ੍ਥ ਅਗਮਾਸਿ? ਥੇਰਸ੍ਸ ਕਿਰ ਤੇਜੋਧਾਤੁਂ ਸਮਾਪਜ੍ਜਿਤ੍વਾ ਤਸ੍ਸ ਬ੍ਰਹ੍ਮੁਨੋ ਉਪਰਿ ਨਿਸਿਨ੍ਨਂ ਤਥਾਗਤਂ ਦਿਸ੍વਾ ‘‘ਅਟ੍ਠਿવੇਧੀ ਅਯਂ ਪੁਗ੍ਗਲੋ, ਮਯਾਪੇਤ੍ਥ ਗਨ੍ਤਬ੍ਬ’’ਨ੍ਤਿ ਅਹੋਸਿ, ਤਸ੍ਮਾ ਅਗਮਾਸਿ। ਸੇਸਾਨਂ ਗਮਨੇਪਿ ਏਸੇવ ਨਯੋ। ਸੋ ਹਿ ਬ੍ਰਹ੍ਮਾ ਤਥਾਗਤਸ੍ਸ ਚੇવ ਤਥਾਗਤਸਾવਕਾਨਞ੍ਚ ਆਨੁਭਾવਂ ਅਦਿਸ੍વਾ ਅਭਬ੍ਬੋ વਿਨਯਂ ਉਪਗਨ੍ਤੁਂ, ਤੇਨ ਸੋ ਸਨ੍ਨਿਪਾਤੋ ਅਹੋਸਿ। ਤਤ੍ਥ ਤਥਾਗਤਸ੍ਸ ਸਰੀਰਤੋ ਉਗ੍ਗਤਜਾਲਾ ਸਕਲਬ੍ਰਹ੍ਮਲੋਕਂ ਅਤਿਕ੍ਕਮਿਤ੍વਾ ਅਜਟਾਕਾਸੇ ਪਕ੍ਖਨ੍ਦਾ, ਤਾ ਚ ਪਨ ਛਬ੍ਬਣ੍ਣਾ ਅਹੇਸੁਂ, ਤਥਾਗਤਸ੍ਸ ਸਾવਕਾਨਂ ਆਭਾ ਪਕਤਿવਣ੍ਣਾવ।
176. Pañcame tejodhātuṃ samāpajjitvāti tejokasiṇaparikammaṃ katvā pādakajjhānato vuṭṭhāya, ‘‘sarīrato jālā nikkhamantū’’ti adhiṭṭhahanto adhiṭṭhānacittānubhāvena sakalasarīrato jālā nikkhamanti, evaṃ tejodhātuṃ samāpanno nāma hoti, tathā samāpajjitvā. Tasmiṃ brahmaloketi kasmā thero tattha agamāsi? Therassa kira tejodhātuṃ samāpajjitvā tassa brahmuno upari nisinnaṃ tathāgataṃ disvā ‘‘aṭṭhivedhī ayaṃ puggalo, mayāpettha gantabba’’nti ahosi, tasmā agamāsi. Sesānaṃ gamanepi eseva nayo. So hi brahmā tathāgatassa ceva tathāgatasāvakānañca ānubhāvaṃ adisvā abhabbo vinayaṃ upagantuṃ, tena so sannipāto ahosi. Tattha tathāgatassa sarīrato uggatajālā sakalabrahmalokaṃ atikkamitvā ajaṭākāse pakkhandā, tā ca pana chabbaṇṇā ahesuṃ, tathāgatassa sāvakānaṃ ābhā pakativaṇṇāva.
ਪਸ੍ਸਸਿ વੀਤਿવਤ੍ਤਨ੍ਤਨ੍ਤਿ ਇਮਸ੍ਮਿਂ ਬ੍ਰਹ੍ਮਲੋਕੇ ਅਞ੍ਞਬ੍ਰਹ੍ਮਸਰੀਰવਿਮਾਨਾਲਙ੍ਕਾਰਾਦੀਨਂ ਪਭਾ ਅਤਿਕ੍ਕਮਮਾਨਂ ਬੁਦ੍ਧਸ੍ਸ ਭਗવਤੋ ਪਭਸ੍ਸਰਂ ਪਭਂ ਪਸ੍ਸਸੀਤਿ ਪੁਚ੍ਛਤਿ। ਨ ਮੇ, ਮਾਰਿਸ, ਸਾ ਦਿਟ੍ਠੀਤਿ ਯਾ ਮੇਸਾ, ‘‘ਇਧਾਗਨ੍ਤੁਂ ਸਮਤ੍ਥੋ ਅਞ੍ਞੋ ਸਮਣੋ વਾ ਬ੍ਰਾਹ੍ਮਣੋ વਾ ਨਤ੍ਥੀ’’ਤਿ ਪੁਰੇ ਦਿਟ੍ਠਿ, ਨਤ੍ਥਿ ਮੇ ਸਾ। ਕਥਂ વਜ੍ਜਨ੍ਤਿ ਕੇਨ ਕਾਰਣੇਨ વਦੇਯ੍ਯਂ। ਨਿਚ੍ਚੋਮ੍ਹਿ ਸਸ੍ਸਤੋਤਿ ਇਮਸ੍ਸ ਕਿਰ ਬ੍ਰਹ੍ਮੁਨੋ ਲਦ੍ਧਿਦਿਟ੍ਠਿ ਸਸ੍ਸਤਦਿਟ੍ਠਿ ਚਾਤਿ ਦ੍વੇ ਦਿਟ੍ਠਿਯੋ। ਤਤ੍ਰਾਸ੍ਸ ਤਥਾਗਤਞ੍ਚੇવ ਤਥਾਗਤਸਾવਕੇ ਚ ਪਸ੍ਸਤੋ ਲਦ੍ਧਿਦਿਟ੍ਠਿ ਪਹੀਨਾ। ਭਗવਾ ਪਨੇਤ੍ਥ ਮਹਨ੍ਤਂ ਧਮ੍ਮਦੇਸਨਂ ਦੇਸੇਸਿ। ਬ੍ਰਹ੍ਮਾ ਦੇਸਨਾਪਰਿਯੋਸਾਨੇ ਸੋਤਾਪਤ੍ਤਿਫਲੇ ਪਤਿਟ੍ਠਹਿ। ਇਤਿਸ੍ਸ ਮਗ੍ਗੇਨ ਸਸ੍ਸਤਦਿਟ੍ਠਿ ਪਹੀਨਾ, ਤਸ੍ਮਾ ਏવਮਾਹ।
Passasi vītivattantanti imasmiṃ brahmaloke aññabrahmasarīravimānālaṅkārādīnaṃ pabhā atikkamamānaṃ buddhassa bhagavato pabhassaraṃ pabhaṃ passasīti pucchati. Na me, mārisa, sā diṭṭhīti yā mesā, ‘‘idhāgantuṃ samattho añño samaṇo vā brāhmaṇo vā natthī’’ti pure diṭṭhi, natthi me sā. Kathaṃ vajjanti kena kāraṇena vadeyyaṃ. Niccomhi sassatoti imassa kira brahmuno laddhidiṭṭhi sassatadiṭṭhi cāti dve diṭṭhiyo. Tatrāssa tathāgatañceva tathāgatasāvake ca passato laddhidiṭṭhi pahīnā. Bhagavā panettha mahantaṃ dhammadesanaṃ desesi. Brahmā desanāpariyosāne sotāpattiphale patiṭṭhahi. Itissa maggena sassatadiṭṭhi pahīnā, tasmā evamāha.
