| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੫. ਅਞ੍ਞਤਿਤ੍ਥਿਯਪੁਬ੍ਬਕਥਾ
25. Aññatitthiyapubbakathā
੮੬. ਤੇਨ ਖੋ ਪਨ ਸਮਯੇਨ ਯੋ ਸੋ ਅਞ੍ਞਤਿਤ੍ਥਿਯਪੁਬ੍ਬੋ 1 ਪਜ੍ਝਾਯੇਨ ਸਹਧਮ੍ਮਿਕਂ વੁਚ੍ਚਮਾਨੋ ਉਪਜ੍ਝਾਯਸ੍ਸ વਾਦਂ ਆਰੋਪੇਤ੍વਾ ਤਂਯੇવ ਤਿਤ੍ਥਾਯਤਨਂ ਸਙ੍ਕਮਿ। ਸੋ ਪੁਨ ਪਚ੍ਚਾਗਨ੍ਤ੍વਾ ਭਿਕ੍ਖੂ ਉਪਸਮ੍ਪਦਂ ਯਾਚਿ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਯੋ ਸੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਉਪਜ੍ਝਾਯੇਨ ਸਹਧਮ੍ਮਿਕਂ વੁਚ੍ਚਮਾਨੋ ਉਪਜ੍ਝਾਯਸ੍ਸ વਾਦਂ ਆਰੋਪੇਤ੍વਾ ਤਂਯੇવ ਤਿਤ੍ਥਾਯਤਨਂ ਸਙ੍ਕਨ੍ਤੋ, ਸੋ ਆਗਤੋ ਨ ਉਪਸਮ੍ਪਾਦੇਤਬ੍ਬੋ। ਯੋ ਸੋ, ਭਿਕ੍ਖવੇ, ਅਞ੍ਞੋਪਿ ਅਞ੍ਞਤਿਤ੍ਥਿਯਪੁਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ ਆਕਙ੍ਖਤਿ ਪਬ੍ਬਜ੍ਜਂ, ਆਕਙ੍ਖਤਿ ਉਪਸਮ੍ਪਦਂ, ਤਸ੍ਸ ਚਤ੍ਤਾਰੋ ਮਾਸੇ ਪਰਿવਾਸੋ ਦਾਤਬ੍ਬੋ। ਏવਞ੍ਚ ਪਨ, ਭਿਕ੍ਖવੇ, ਦਾਤਬ੍ਬੋ – ਪਠਮਂ ਕੇਸਮਸ੍ਸੁਂ ਓਹਾਰਾਪੇਤ੍વਾ ਕਾਸਾਯਾਨਿ વਤ੍ਥਾਨਿ ਅਚ੍ਛਾਦਾਪੇਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਾਰਾਪੇਤ੍વਾ ਭਿਕ੍ਖੂਨਂ ਪਾਦੇ વਨ੍ਦਾਪੇਤ੍વਾ ਉਕ੍ਕੁਟਿਕਂ ਨਿਸੀਦਾਪੇਤ੍વਾ ਅਞ੍ਜਲਿਂ ਪਗ੍ਗਣ੍ਹਾਪੇਤ੍વਾ ਏવਂ વਦੇਹੀਤਿ વਤ੍ਤਬ੍ਬੋ – ‘‘ਬੁਦ੍ਧਂ ਸਰਣਂ ਗਚ੍ਛਾਮਿ, ਧਮ੍ਮਂ ਸਰਣਂ ਗਚ੍ਛਾਮਿ, ਸਙ੍ਘਂ ਸਰਣਂ ਗਚ੍ਛਾਮਿ; ਦੁਤਿਯਮ੍ਪਿ ਬੁਦ੍ਧਂ ਸਰਣਂ ਗਚ੍ਛਾਮਿ, ਦੁਤਿਯਮ੍ਪਿ ਧਮ੍ਮਂ ਸਰਣਂ ਗਚ੍ਛਾਮਿ, ਦੁਤਿਯਮ੍ਪਿ ਸਙ੍ਘਂ ਸਰਣਂ ਗਚ੍ਛਾਮਿ; ਤਤਿਯਮ੍ਪਿ ਬੁਦ੍ਧਂ ਸਰਣਂ ਗਚ੍ਛਾਮਿ, ਤਤਿਯਮ੍ਪਿ ਧਮ੍ਮਂ ਸਰਣਂ ਗਚ੍ਛਾਮਿ, ਤਤਿਯਮ੍ਪਿ ਸਙ੍ਘਂ ਸਰਣਂ ਗਚ੍ਛਾਮੀ’’ਤਿ।
86. Tena kho pana samayena yo so aññatitthiyapubbo 2 pajjhāyena sahadhammikaṃ vuccamāno upajjhāyassa vādaṃ āropetvā taṃyeva titthāyatanaṃ saṅkami. So puna paccāgantvā bhikkhū upasampadaṃ yāci. Bhikkhū bhagavato etamatthaṃ ārocesuṃ. Yo so, bhikkhave, aññatitthiyapubbo upajjhāyena sahadhammikaṃ vuccamāno upajjhāyassa vādaṃ āropetvā taṃyeva titthāyatanaṃ saṅkanto, so āgato na upasampādetabbo. Yo so, bhikkhave, aññopi aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, tassa cattāro māse parivāso dātabbo. Evañca pana, bhikkhave, dātabbo – paṭhamaṃ kesamassuṃ ohārāpetvā kāsāyāni vatthāni acchādāpetvā ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā evaṃ vadehīti vattabbo – ‘‘buddhaṃ saraṇaṃ gacchāmi, dhammaṃ saraṇaṃ gacchāmi, saṅghaṃ saraṇaṃ gacchāmi; dutiyampi buddhaṃ saraṇaṃ gacchāmi, dutiyampi dhammaṃ saraṇaṃ gacchāmi, dutiyampi saṅghaṃ saraṇaṃ gacchāmi; tatiyampi buddhaṃ saraṇaṃ gacchāmi, tatiyampi dhammaṃ saraṇaṃ gacchāmi, tatiyampi saṅghaṃ saraṇaṃ gacchāmī’’ti.
ਤੇਨ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੇਨ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਅਹਂ, ਭਨ੍ਤੇ, ਅਞ੍ਞਤਿਤ੍ਥਿਯਪੁਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ ਆਕਙ੍ਖਾਮਿ ਉਪਸਮ੍ਪਦਂ। ਸੋਹਂ, ਭਨ੍ਤੇ, ਸਙ੍ਘਂ ਚਤ੍ਤਾਰੋ ਮਾਸੇ ਪਰਿવਾਸਂ ਯਾਚਾਮੀ’’ਤਿ। ਦੁਤਿਯਮ੍ਪਿ ਯਾਚਿਤਬ੍ਬੋ। ਤਤਿਯਮ੍ਪਿ ਯਾਚਿਤਬ੍ਬੋ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Tena, bhikkhave, aññatitthiyapubbena saṅghaṃ upasaṅkamitvā ekaṃsaṃ uttarāsaṅgaṃ karitvā bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, aññatitthiyapubbo imasmiṃ dhammavinaye ākaṅkhāmi upasampadaṃ. Sohaṃ, bhante, saṅghaṃ cattāro māse parivāsaṃ yācāmī’’ti. Dutiyampi yācitabbo. Tatiyampi yācitabbo. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਅਞ੍ਞਤਿਤ੍ਥਿਯਪੁਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ ਆਕਙ੍ਖਤਿ ਉਪਸਮ੍ਪਦਂ। ਸੋ ਸਙ੍ਘਂ ਚਤ੍ਤਾਰੋ ਮਾਸੇ ਪਰਿવਾਸਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ ਸਙ੍ਘੋ ਇਤ੍ਥਨ੍ਨਾਮਸ੍ਸ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਚਤ੍ਤਾਰੋ ਮਾਸੇ ਪਰਿવਾਸਂ ਦਦੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Ayaṃ itthannāmo aññatitthiyapubbo imasmiṃ dhammavinaye ākaṅkhati upasampadaṃ. So saṅghaṃ cattāro māse parivāsaṃ yācati. Yadi saṅghassa pattakallaṃ saṅgho itthannāmassa aññatitthiyapubbassa cattāro māse parivāsaṃ dadeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਅਞ੍ਞਤਿਤ੍ਥਿਯਪੁਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ ਆਕਙ੍ਖਤਿ ਉਪਸਮ੍ਪਦਂ। ਸੋ ਸਙ੍ਘਂ ਚਤ੍ਤਾਰੋ ਮਾਸੇ ਪਰਿવਾਸਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਚਤ੍ਤਾਰੋ ਮਾਸੇ ਪਰਿવਾਸਂ ਦੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਚਤ੍ਤਾਰੋ ਮਾਸੇ ਪਰਿવਾਸਸ੍ਸ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmo aññatitthiyapubbo imasmiṃ dhammavinaye ākaṅkhati upasampadaṃ. So saṅghaṃ cattāro māse parivāsaṃ yācati. Saṅgho itthannāmassa aññatitthiyapubbassa cattāro māse parivāsaṃ deti. Yassāyasmato khamati itthannāmassa aññatitthiyapubbassa cattāro māse parivāsassa dānaṃ, so tuṇhassa; yassa nakkhamati, so bhāseyya.
‘‘ਦਿਨ੍ਨੋ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਚਤ੍ਤਾਰੋ ਮਾਸੇ ਪਰਿવਾਸੋ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Dinno saṅghena itthannāmassa aññatitthiyapubbassa cattāro māse parivāso. Khamati saṅghassa, tasmā tuṇhī, evametaṃ dhārayāmī’’ti.
੮੭. ‘‘ਏવਂ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ, ਏવਂ ਅਨਾਰਾਧਕੋ। ਕਥਞ੍ਚ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ? ਇਧ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਤਿਕਾਲੇਨ ਗਾਮਂ ਪવਿਸਤਿ, ਅਤਿਦਿવਾ ਪਟਿਕ੍ਕਮਤਿ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ।
87. ‘‘Evaṃ kho, bhikkhave, aññatitthiyapubbo ārādhako hoti, evaṃ anārādhako. Kathañca, bhikkhave, aññatitthiyapubbo anārādhako hoti? Idha, bhikkhave, aññatitthiyapubbo atikālena gāmaṃ pavisati, atidivā paṭikkamati. Evampi, bhikkhave, aññatitthiyapubbo anārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ વੇਸਿਯਾਗੋਚਰੋ વਾ ਹੋਤਿ, વਿਧવਾਗੋਚਰੋ વਾ ਹੋਤਿ, ਥੁਲ੍ਲਕੁਮਾਰਿਕਾਗੋਚਰੋ વਾ ਹੋਤਿ, ਪਣ੍ਡਕਗੋਚਰੋ વਾ ਹੋਤਿ, ਭਿਕ੍ਖੁਨਿਗੋਚਰੋ વਾ ਹੋਤਿ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ।
‘‘Puna caparaṃ, bhikkhave, aññatitthiyapubbo vesiyāgocaro vā hoti, vidhavāgocaro vā hoti, thullakumārikāgocaro vā hoti, paṇḍakagocaro vā hoti, bhikkhunigocaro vā hoti. Evampi, bhikkhave, aññatitthiyapubbo anārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਯਾਨਿ ਤਾਨਿ ਸਬ੍ਰਹ੍ਮਚਾਰੀਨਂ ਉਚ੍ਚਾવਚਾਨਿ ਕਰਣੀਯਾਨਿ, ਤਤ੍ਥ ਨ ਦਕ੍ਖੋ ਹੋਤਿ, ਨ ਅਨਲਸੋ, ਨ ਤਤ੍ਰੁਪਾਯਾਯ વੀਮਂਸਾਯ ਸਮਨ੍ਨਾਗਤੋ, ਨ ਅਲਂ ਕਾਤੁਂ, ਨ ਅਲਂ ਸਂવਿਧਾਤੁਂ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ।
