| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
25. ан̃н̃ад̇ид̇т̇ияабуб̣б̣агат̇аа
25. Aññatitthiyapubbakathā
86. д̇зна ко бана самаязна яо со ан̃н̃ад̇ид̇т̇ияабуб̣б̣о 1 баж̇жхааязна сахад̇хаммигам̣ вужжамаано убаж̇жхааяасса ваад̣̇ам̣ ааробзд̇ваа д̇ам̣язва д̇ид̇т̇ааяад̇анам̣ сан̇гами. со буна бажжааг̇анд̇ваа бхигкуу убасамбад̣̇ам̣ яаажи. бхигкуу бхаг̇авад̇о зд̇амад̇т̇ам̣ аарожзсум̣. яо со, бхигкавз, ан̃н̃ад̇ид̇т̇ияабуб̣б̣о убаж̇жхааязна сахад̇хаммигам̣ вужжамаано убаж̇жхааяасса ваад̣̇ам̣ ааробзд̇ваа д̇ам̣язва д̇ид̇т̇ааяад̇анам̣ сан̇ганд̇о, со ааг̇ад̇о на убасамбаад̣̇зд̇аб̣б̣о. яо со, бхигкавз, ан̃н̃оби ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣, д̇асса жад̇д̇ааро маасз бариваасо д̣̇аад̇аб̣б̣о. зван̃жа бана, бхигкавз, д̣̇аад̇аб̣б̣о – батамам̣ гзсамассум̣ охаараабзд̇ваа гаасааяаани вад̇т̇аани ажчаад̣̇аабзд̇ваа згам̣сам̣ уд̇д̇араасан̇г̇ам̣ гаараабзд̇ваа бхигкуунам̣ баад̣̇з ванд̣̇аабзд̇ваа уггудигам̣ нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа звам̣ вад̣̇зхийд̇и вад̇д̇аб̣б̣о – ‘‘б̣уд̣̇д̇хам̣ саран̣ам̣ г̇ажчаами, д̇хаммам̣ саран̣ам̣ г̇ажчаами, сан̇гхам̣ саран̣ам̣ г̇ажчаами; д̣̇уд̇ияамби б̣уд̣̇д̇хам̣ саран̣ам̣ г̇ажчаами, д̣̇уд̇ияамби д̇хаммам̣ саран̣ам̣ г̇ажчаами, д̣̇уд̇ияамби сан̇гхам̣ саран̣ам̣ г̇ажчаами; д̇ад̇ияамби б̣уд̣̇д̇хам̣ саран̣ам̣ г̇ажчаами, д̇ад̇ияамби д̇хаммам̣ саран̣ам̣ г̇ажчаами, д̇ад̇ияамби сан̇гхам̣ саран̣ам̣ г̇ажчаамий’’д̇и.
86. Tena kho pana samayena yo so aññatitthiyapubbo 2 pajjhāyena sahadhammikaṃ vuccamāno upajjhāyassa vādaṃ āropetvā taṃyeva titthāyatanaṃ saṅkami. So puna paccāgantvā bhikkhū upasampadaṃ yāci. Bhikkhū bhagavato etamatthaṃ ārocesuṃ. Yo so, bhikkhave, aññatitthiyapubbo upajjhāyena sahadhammikaṃ vuccamāno upajjhāyassa vādaṃ āropetvā taṃyeva titthāyatanaṃ saṅkanto, so āgato na upasampādetabbo. Yo so, bhikkhave, aññopi aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, tassa cattāro māse parivāso dātabbo. Evañca pana, bhikkhave, dātabbo – paṭhamaṃ kesamassuṃ ohārāpetvā kāsāyāni vatthāni acchādāpetvā ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā evaṃ vadehīti vattabbo – ‘‘buddhaṃ saraṇaṃ gacchāmi, dhammaṃ saraṇaṃ gacchāmi, saṅghaṃ saraṇaṃ gacchāmi; dutiyampi buddhaṃ saraṇaṃ gacchāmi, dutiyampi dhammaṃ saraṇaṃ gacchāmi, dutiyampi saṅghaṃ saraṇaṃ gacchāmi; tatiyampi buddhaṃ saraṇaṃ gacchāmi, tatiyampi dhammaṃ saraṇaṃ gacchāmi, tatiyampi saṅghaṃ saraṇaṃ gacchāmī’’ti.