ਬ੍ਰਹ੍ਮਪਾਰਿਸਜ੍ਜਨ੍ਤਿ ਬ੍ਰਹ੍ਮਪਾਰਿਚਾਰਿਕਂ। ਥੇਰਾਨਞ੍ਹਿ ਭਣ੍ਡਗਾਹਕਦਹਰਾ વਿਯ ਬ੍ਰਹ੍ਮਾਨਮ੍ਪਿ ਪਾਰਿਸਜ੍ਜਾ ਬ੍ਰਹ੍ਮਾਨੋ ਨਾਮ ਹੋਨ੍ਤਿ। ਤੇਨੁਪਸਙ੍ਕਮਾਤਿ ਕਸ੍ਮਾ ਥੇਰਸ੍ਸੇવ ਸਨ੍ਤਿਕਂ ਪੇਸੇਸਿ? ਥੇਰੇ ਕਿਰਸ੍ਸ ਤਤ੍ਤਕੇਨੇવ ਕਥਾਸਲ੍ਲਾਪੇਨ વਿਸ੍ਸਾਸੋ ਉਦਪਾਦਿ, ਤਸ੍ਮਾ ਤਸ੍ਸੇવ ਸਨ੍ਤਿਕਂ ਪੇਸੇਸਿ ਅਞ੍ਞੇਪੀਤਿ ਯਥਾ ਤੁਮ੍ਹੇ ਚਤ੍ਤਾਰੋ ਜਨਾ, ਕਿਨ੍ਨੁ ਖੋ ਏવਰੂਪਾ ਅਞ੍ਞੇਪਿ ਅਤ੍ਥਿ, ਉਦਾਹੁ ਤੁਮ੍ਹੇ ਚਤ੍ਤਾਰੋ ਏવ ਮਹਿਦ੍ਧਿਕਾਤਿ? ਤੇવਿਜ੍ਜਾਤਿ ਪੁਬ੍ਬੇਨਿવਾਸਦਿਬ੍ਬਚਕ੍ਖੁਆਸવਕ੍ਖਯਸਙ੍ਖਾਤਾਹਿ ਤੀਹਿ વਿਜ੍ਜਾਹਿ ਸਮਨ੍ਨਾਗਤਾ। ਇਦ੍ਧਿਪਤ੍ਤਾਤਿ ਇਦ੍ਧਿવਿਧਞਾਣਂ ਪਤ੍ਤਾ। ਚੇਤੋਪਰਿਯਾਯਕੋવਿਦਾਤਿ ਪਰੇਸਂ ਚਿਤ੍ਤਾਚਾਰੇ ਕੁਸਲਾ। ਏવਮੇਤ੍ਥ ਪਞ੍ਚ ਅਭਿਞ੍ਞਾਪਿ ਸਰੂਪੇਨ વੁਤ੍ਤਾ। ਦਿਬ੍ਬਸੋਤਂ ਪਨ ਤਾਸਂ વਸੇਨ ਆਗਤਮੇવ ਹੋਤਿ। ਬਹੂਤਿ ਏવਰੂਪਾ ਛਲ਼ਭਿਞ੍ਞਾ ਬੁਦ੍ਧਸਾવਕਾ ਬਹੂ ਗਣਨਪਥਂ ਅਤਿਕ੍ਕਨ੍ਤਾ, ਸਕਲਂ ਜਮ੍ਬੁਦੀਪਂ ਕਾਸਾવਪਜ੍ਜੋਤਂ ਕਤ੍વਾ વਿਚਰਨ੍ਤੀਤਿ। ਪਞ੍ਚਮਂ।
Brahmapārisajjanti brahmapāricārikaṃ. Therānañhi bhaṇḍagāhakadaharā viya brahmānampi pārisajjā brahmāno nāma honti. Tenupasaṅkamāti kasmā therasseva santikaṃ pesesi? There kirassa tattakeneva kathāsallāpena vissāso udapādi, tasmā tasseva santikaṃ pesesi aññepīti yathā tumhe cattāro janā, kinnu kho evarūpā aññepi atthi, udāhu tumhe cattāro eva mahiddhikāti? Tevijjāti pubbenivāsadibbacakkhuāsavakkhayasaṅkhātāhi tīhi vijjāhi samannāgatā. Iddhipattāti iddhividhañāṇaṃ pattā. Cetopariyāyakovidāti paresaṃ cittācāre kusalā. Evamettha pañca abhiññāpi sarūpena vuttā. Dibbasotaṃ pana tāsaṃ vasena āgatameva hoti. Bahūti evarūpā chaḷabhiññā buddhasāvakā bahū gaṇanapathaṃ atikkantā, sakalaṃ jambudīpaṃ kāsāvapajjotaṃ katvā vicarantīti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਅਞ੍ਞਤਰਬ੍ਰਹ੍ਮਸੁਤ੍ਤਂ • 5. Aññatarabrahmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਅਞ੍ਞਤਰਬ੍ਰਹ੍ਮਸੁਤ੍ਤવਣ੍ਣਨਾ • 5. Aññatarabrahmasuttavaṇṇanā