‘‘Puna caparaṃ, bhikkhave, aññatitthiyapubbo yāni tāni sabrahmacārīnaṃ uccāvacāni karaṇīyāni, tattha na dakkho hoti, na analaso, na tatrupāyāya vīmaṃsāya samannāgato, na alaṃ kātuṃ, na alaṃ saṃvidhātuṃ. Evampi, bhikkhave, aññatitthiyapubbo anārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਨ ਤਿਬ੍ਬਚ੍ਛਨ੍ਦੋ ਹੋਤਿ ਉਦ੍ਦੇਸੇ, ਪਰਿਪੁਚ੍ਛਾਯ, ਅਧਿਸੀਲੇ, ਅਧਿਚਿਤ੍ਤੇ, ਅਧਿਪਞ੍ਞਾਯ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ।
‘‘Puna caparaṃ, bhikkhave, aññatitthiyapubbo na tibbacchando hoti uddese, paripucchāya, adhisīle, adhicitte, adhipaññāya. Evampi, bhikkhave, aññatitthiyapubbo anārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਯਸ੍ਸ ਤਿਤ੍ਥਾਯਤਨਾ ਸਙ੍ਕਨ੍ਤੋ ਹੋਤਿ, ਤਸ੍ਸ ਸਤ੍ਥੁਨੋ ਤਸ੍ਸ ਦਿਟ੍ਠਿਯਾ ਤਸ੍ਸ ਖਨ੍ਤਿਯਾ ਤਸ੍ਸ ਰੁਚਿਯਾ ਤਸ੍ਸ ਆਦਾਯਸ੍ਸ ਅવਣ੍ਣੇ ਭਞ੍ਞਮਾਨੇ ਕੁਪਿਤੋ ਹੋਤਿ ਅਨਤ੍ਤਮਨੋ ਅਨਭਿਰਦ੍ਧੋ, ਬੁਦ੍ਧਸ੍ਸ વਾ ਧਮ੍ਮਸ੍ਸ વਾ ਸਙ੍ਘਸ੍ਸ વਾ ਅવਣ੍ਣੇ ਭਞ੍ਞਮਾਨੇ ਅਤ੍ਤਮਨੋ ਹੋਤਿ ਉਦਗ੍ਗੋ ਅਭਿਰਦ੍ਧੋ। ਯਸ੍ਸ વਾ ਪਨ ਤਿਤ੍ਥਾਯਤਨਾ ਸਙ੍ਕਨ੍ਤੋ ਹੋਤਿ, ਤਸ੍ਸ ਸਤ੍ਥੁਨੋ ਤਸ੍ਸ ਦਿਟ੍ਠਿਯਾ ਤਸ੍ਸ ਖਨ੍ਤਿਯਾ ਤਸ੍ਸ ਰੁਚਿਯਾ ਤਸ੍ਸ ਆਦਾਯਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨੋ ਹੋਤਿ ਉਦਗ੍ਗੋ ਅਭਿਰਦ੍ਧੋ, ਬੁਦ੍ਧਸ੍ਸ વਾ ਧਮ੍ਮਸ੍ਸ વਾ ਸਙ੍ਘਸ੍ਸ વਾ વਣ੍ਣੇ ਭਞ੍ਞਮਾਨੇ ਕੁਪਿਤੋ ਹੋਤਿ ਅਨਤ੍ਤਮਨੋ ਅਨਭਿਰਦ੍ਧੋ। ਇਦਂ, ਭਿਕ੍ਖવੇ, ਸਙ੍ਘਾਤਨਿਕਂ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਅਨਾਰਾਧਨੀਯਸ੍ਮਿਂ। ਏવਮ੍ਪਿ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਅਨਾਰਾਧਕੋ ਹੋਤਿ। ਏવਂ ਅਨਾਰਾਧਕੋ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਗਤੋ ਨ ਉਪਸਮ੍ਪਾਦੇਤਬ੍ਬੋ।
‘‘Puna caparaṃ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā avaṇṇe bhaññamāne attamano hoti udaggo abhiraddho. Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā vaṇṇe bhaññamāne kupito hoti anattamano anabhiraddho. Idaṃ, bhikkhave, saṅghātanikaṃ aññatitthiyapubbassa anārādhanīyasmiṃ. Evampi kho, bhikkhave, aññatitthiyapubbo anārādhako hoti. Evaṃ anārādhako kho, bhikkhave, aññatitthiyapubbo āgato na upasampādetabbo.