д̇зна, бхигкавз, ан̃н̃ад̇ид̇т̇ияабуб̣б̣зна сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, бханд̇з, ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇каами убасамбад̣̇ам̣. сохам̣, бханд̇з, сан̇гхам̣ жад̇д̇ааро маасз бариваасам̣ яаажаамий’’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena, bhikkhave, aññatitthiyapubbena saṅghaṃ upasaṅkamitvā ekaṃsaṃ uttarāsaṅgaṃ karitvā bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, aññatitthiyapubbo imasmiṃ dhammavinaye ākaṅkhāmi upasampadaṃ. Sohaṃ, bhante, saṅghaṃ cattāro māse parivāsaṃ yācāmī’’ti. Dutiyampi yācitabbo. Tatiyampi yācitabbo. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и убасамбад̣̇ам̣. со сан̇гхам̣ жад̇д̇ааро маасз бариваасам̣ яаажад̇и. яад̣̇и сан̇гхасса бад̇д̇агаллам̣ сан̇гхо ид̇т̇аннаамасса ан̃н̃ад̇ид̇т̇ияабуб̣б̣асса жад̇д̇ааро маасз бариваасам̣ д̣̇ад̣̇зяяа. зсаа н̃ад̇д̇и.
‘‘Suṇātu me, bhante, saṅgho. Ayaṃ itthannāmo aññatitthiyapubbo imasmiṃ dhammavinaye ākaṅkhati upasampadaṃ. So saṅghaṃ cattāro māse parivāsaṃ yācati. Yadi saṅghassa pattakallaṃ saṅgho itthannāmassa aññatitthiyapubbassa cattāro māse parivāsaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и убасамбад̣̇ам̣. со сан̇гхам̣ жад̇д̇ааро маасз бариваасам̣ яаажад̇и. сан̇гхо ид̇т̇аннаамасса ан̃н̃ад̇ид̇т̇ияабуб̣б̣асса жад̇д̇ааро маасз бариваасам̣ д̣̇зд̇и. яассааяасмад̇о камад̇и ид̇т̇аннаамасса ан̃н̃ад̇ид̇т̇ияабуб̣б̣асса жад̇д̇ааро маасз бариваасасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo aññatitthiyapubbo imasmiṃ dhammavinaye ākaṅkhati upasampadaṃ. So saṅghaṃ cattāro māse parivāsaṃ yācati. Saṅgho itthannāmassa aññatitthiyapubbassa cattāro māse parivāsaṃ deti. Yassāyasmato khamati itthannāmassa aññatitthiyapubbassa cattāro māse parivāsassa dānaṃ, so tuṇhassa; yassa nakkhamati, so bhāseyya.
‘‘д̣̇инно сан̇гхзна ид̇т̇аннаамасса ан̃н̃ад̇ид̇т̇ияабуб̣б̣асса жад̇д̇ааро маасз бариваасо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena itthannāmassa aññatitthiyapubbassa cattāro māse parivāso. Khamati saṅghassa, tasmā tuṇhī, evametaṃ dhārayāmī’’ti.
87. ‘‘звам̣ ко, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и, звам̣ анаараад̇хаго. гат̇ан̃жа, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и? ид̇ха, бхигкавз, ан̃н̃ад̇ид̇т̇ияабуб̣б̣о ад̇игаалзна г̇аамам̣ бависад̇и, ад̇ид̣̇иваа бадиггамад̇и. звамби, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и.
87. ‘‘Evaṃ kho, bhikkhave, aññatitthiyapubbo ārādhako hoti, evaṃ anārādhako. Kathañca, bhikkhave, aññatitthiyapubbo anārādhako hoti? Idha, bhikkhave, aññatitthiyapubbo atikālena gāmaṃ pavisati, atidivā paṭikkamati. Evampi, bhikkhave, aññatitthiyapubbo anārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о взсияааг̇ожаро ваа ход̇и, вид̇хавааг̇ожаро ваа ход̇и, т̇уллагумааригааг̇ожаро ваа ход̇и, бан̣д̣агаг̇ожаро ваа ход̇и, бхигкуниг̇ожаро ваа ход̇и. звамби, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и.
