| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਅਞ੍ਞਤਰਬ੍ਰਹ੍ਮਸੁਤ੍ਤવਣ੍ਣਨਾ
5. Aññatarabrahmasuttavaṇṇanā
੧੭੬. ਤੇਜੋਕਸਿਣਪਰਿਕਮ੍ਮਂ ਕਤ੍વਾਤਿ ‘‘ਤੇਜੋਕਸਿਣਪਰਿਕਮ੍ਮਜ੍ਝਾਨਂ ਸਮਾਪਜ੍ਜਿਸ੍ਸਾਮੀ’’ਤਿ ਚਿਤ੍ਤੁਪ੍ਪਾਦੋ ਏવੇਤ੍ਥ ਤੇਜੋਕਸਿਣਪਰਿਕਮ੍ਮਂ। ਨ ਹਿ ਬੁਦ੍ਧਾਨਂ ਅਞ੍ਞੇਸਂ વਿਯ ਤਤ੍ਥ ਝਾਨਸਮਾਪਜ੍ਜਨੇਨ ਪਰਿਕਮ੍ਮਪਪਞ੍ਚੋ ਅਤ੍ਥਿ ਸਬ੍ਬਤ੍ਥੇવ ਚਿਣ੍ਣવਸੀਭਾવਸ੍ਸ ਪਰਮੁਕ੍ਕਂਸਭਾવਪ੍ਪਤ੍ਤਤ੍ਤਾ। ਤਸ੍ਸ ਕਿਰ ਬ੍ਰਹ੍ਮੁਨੋ ‘‘ਯਥਾਹਂ ਏવਂ ਮਹਾਨੁਭਾવੋ ਅਞ੍ਞੋ ਨਤ੍ਥੀ’’ਤਿ ਲਦ੍ਧਿ, ਯਂ ਸਨ੍ਧਾਯ વੁਤ੍ਤਂ – ‘‘ਨਤ੍ਥਿ ਸੋ ਸਮਣੋ વਾ ਬ੍ਰਾਹ੍ਮਣੋ વਾ, ਯੋ ਇਧ ਆਗਚ੍ਛੇਯ੍ਯਾ’’ਤਿ। ਭਗવਾ ਤਸ੍ਸ ਤਂ ਲਦ੍ਧਿਂ વਿਸ੍ਸਜ੍ਜੇਤੁਂ ਤੇਜੋਧਾਤੁਂ ਸਮਾਪਜ੍ਜਿਤ੍વਾ ਤਸ੍ਸ ਉਪਰਿ ਆਕਾਸੇ ਨਿਸੀਦਿ। ਤੇਨ વੁਤ੍ਤਂ ‘‘ਤੇਜੋਧਾਤੁਂ…ਪੇ॰… ਤਥਾਗਤਂ ਦਿਸ੍વਾ’’ਤਿ। ਅਟ੍ਠਿવੇਧਂ વਿਯਂ વਿਜ੍ਝਿਤਬ੍ਬੋ ਅਟ੍ਠਿવੇਧੀ, ਯਥਾ ਅਟ੍ਠਿਂ વਿਜ੍ਝਿਤ੍વਾ ਅਟ੍ਠਿਮਿਞ੍ਜਂ ਆਹਚ੍ਚ ਤਿਟ੍ਠਤਿ, ਏવਂ વਿਜ੍ਝਿਤਬ੍ਬੋਤਿ ਅਤ੍ਥੋ। ਅਯਂ ਪਨ ਅਟ੍ਠਿવੇਧੀ વਿਯ ਅਟ੍ਠਿવੇਧੀ, ਯਥਾ ਸੋ ਲਦ੍ਧਿਂ વਿਸ੍ਸਜ੍ਜੇਤਿ, ਏવਂ ਪਟਿਪਜ੍ਜਿਤਬ੍ਬੋਤਿ ਅਤ੍ਥੋ। ਸੇਸਾਨਨ੍ਤਿ ਮਹਾਕਸ੍ਸਪਮਹਾਕਪ੍ਪਿਨਅਨੁਰੁਦ੍ਧਤ੍ਥੇਰਾਨਂ।
176.Tejokasiṇaparikammaṃkatvāti ‘‘tejokasiṇaparikammajjhānaṃ samāpajjissāmī’’ti cittuppādo evettha tejokasiṇaparikammaṃ. Na hi buddhānaṃ aññesaṃ viya tattha jhānasamāpajjanena parikammapapañco atthi sabbattheva ciṇṇavasībhāvassa paramukkaṃsabhāvappattattā. Tassa kira brahmuno ‘‘yathāhaṃ evaṃ mahānubhāvo añño natthī’’ti laddhi, yaṃ sandhāya vuttaṃ – ‘‘natthi so samaṇo vā brāhmaṇo vā, yo idha āgaccheyyā’’ti. Bhagavā tassa taṃ laddhiṃ vissajjetuṃ tejodhātuṃ samāpajjitvā tassa upari ākāse nisīdi. Tena vuttaṃ ‘‘tejodhātuṃ…pe… tathāgataṃ disvā’’ti. Aṭṭhivedhaṃ viyaṃ vijjhitabbo aṭṭhivedhī, yathā aṭṭhiṃ vijjhitvā aṭṭhimiñjaṃ āhacca tiṭṭhati, evaṃ vijjhitabboti attho. Ayaṃ pana aṭṭhivedhī viya aṭṭhivedhī, yathā so laddhiṃ vissajjeti, evaṃ paṭipajjitabboti attho. Sesānanti mahākassapamahākappinaanuruddhattherānaṃ.