‘‘ਕਥਞ੍ਚ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ? ਇਧ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਨਾਤਿਕਾਲੇਨ ਗਾਮਂ ਪવਿਸਤਿ ਨਾਤਿਦਿવਾ ਪਟਿਕ੍ਕਮਤਿ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ।
‘‘Kathañca, bhikkhave, aññatitthiyapubbo ārādhako hoti? Idha, bhikkhave, aññatitthiyapubbo nātikālena gāmaṃ pavisati nātidivā paṭikkamati. Evampi, bhikkhave, aññatitthiyapubbo ārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਨ વੇਸਿਯਾਗੋਚਰੋ ਹੋਤਿ, ਨ વਿਧવਾਗੋਚਰੋ ਹੋਤਿ, ਨ ਥੁਲ੍ਲਕੁਮਾਰਿਕਾਗੋਚਰੋ ਹੋਤਿ, ਨ ਪਣ੍ਡਕਗੋਚਰੋ ਹੋਤਿ, ਨ ਭਿਕ੍ਖੁਨਿਗੋਚਰੋ ਹੋਤਿ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ।
‘‘Puna caparaṃ, bhikkhave, aññatitthiyapubbo na vesiyāgocaro hoti, na vidhavāgocaro hoti, na thullakumārikāgocaro hoti, na paṇḍakagocaro hoti, na bhikkhunigocaro hoti. Evampi, bhikkhave, aññatitthiyapubbo ārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਯਾਨਿ ਤਾਨਿ ਸਬ੍ਰਹ੍ਮਚਾਰੀਨਂ ਉਚ੍ਚਾવਚਾਨਿ ਕਰਣੀਯਾਨਿ, ਤਤ੍ਥ ਦਕ੍ਖੋ ਹੋਤਿ, ਅਨਲਸੋ, ਤਤ੍ਰੁਪਾਯਾਯ વੀਮਂਸਾਯ ਸਮਨ੍ਨਾਗਤੋ, ਅਲਂ ਕਾਤੁਂ, ਅਲਂ ਸਂવਿਧਾਤੁਂ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ।
‘‘Puna caparaṃ, bhikkhave, aññatitthiyapubbo yāni tāni sabrahmacārīnaṃ uccāvacāni karaṇīyāni, tattha dakkho hoti, analaso, tatrupāyāya vīmaṃsāya samannāgato, alaṃ kātuṃ, alaṃ saṃvidhātuṃ. Evampi, bhikkhave, aññatitthiyapubbo ārādhako hoti.