‘‘Puna caparaṃ, bhikkhave, aññatitthiyapubbo vesiyāgocaro vā hoti, vidhavāgocaro vā hoti, thullakumārikāgocaro vā hoti, paṇḍakagocaro vā hoti, bhikkhunigocaro vā hoti. Evampi, bhikkhave, aññatitthiyapubbo anārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о яаани д̇аани саб̣рахмажаарийнам̣ ужжааважаани гаран̣ийяаани, д̇ад̇т̇а на д̣̇агко ход̇и, на аналасо, на д̇ад̇рубааяааяа виймам̣сааяа саманнааг̇ад̇о, на алам̣ гаад̇ум̣, на алам̣ сам̣вид̇хаад̇ум̣. звамби, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и.
‘‘Puna caparaṃ, bhikkhave, aññatitthiyapubbo yāni tāni sabrahmacārīnaṃ uccāvacāni karaṇīyāni, tattha na dakkho hoti, na analaso, na tatrupāyāya vīmaṃsāya samannāgato, na alaṃ kātuṃ, na alaṃ saṃvidhātuṃ. Evampi, bhikkhave, aññatitthiyapubbo anārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о на д̇иб̣б̣ажчанд̣̇о ход̇и уд̣̇д̣̇зсз, барибужчааяа, ад̇хисийлз, ад̇хижид̇д̇з, ад̇хибан̃н̃ааяа. звамби, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и.
‘‘Puna caparaṃ, bhikkhave, aññatitthiyapubbo na tibbacchando hoti uddese, paripucchāya, adhisīle, adhicitte, adhipaññāya. Evampi, bhikkhave, aññatitthiyapubbo anārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о яасса д̇ид̇т̇ааяад̇анаа сан̇ганд̇о ход̇и, д̇асса сад̇т̇уно д̇асса д̣̇идтияаа д̇асса канд̇ияаа д̇асса ружияаа д̇асса аад̣̇ааяасса аван̣н̣з бхан̃н̃амаанз губид̇о ход̇и анад̇д̇амано анабхирад̣̇д̇хо, б̣уд̣̇д̇хасса ваа д̇хаммасса ваа сан̇гхасса ваа аван̣н̣з бхан̃н̃амаанз ад̇д̇амано ход̇и уд̣̇аг̇г̇о абхирад̣̇д̇хо. яасса ваа бана д̇ид̇т̇ааяад̇анаа сан̇ганд̇о ход̇и, д̇асса сад̇т̇уно д̇асса д̣̇идтияаа д̇асса канд̇ияаа д̇асса ружияаа д̇асса аад̣̇ааяасса ван̣н̣з бхан̃н̃амаанз ад̇д̇амано ход̇и уд̣̇аг̇г̇о абхирад̣̇д̇хо, б̣уд̣̇д̇хасса ваа д̇хаммасса ваа сан̇гхасса ваа ван̣н̣з бхан̃н̃амаанз губид̇о ход̇и анад̇д̇амано анабхирад̣̇д̇хо. ид̣̇ам̣, бхигкавз, сан̇гхаад̇анигам̣ ан̃н̃ад̇ид̇т̇ияабуб̣б̣асса анаараад̇ханийяасмим̣. звамби ко, бхигкавз, ан̃н̃ад̇ид̇т̇ияабуб̣б̣о анаараад̇хаго ход̇и. звам̣ анаараад̇хаго ко, бхигкавз, ан̃н̃ад̇ид̇т̇ияабуб̣б̣о ааг̇ад̇о на убасамбаад̣̇зд̇аб̣б̣о.
