| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗવਣ੍ਣਨਾ
5. Aññatitthiyapeyyālavaggavaṇṇanā
੪੧-੪੮. ਅਪਰਾਪਰਂ ਪਰਿવਤ੍ਤਮਾਨੇਨ વਤ੍ਤਸਮ੍ਪਨ੍ਨੇਨ ਸਂਸਾਰਦ੍ਧਾਨਪਰਿਞ੍ਞਾવਸੇਨੇવ ਨਿਬ੍ਬਾਨਸ੍ਸ ਪਤ੍ਤਬ੍ਬਤ੍ਤਾ વੁਤ੍ਤਂ – ‘‘ਨਿਬ੍ਬਾਨਂ ਪਤ੍વਾ ਪਰਿਞ੍ਞਾਤਂ ਨਾਮ ਹੋਤੀ’’ਤਿ। ਨਿਬ੍ਬਾਨਂ ਪਤ੍વਾਤਿ ਨਿਬ੍ਬਾਨਪ੍ਪਤ੍ਤਿਹੇਤੁ। ਹੇਤੁਅਤ੍ਥੋ ਹਿ ਅਯਂ ਤ੍વਾ-ਸਦ੍ਦੋ ਯਥਾ – ‘‘ਘਤਂ ਪਿવਿਤ੍વਾ ਬਲਂ ਹੋਤਿ, ਸੀਹਂ ਦਿਸ੍વਾ ਭਯਂ ਹੋਤੀ’’ਤਿ। ਤਸ੍ਮਾਤਿ ਯਸ੍ਮਾ ਅਪਰਿਞ੍ਞੇਯ੍ਯਪਰਿਜਾਨਨਕਿਚ੍ਚੇਨ ਨਿਬ੍ਬਾਨਸ੍ਸ ਪਤ੍ਤਿਯਾ ਅਦ੍ਧਾਨਪਰਿਞ੍ਞਾਸਿਦ੍ਧਿ ਞਾਯਤਿ, ਤਸ੍ਮਾ ਉਪਚਾਰવਸੇਨ ਨਿਬ੍ਬਾਨਂ ‘‘ਅਦ੍ਧਾਨਪਰਿਞ੍ਞਾ’’ਤਿ વੁਚ੍ਚਤਿ ਯਥਾ ‘‘ਹਿਮਸਨ੍ਤਿ ਸੂਰਿਯਂ ਉਗ੍ਗਮੇਤੀ’’ਤਿ। વਿਜ੍ਜਾવਿਮੁਤ੍ਤਿਫਲਸਚ੍ਛਿਕਿਰਿਯਤ੍ਥਨ੍ਤਿ ਏਤ੍ਥ વਿਜ੍ਜਾਤਿ ਅਗ੍ਗਮਗ੍ਗવਿਜ੍ਜਾ। વਿਮੁਤ੍ਤੀਤਿ ਅਗ੍ਗਮਗ੍ਗਸਮਾਧਿ ਅਧਿਪ੍ਪੇਤੋ । ਤੇਸਂ ਫਲਂ ਅਞ੍ਞਾਤਿ ਆਹ – ‘‘વਿਜ੍ਜਾવਿਮੁਤ੍ਤਿਫਲੇਨ ਅਰਹਤ੍ਤਂ ਕਥਿਤ’’ਨ੍ਤਿ। ਯਾਥਾવਤੋ ਜਾਨਨਤੋ ਪਚ੍ਚਕ੍ਖਤੋ ਦਸ੍ਸਨਤੋ ਚ ਞਾਣਦਸ੍ਸਨਨ੍ਤਿ ਇਧ ਫਲਨਿਬ੍ਬਾਨਪਚ੍ਚવੇਕ੍ਖਣਾ ਅਧਿਪ੍ਪੇਤਾਤਿ ਆਹ – ‘‘ਞਾਣਦਸ੍ਸਨੇਨ ਪਚ੍ਚવੇਕ੍ਖਣਾ ਕਥਿਤਾ’’ਤਿ। ਸੇਸੇਹੀਤਿ ਰਾਗ-વਿਰਾਗ-ਸਂਯੋਜਨਪ੍ਪਹਾਨ-ਅਨੁਸਯਸਮੁਗ੍ਘਾਤ-ਅਦ੍ਧਾਨਪਰਿਞ੍ਞਾ- ਆਸવਕ੍ਖਯ-વਿਜ੍ਜਾ-વਿਮੁਤ੍ਤਿ-ਫਲਸਚ੍ਛਿਕਿਰਿਯਾ-ਞਾਣਦਸ੍ਸਨ-ਅਨੁਪਾਦਾਪਰਿਨਿਬ੍ਬਾਨਪਦੇਹਿ।
41-48. Aparāparaṃ parivattamānena vattasampannena saṃsāraddhānapariññāvaseneva nibbānassa pattabbattā vuttaṃ – ‘‘nibbānaṃ patvā pariññātaṃ nāma hotī’’ti. Nibbānaṃ patvāti nibbānappattihetu. Hetuattho hi ayaṃ tvā-saddo yathā – ‘‘ghataṃ pivitvā balaṃ hoti, sīhaṃ disvā bhayaṃ hotī’’ti. Tasmāti yasmā apariññeyyaparijānanakiccena nibbānassa pattiyā addhānapariññāsiddhi ñāyati, tasmā upacāravasena nibbānaṃ ‘‘addhānapariññā’’ti vuccati yathā ‘‘himasanti sūriyaṃ uggametī’’ti. Vijjāvimuttiphalasacchikiriyatthanti ettha vijjāti aggamaggavijjā. Vimuttīti aggamaggasamādhi adhippeto . Tesaṃ phalaṃ aññāti āha – ‘‘vijjāvimuttiphalena arahattaṃ kathita’’nti. Yāthāvato jānanato paccakkhato dassanato ca ñāṇadassananti idha phalanibbānapaccavekkhaṇā adhippetāti āha – ‘‘ñāṇadassanena paccavekkhaṇā kathitā’’ti. Sesehīti rāga-virāga-saṃyojanappahāna-anusayasamugghāta-addhānapariññā- āsavakkhaya-vijjā-vimutti-phalasacchikiriyā-ñāṇadassana-anupādāparinibbānapadehi.
ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗવਣ੍ਣਨਾ ਨਿਟ੍ਠਿਤਾ।
Aññatitthiyapeyyālavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਰਾਗવਿਰਾਗਸੁਤ੍ਤਂ • 1. Rāgavirāgasuttaṃ
੨-੭. ਸਂਯੋਜਨਪ੍ਪਹਾਨਾਦਿਸੁਤ੍ਤਛਕ੍ਕਂ • 2-7. Saṃyojanappahānādisuttachakkaṃ
੮. ਅਨੁਪਾਦਾਪਰਿਨਿਬ੍ਬਾਨਸੁਤ੍ਤਂ • 8. Anupādāparinibbānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗવਣ੍ਣਨਾ • 5. Aññatitthiyapeyyālavaggavaṇṇanā