‘‘ਪੁਨ ਚਪਰਂ, ਭਿਕ੍ਖવੇ , ਅਞ੍ਞਤਿਤ੍ਥਿਯਪੁਬ੍ਬੋ ਤਿਬ੍ਬਚ੍ਛਨ੍ਦੋ ਹੋਤਿ ਉਦ੍ਦੇਸੇ, ਪਰਿਪੁਚ੍ਛਾਯ, ਅਧਿਸੀਲੇ, ਅਧਿਚਿਤ੍ਤੇ, ਅਧਿਪਞ੍ਞਾਯ। ਏવਮ੍ਪਿ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ।
‘‘Puna caparaṃ, bhikkhave , aññatitthiyapubbo tibbacchando hoti uddese, paripucchāya, adhisīle, adhicitte, adhipaññāya. Evampi, bhikkhave, aññatitthiyapubbo ārādhako hoti.
‘‘ਪੁਨ ਚਪਰਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਯਸ੍ਸ ਤਿਤ੍ਥਾਯਤਨਾ ਸਙ੍ਕਨ੍ਤੋ ਹੋਤਿ, ਤਸ੍ਸ ਸਤ੍ਥੁਨੋ ਤਸ੍ਸ ਦਿਟ੍ਠਿਯਾ ਤਸ੍ਸ ਖਨ੍ਤਿਯਾ ਤਸ੍ਸ ਰੁਚਿਯਾ ਤਸ੍ਸ ਆਦਾਯਸ੍ਸ ਅવਣ੍ਣੇ ਭਞ੍ਞਮਾਨੇ ਅਤ੍ਤਮਨੋ ਹੋਤਿ ਉਦਗ੍ਗੋ ਅਭਿਰਦ੍ਧੋ, ਬੁਦ੍ਧਸ੍ਸ વਾ ਧਮ੍ਮਸ੍ਸ વਾ ਸਙ੍ਘਸ੍ਸ વਾ ਅવਣ੍ਣੇ ਭਞ੍ਞਮਾਨੇ ਕੁਪਿਤੋ ਹੋਤਿ ਅਨਤ੍ਤਮਨੋ ਅਨਭਿਰਦ੍ਧੋ। ਯਸ੍ਸ વਾ ਪਨ ਤਿਤ੍ਥਾਯਤਨਾ ਸਙ੍ਕਨ੍ਤੋ ਹੋਤਿ, ਤਸ੍ਸ ਸਤ੍ਥੁਨੋ ਤਸ੍ਸ ਦਿਟ੍ਠਿਯਾ ਤਸ੍ਸ ਖਨ੍ਤਿਯਾ ਤਸ੍ਸ ਰੁਚਿਯਾ ਤਸ੍ਸ ਆਦਾਯਸ੍ਸ વਣ੍ਣੇ ਭਞ੍ਞਮਾਨੇ ਕੁਪਿਤੋ ਹੋਤਿ ਅਨਤ੍ਤਮਨੋ ਅਨਭਿਰਦ੍ਧੋ, ਬੁਦ੍ਧਸ੍ਸ વਾ ਧਮ੍ਮਸ੍ਸ વਾ ਸਙ੍ਘਸ੍ਸ વਾ વਣ੍ਣੇ ਭਞ੍ਞਮਾਨੇ ਅਤ੍ਤਮਨੋ ਹੋਤਿ ਉਦਗ੍ਗੋ ਅਭਿਰਦ੍ਧੋ। ਇਦਂ, ਭਿਕ੍ਖવੇ, ਸਙ੍ਘਾਤਨਿਕਂ ਅਞ੍ਞਤਿਤ੍ਥਿਯਪੁਬ੍ਬਸ੍ਸ ਆਰਾਧਨੀਯਸ੍ਮਿਂ। ਏવਮ੍ਪਿ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਰਾਧਕੋ ਹੋਤਿ। ਏવਂ ਆਰਾਧਕੋ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਆਗਤੋ ਉਪਸਮ੍ਪਾਦੇਤਬ੍ਬੋ।
‘‘Puna caparaṃ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā avaṇṇe bhaññamāne kupito hoti anattamano anabhiraddho. Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā vaṇṇe bhaññamāne attamano hoti udaggo abhiraddho. Idaṃ, bhikkhave, saṅghātanikaṃ aññatitthiyapubbassa ārādhanīyasmiṃ. Evampi kho, bhikkhave, aññatitthiyapubbo ārādhako hoti. Evaṃ ārādhako kho, bhikkhave, aññatitthiyapubbo āgato upasampādetabbo.