‘‘Puna caparaṃ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā avaṇṇe bhaññamāne attamano hoti udaggo abhiraddho. Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā vaṇṇe bhaññamāne kupito hoti anattamano anabhiraddho. Idaṃ, bhikkhave, saṅghātanikaṃ aññatitthiyapubbassa anārādhanīyasmiṃ. Evampi kho, bhikkhave, aññatitthiyapubbo anārādhako hoti. Evaṃ anārādhako kho, bhikkhave, aññatitthiyapubbo āgato na upasampādetabbo.
‘‘гат̇ан̃жа, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и? ид̇ха, бхигкавз, ан̃н̃ад̇ид̇т̇ияабуб̣б̣о наад̇игаалзна г̇аамам̣ бависад̇и наад̇ид̣̇иваа бадиггамад̇и. звамби, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и.
‘‘Kathañca, bhikkhave, aññatitthiyapubbo ārādhako hoti? Idha, bhikkhave, aññatitthiyapubbo nātikālena gāmaṃ pavisati nātidivā paṭikkamati. Evampi, bhikkhave, aññatitthiyapubbo ārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о на взсияааг̇ожаро ход̇и, на вид̇хавааг̇ожаро ход̇и, на т̇уллагумааригааг̇ожаро ход̇и, на бан̣д̣агаг̇ожаро ход̇и, на бхигкуниг̇ожаро ход̇и. звамби, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и.
‘‘Puna caparaṃ, bhikkhave, aññatitthiyapubbo na vesiyāgocaro hoti, na vidhavāgocaro hoti, na thullakumārikāgocaro hoti, na paṇḍakagocaro hoti, na bhikkhunigocaro hoti. Evampi, bhikkhave, aññatitthiyapubbo ārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о яаани д̇аани саб̣рахмажаарийнам̣ ужжааважаани гаран̣ийяаани, д̇ад̇т̇а д̣̇агко ход̇и, аналасо, д̇ад̇рубааяааяа виймам̣сааяа саманнааг̇ад̇о, алам̣ гаад̇ум̣, алам̣ сам̣вид̇хаад̇ум̣. звамби, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и.
‘‘Puna caparaṃ, bhikkhave, aññatitthiyapubbo yāni tāni sabrahmacārīnaṃ uccāvacāni karaṇīyāni, tattha dakkho hoti, analaso, tatrupāyāya vīmaṃsāya samannāgato, alaṃ kātuṃ, alaṃ saṃvidhātuṃ. Evampi, bhikkhave, aññatitthiyapubbo ārādhako hoti.
‘‘буна жабарам̣, бхигкавз , ан̃н̃ад̇ид̇т̇ияабуб̣б̣о д̇иб̣б̣ажчанд̣̇о ход̇и уд̣̇д̣̇зсз, барибужчааяа, ад̇хисийлз, ад̇хижид̇д̇з, ад̇хибан̃н̃ааяа. звамби, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и.
‘‘Puna caparaṃ, bhikkhave , aññatitthiyapubbo tibbacchando hoti uddese, paripucchāya, adhisīle, adhicitte, adhipaññāya. Evampi, bhikkhave, aññatitthiyapubbo ārādhako hoti.
‘‘буна жабарам̣, бхигкавз, ан̃н̃ад̇ид̇т̇ияабуб̣б̣о яасса д̇ид̇т̇ааяад̇анаа сан̇ганд̇о ход̇и, д̇асса сад̇т̇уно д̇асса д̣̇идтияаа д̇асса канд̇ияаа д̇асса ружияаа д̇асса аад̣̇ааяасса аван̣н̣з бхан̃н̃амаанз ад̇д̇амано ход̇и уд̣̇аг̇г̇о абхирад̣̇д̇хо, б̣уд̣̇д̇хасса ваа д̇хаммасса ваа сан̇гхасса ваа аван̣н̣з бхан̃н̃амаанз губид̇о ход̇и анад̇д̇амано анабхирад̣̇д̇хо. яасса ваа бана д̇ид̇т̇ааяад̇анаа сан̇ганд̇о ход̇и, д̇асса сад̇т̇уно д̇асса д̣̇идтияаа д̇асса канд̇ияаа д̇асса ружияаа д̇асса аад̣̇ааяасса ван̣н̣з бхан̃н̃амаанз губид̇о ход̇и анад̇д̇амано анабхирад̣̇д̇хо, б̣уд̣̇д̇хасса ваа д̇хаммасса ваа сан̇гхасса ваа ван̣н̣з бхан̃н̃амаанз ад̇д̇амано ход̇и уд̣̇аг̇г̇о абхирад̣̇д̇хо. ид̣̇ам̣, бхигкавз, сан̇гхаад̇анигам̣ ан̃н̃ад̇ид̇т̇ияабуб̣б̣асса аараад̇ханийяасмим̣. звамби ко, бхигкавз, ан̃н̃ад̇ид̇т̇ияабуб̣б̣о аараад̇хаго ход̇и. звам̣ аараад̇хаго ко, бхигкавз, ан̃н̃ад̇ид̇т̇ияабуб̣б̣о ааг̇ад̇о убасамбаад̣̇зд̇аб̣б̣о.
