| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
5. бан̃жаганибаад̇о
5. Pañcakanipāto
1. ан̃н̃ад̇араат̇зрийг̇аат̇ааван̣н̣анаа
1. Aññatarātherīgāthāvaṇṇanā
бан̃жаганибаад̇з бан̣н̣авийсад̇и вассаанийд̇иаад̣̇игаа ан̃н̃ад̇арааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий имасмим̣ б̣уд̣̇д̇хуббаад̣̇з д̣̇звад̣̇аханаг̇арз махаабаж̇аабад̇иг̇од̇амияаа д̇хаад̇ий худ̇ваа вад̣дхзси. наамаг̇од̇д̇ад̇о бана абан̃н̃аад̇аа ахоси. саа махаабаж̇аабад̇иг̇од̇амияаа баб̣б̣аж̇ид̇агаалз саяамби баб̣б̣аж̇ид̇ваа бан̃жавийсад̇и сам̣важчараани гаамарааг̇зна убад̣̇д̣̇уд̇аа ажчараасан̇гхаад̇амад̇д̇амби гаалам̣ жид̇д̇згаг̇г̇ад̇ам̣ алабханд̇ий б̣аахаа баг̇г̇аяха ганд̣̇амаанаа д̇хаммад̣̇иннаат̇зрияаа санд̇игз д̇хаммам̣ суд̇ваа гаамзхи винивад̇д̇ид̇амаанасаа гаммадтаанам̣ г̇ахзд̇ваа бхааванамануяан̃ж̇анд̇ий на жирассзва чал̣абхин̃н̃аа худ̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Pañcakanipāte paṇṇavīsati vassānītiādikā aññatarāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī imasmiṃ buddhuppāde devadahanagare mahāpajāpatigotamiyā dhātī hutvā vaḍḍhesi. Nāmagottato pana apaññātā ahosi. Sā mahāpajāpatigotamiyā pabbajitakāle sayampi pabbajitvā pañcavīsati saṃvaccharāni kāmarāgena upaddutā accharāsaṅghātamattampi kālaṃ cittekaggataṃ alabhantī bāhā paggayha kandamānā dhammadinnātheriyā santike dhammaṃ sutvā kāmehi vinivattitamānasā kammaṭṭhānaṃ gahetvā bhāvanamanuyañjantī na cirasseva chaḷabhiññā hutvā attano paṭipattiṃ paccavekkhitvā udānavasena –
67.
67.
‘‘бан̣н̣авийсад̇и вассаани, яад̇о баб̣б̣аж̇ид̇аа ахам̣;
‘‘Paṇṇavīsati vassāni, yato pabbajitā ahaṃ;
наажчараасан̇гхаад̇амад̇д̇амби, жид̇д̇ассуубасамаж̇жхаг̇ам̣.
Nāccharāsaṅghātamattampi, cittassūpasamajjhagaṃ.
68.
68.
‘‘алад̣̇д̇хаа жзд̇асо санд̇им̣, гаамарааг̇знавассуд̇аа;
‘‘Aladdhā cetaso santiṃ, kāmarāgenavassutā;
б̣аахаа баг̇г̇аяха ганд̣̇анд̇ий, вихаарам̣ баависим̣ ахам̣.
Bāhā paggayha kandantī, vihāraṃ pāvisiṃ ahaṃ.
69.
69.
‘‘саа бхигкуним̣ убааг̇ажчим̣, яаа мз сад̣̇д̇хааяигаа аху;
‘‘Sā bhikkhuniṃ upāgacchiṃ, yā me saddhāyikā ahu;
саа мз д̇хаммамад̣̇зсзси, канд̇хааяад̇анад̇хаад̇уяо.
Sā me dhammamadesesi, khandhāyatanadhātuyo.
70.
70.
‘‘д̇ассаа д̇хаммам̣ сун̣ид̇ваана, згаманд̇з убаависим̣;
‘‘Tassā dhammaṃ suṇitvāna, ekamante upāvisiṃ;
буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣.
Pubbenivāsaṃ jānāmi, dibbacakkhu visodhitaṃ.
71.
71.
‘‘жзд̇обарижжан̃аан̣ан̃жа , сод̇ад̇хаад̇у висод̇хид̇аа;
‘‘Cetopariccañāṇañca , sotadhātu visodhitā;
ид̣̇д̇хийби мз сажчигад̇аа, бад̇д̇о мз аасавагкаяо;
Iddhīpi me sacchikatā, patto me āsavakkhayo;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и. –
Chaḷabhiññā sacchikatā, kataṃ buddhassa sāsana’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а наажчараасан̇гхаад̇амад̇д̇амбийд̇и ажчараагхадид̇амад̇д̇амби кан̣ам̣ ан̇г̇улиподанамад̇д̇амби гааланд̇и ад̇т̇о. жид̇д̇ассуубасамаж̇жхаг̇анд̇и жид̇д̇асса убасамам̣ жид̇д̇згаг̇г̇ам̣ на аж̇жхаг̇анд̇и яож̇анаа, на бадилабхинд̇и ад̇т̇о.
Tattha nāccharāsaṅghātamattampīti accharāghaṭitamattampi khaṇaṃ aṅguliphoṭanamattampi kālanti attho. Cittassūpasamajjhaganti cittassa upasamaṃ cittekaggaṃ na ajjhaganti yojanā, na paṭilabhinti attho.
гаамарааг̇знавассуд̇аад̇и гаамаг̇ун̣асан̇каад̇зсу вад̇т̇угаамзсу д̣̇ал̣хад̇араабхинивзсид̇ааяа б̣ахалзна чанд̣̇арааг̇зна д̇инд̇ажид̇д̇аа.
Kāmarāgenavassutāti kāmaguṇasaṅkhātesu vatthukāmesu daḷhatarābhinivesitāya bahalena chandarāgena tintacittā.
бхигкунинд̇и д̇хаммад̣̇иннад̇т̇зрим̣ санд̇хааяа вад̣̇ад̇и.
Bhikkhuninti dhammadinnattheriṃ sandhāya vadati.
жзд̇обарижжан̃аан̣ан̃жаад̇и жзд̇обарияан̃аан̣ан̃жа висод̇хид̇анд̇и самб̣анд̇хо, ад̇хиг̇ад̇анд̇и ад̇т̇о. сзсам̣ вуд̇д̇анаяамзва.
Cetopariccañāṇañcāti cetopariyañāṇañca visodhitanti sambandho, adhigatanti attho. Sesaṃ vuttanayameva.
ан̃н̃ад̇араат̇зрийг̇аат̇ааван̣н̣анаа нидтид̇аа.
Aññatarātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. ан̃н̃ад̇араат̇зрийг̇аат̇аа • 1. Aññatarātherīgāthā
