| Library / Tipiṭaka / තිපිටක • Tipiṭaka / ථෙරීගාථාපාළි • Therīgāthāpāḷi |
5. පඤ්‌චකනිපාතො
5. Pañcakanipāto
1. අඤ්‌ඤතරාථෙරීගාථා
1. Aññatarātherīgāthā
67.
67.
‘‘පණ්‌ණවීසතිවස්‌සානි , යතො පබ්‌බජිතා අහං;
‘‘Paṇṇavīsativassāni , yato pabbajitā ahaṃ;
නාච්‌ඡරාසඞ්‌ඝාතමත්‌තම්‌පි, චිත්‌තස්‌සූපසමජ්‌ඣගං.
Nāccharāsaṅghātamattampi, cittassūpasamajjhagaṃ.
68.
68.
‘‘අලද්‌ධා චෙතසො සන්‌තිං, කාමරාගෙනවස්‌සුතා;
‘‘Aladdhā cetaso santiṃ, kāmarāgenavassutā;
බාහා පග්‌ගය්‌හ කන්‌දන්‌තී, විහාරං පාවිසිං අහං.
Bāhā paggayha kandantī, vihāraṃ pāvisiṃ ahaṃ.
69.
69.
‘‘සා භික්‌ඛුනිං උපාගච්‌ඡිං, යා මෙ සද්‌ධායිකා අහු;
‘‘Sā bhikkhuniṃ upāgacchiṃ, yā me saddhāyikā ahu;
සා මෙ ධම්‌මමදෙසෙසි, ඛන්‌ධායතනධාතුයො.
Sā me dhammamadesesi, khandhāyatanadhātuyo.
70.
70.
‘‘තස්‌සා ධම්‌මං සුණිත්‌වාන, එකමන්‌තෙ උපාවිසිං;
‘‘Tassā dhammaṃ suṇitvāna, ekamante upāvisiṃ;
පුබ්‌බෙනිවාසං ජානාමි, දිබ්‌බචක්‌ඛු විසොධිතං.
Pubbenivāsaṃ jānāmi, dibbacakkhu visodhitaṃ.
71.
71.
ඉද්‌ධීපි මෙ සච්‌ඡිකතා, පත්‌තො මෙ ආසවක්‌ඛයො;
Iddhīpi me sacchikatā, patto me āsavakkhayo;
ඡළභිඤ්‌ඤා 3 සච්‌ඡිකතා, කතං බුද්‌ධස්‌ස සාසන’’න්‌ති.
Chaḷabhiññā 4 sacchikatā, kataṃ buddhassa sāsana’’nti.
… අඤ්‌ඤතරා ථෙරී ….
… Aññatarā therī ….
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ථෙරීගාථා-අට්‌ඨකථා • Therīgāthā-aṭṭhakathā / 1. අඤ්‌ඤතරාථෙරීගාථාවණ්‌ණනා • 1. Aññatarātherīgāthāvaṇṇanā