‘‘Puna caparaṃ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā avaṇṇe bhaññamāne kupito hoti anattamano anabhiraddho. Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā vaṇṇe bhaññamāne attamano hoti udaggo abhiraddho. Idaṃ, bhikkhave, saṅghātanikaṃ aññatitthiyapubbassa ārādhanīyasmiṃ. Evampi kho, bhikkhave, aññatitthiyapubbo ārādhako hoti. Evaṃ ārādhako kho, bhikkhave, aññatitthiyapubbo āgato upasampādetabbo.
‘‘сажз, бхигкавз, ан̃н̃ад̇ид̇т̇ияабуб̣б̣о наг̇г̇о ааг̇ажчад̇и, убаж̇жхааяамуулагам̣ жийварам̣ бариязсид̇аб̣б̣ам̣. сажз ажчиннагзсо ааг̇ажчад̇и, сан̇гхо абалогзд̇аб̣б̣о бхан̣д̣угаммааяа. яз д̇з, бхигкавз, аг̇г̇игаа ж̇адилагаа, д̇з ааг̇ад̇аа убасамбаад̣̇зд̇аб̣б̣аа, на д̇зсам̣ бариваасо д̣̇аад̇аб̣б̣о. д̇ам̣ гисса хзд̇у? гаммаваад̣̇ино зд̇з, бхигкавз, гирияаваад̣̇ино. сажз, бхигкавз, ж̇аад̇ияаа саагияо ан̃н̃ад̇ид̇т̇ияабуб̣б̣о ааг̇ажчад̇и , со ааг̇ад̇о убасамбаад̣̇зд̇аб̣б̣о, на д̇асса бариваасо д̣̇аад̇аб̣б̣о. имаахам̣, бхигкавз, н̃аад̇ийнам̣ аавзн̣игам̣ барихаарам̣ д̣̇аммий’’д̇и.
‘‘Sace, bhikkhave, aññatitthiyapubbo naggo āgacchati, upajjhāyamūlakaṃ cīvaraṃ pariyesitabbaṃ. Sace acchinnakeso āgacchati, saṅgho apaloketabbo bhaṇḍukammāya. Ye te, bhikkhave, aggikā jaṭilakā, te āgatā upasampādetabbā, na tesaṃ parivāso dātabbo. Taṃ kissa hetu? Kammavādino ete, bhikkhave, kiriyavādino. Sace, bhikkhave, jātiyā sākiyo aññatitthiyapubbo āgacchati , so āgato upasampādetabbo, na tassa parivāso dātabbo. Imāhaṃ, bhikkhave, ñātīnaṃ āveṇikaṃ parihāraṃ dammī’’ti.
ан̃н̃ад̇ид̇т̇ияабуб̣б̣агат̇аа нидтид̇аа.
Aññatitthiyapubbakathā niṭṭhitā.
сад̇д̇амабхаан̣авааро.
Sattamabhāṇavāro.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ан̃н̃ад̇ид̇т̇ияабуб̣б̣авад̇т̇угат̇аа • Aññatitthiyapubbavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 25. ан̃н̃ад̇ид̇т̇ияабуб̣б̣авад̇т̇угат̇аа • 25. Aññatitthiyapubbavatthukathā