‘‘ਸਚੇ, ਭਿਕ੍ਖવੇ, ਅਞ੍ਞਤਿਤ੍ਥਿਯਪੁਬ੍ਬੋ ਨਗ੍ਗੋ ਆਗਚ੍ਛਤਿ, ਉਪਜ੍ਝਾਯਮੂਲਕਂ ਚੀવਰਂ ਪਰਿਯੇਸਿਤਬ੍ਬਂ। ਸਚੇ ਅਚ੍ਛਿਨ੍ਨਕੇਸੋ ਆਗਚ੍ਛਤਿ, ਸਙ੍ਘੋ ਅਪਲੋਕੇਤਬ੍ਬੋ ਭਣ੍ਡੁਕਮ੍ਮਾਯ। ਯੇ ਤੇ, ਭਿਕ੍ਖવੇ, ਅਗ੍ਗਿਕਾ ਜਟਿਲਕਾ, ਤੇ ਆਗਤਾ ਉਪਸਮ੍ਪਾਦੇਤਬ੍ਬਾ, ਨ ਤੇਸਂ ਪਰਿવਾਸੋ ਦਾਤਬ੍ਬੋ। ਤਂ ਕਿਸ੍ਸ ਹੇਤੁ? ਕਮ੍ਮવਾਦਿਨੋ ਏਤੇ, ਭਿਕ੍ਖવੇ, ਕਿਰਿਯવਾਦਿਨੋ। ਸਚੇ, ਭਿਕ੍ਖવੇ, ਜਾਤਿਯਾ ਸਾਕਿਯੋ ਅਞ੍ਞਤਿਤ੍ਥਿਯਪੁਬ੍ਬੋ ਆਗਚ੍ਛਤਿ , ਸੋ ਆਗਤੋ ਉਪਸਮ੍ਪਾਦੇਤਬ੍ਬੋ, ਨ ਤਸ੍ਸ ਪਰਿવਾਸੋ ਦਾਤਬ੍ਬੋ। ਇਮਾਹਂ, ਭਿਕ੍ਖવੇ, ਞਾਤੀਨਂ ਆવੇਣਿਕਂ ਪਰਿਹਾਰਂ ਦਮ੍ਮੀ’’ਤਿ।
‘‘Sace, bhikkhave, aññatitthiyapubbo naggo āgacchati, upajjhāyamūlakaṃ cīvaraṃ pariyesitabbaṃ. Sace acchinnakeso āgacchati, saṅgho apaloketabbo bhaṇḍukammāya. Ye te, bhikkhave, aggikā jaṭilakā, te āgatā upasampādetabbā, na tesaṃ parivāso dātabbo. Taṃ kissa hetu? Kammavādino ete, bhikkhave, kiriyavādino. Sace, bhikkhave, jātiyā sākiyo aññatitthiyapubbo āgacchati , so āgato upasampādetabbo, na tassa parivāso dātabbo. Imāhaṃ, bhikkhave, ñātīnaṃ āveṇikaṃ parihāraṃ dammī’’ti.
ਅਞ੍ਞਤਿਤ੍ਥਿਯਪੁਬ੍ਬਕਥਾ ਨਿਟ੍ਠਿਤਾ।
Aññatitthiyapubbakathā niṭṭhitā.
ਸਤ੍ਤਮਭਾਣવਾਰੋ।
Sattamabhāṇavāro.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾ • Aññatitthiyapubbavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ • Aññatitthiyapubbavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ • Aññatitthiyapubbavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ • Aññatitthiyapubbavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੫. ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾ • 25. Aññatitthiyapubbavatthukathā