ਅਞ੍ਞਬ੍ਰਹ੍ਮਸਰੀਰવਿਮਾਨਾਲਙ੍ਕਾਰਾਦੀਨਂ ਪਭਾਤਿ ਬ੍ਰਹ੍ਮਾਨਂ ਸਰੀਰਪ੍ਪਭਾ વਿਮਾਨਪ੍ਪਭਾ ਅਲਙ੍ਕਾਰવਤ੍ਥਾਦੀਨਂ ਪਭਾਤਿ ਇਮਸ੍ਮਿਂ ਬ੍ਰਹ੍ਮਲੋਕੇ ਇਮਾ ਸਬ੍ਬਾ ਪਭਾ ਅਤ੍ਤਨੋ ਪਭਸ੍ਸਰਭਾવੇਨ ਅਭਿਭવਨ੍ਤਂ। ਨਤ੍ਥਿ ਮੇ ਸਾਤਿ ਇਦਾਨਿ ਮੇ ਸਾ ਦਿਟ੍ਠਿ ਨਤ੍ਥਿ, ‘‘ਨਤ੍ਥਿ ਸੋ ਸਮਣੋ વਾ ਬ੍ਰਾਹ੍ਮਣੋ વਾ, ਯੋ ਇਧ ਆਗਚ੍ਛੇਯ੍ਯਾ’’ਤਿ ਅਯਂ ਲਦ੍ਧਿ ਨਤ੍ਥਿ। ਤੇਨਾਹ ‘‘ਤਤ੍ਰਾਸ੍ਸ…ਪੇ॰… ਪਹੀਨਾ’’ਤਿ। ਏਤ੍ਥਾਤਿ ਏਤਸ੍ਮਿਂ ਸਮਾਗਮੇ। ਯਥਾ ਤਸ੍ਸ ਬ੍ਰਹ੍ਮੁਨੋ ਸਬ੍ਬਸੋ ਦਿਟ੍ਠਿਗਤਂ વਿਮੁਚ੍ਚਤਿ ਧਮ੍ਮਚਕ੍ਖੁ ਉਪ੍ਪਜ੍ਜਤਿ, ਏવਂ ਮਹਨ੍ਤਂ ਧਮ੍ਮਦੇਸਨਂ ਦੇਸੇਸਿ।
Aññabrahmasarīravimānālaṅkārādīnaṃ pabhāti brahmānaṃ sarīrappabhā vimānappabhā alaṅkāravatthādīnaṃ pabhāti imasmiṃ brahmaloke imā sabbā pabhā attano pabhassarabhāvena abhibhavantaṃ. Natthi me sāti idāni me sā diṭṭhi natthi, ‘‘natthi so samaṇo vā brāhmaṇo vā, yo idha āgaccheyyā’’ti ayaṃ laddhi natthi. Tenāha ‘‘tatrāssa…pe… pahīnā’’ti. Etthāti etasmiṃ samāgame. Yathā tassa brahmuno sabbaso diṭṭhigataṃ vimuccati dhammacakkhu uppajjati, evaṃ mahantaṃ dhammadesanaṃ desesi.
‘‘ਅਜ੍ਜਾਪਿ ਤੇ, ਆવੁਸੋ’’ਤਿਆਦਿਨਾ વੁਤ੍ਤੇਨ ਤਤ੍ਤਕੇਨੇવ। ਸਰੂਪੇਨ વੁਤ੍ਤਾਤਿ ਪਠਮੇਨ ਪਾਦੇਨ ਚਤਸ੍ਸੋ, ਦੁਤਿਯੇਨ ਏਕਨ੍ਤਿ ਏવਂ ਪਞ੍ਚ ਅਭਿਞ੍ਞਾ ਸਰੂਪੇਨ વੁਤ੍ਤਾ। ਕਸ੍ਮਾ ਏਤ੍ਥ ਦਿਬ੍ਬਸੋਤਂ ਨਾਗਤਨ੍ਤਿ? ਆਹ ‘‘ਤਾਸਂ વਸੇਨ ਆਗਤਮੇવਾ’’ਤਿ। ਯੇਨ ਇਮਾ ਲੋਕੁਤ੍ਤਰਾ ਅਭਿਞ੍ਞਾ ਅਧਿਗਤਾ, ਨ ਤਸ੍ਸ ਦਿਬ੍ਬਸੋਤਸਮ੍ਪਾਦਨਂ ਭਾਰਿਯਂ ਪਟਿਪਕ੍ਖવਿਗਮੇਨ ਸੁਖੇਨੇવ ਇਜ੍ਝਨਤੋ।
‘‘Ajjāpi te, āvuso’’tiādinā vuttena tattakeneva. Sarūpena vuttāti paṭhamena pādena catasso, dutiyena ekanti evaṃ pañca abhiññā sarūpena vuttā. Kasmā ettha dibbasotaṃ nāgatanti? Āha ‘‘tāsaṃ vasena āgatamevā’’ti. Yena imā lokuttarā abhiññā adhigatā, na tassa dibbasotasampādanaṃ bhāriyaṃ paṭipakkhavigamena sukheneva ijjhanato.
ਅਞ੍ਞਤਰਬ੍ਰਹ੍ਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Aññatarabrahmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਅਞ੍ਞਤਰਬ੍ਰਹ੍ਮਸੁਤ੍ਤਂ • 5. Aññatarabrahmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅਞ੍ਞਤਰਬ੍ਰਹ੍ਮਸੁਤ੍ਤવਣ੍ਣਨਾ • 5. Aññatarabrahmasuttavaṇṇanā
