| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
25. ан̃н̃ад̇ид̇т̇ияабуб̣б̣авад̇т̇угат̇аа
25. Aññatitthiyapubbavatthukathā
86. яо банаад̇и яо бана ан̃н̃ад̇ид̇т̇ияабуб̣б̣о. ан̃н̃обийд̇и басуурад̇о абароби. ид̇хаад̇и имасмим̣ саасанз. д̇асминд̇и ан̃н̃ад̇ид̇т̇ияабуб̣б̣з. д̇ад̇т̇аад̇и ‘‘яо со бхигкавз ан̃н̃обий’’д̇иаад̣̇иважанз. аяанд̇и бариваасо. наг̇г̇абариб̣б̣ааж̇агассзваад̇и вад̇ваа д̇асса бхзд̣̇ам̣ д̣̇ассзд̇ум̣ вуд̇д̇ам̣ ‘‘ааж̇ийвагасса ваа ажзлагасса ваа’’д̇и. д̇ад̇т̇а ааж̇ийваго убари згамзва вад̇т̇ам̣ убагажчагз бавзсзд̇ваа барид̣̇ахад̇и, хздтаа наг̇г̇о. ажзлаго бана саб̣б̣зна саб̣б̣ам̣ наг̇г̇оязва. собийд̇и =03 наг̇г̇абариб̣б̣ааж̇агоби. ваалагамб̣алаад̣̇ийнанд̇и ваалзна гад̇ам̣ гамб̣алам̣, аад̣̇исад̣̇д̣̇зна гзсагамб̣алаад̣̇аяо сан̇г̇ан̣хаад̇и. ассаад̇и бариб̣б̣ааж̇агасса. ан̃н̃ассаад̇и наг̇г̇абариб̣б̣ааж̇агад̇о абарасса. бан̣д̣аран̇г̇аад̣̇игассаад̇и бан̣д̣арам̣ сзд̇авад̇т̇ам̣ ан̇г̇з сарийрз зд̇ассад̇т̇ийд̇и бан̣д̣аран̇г̇о, аад̣̇исад̣̇д̣̇зна нийлан̇г̇аад̣̇аяо сан̇г̇ан̣хаад̇и.
86.Yo panāti yo pana aññatitthiyapubbo. Aññopīti pasūrato aparopi. Idhāti imasmiṃ sāsane. Tasminti aññatitthiyapubbe. Tatthāti ‘‘yo so bhikkhave aññopī’’tiādivacane. Ayanti parivāso. Naggaparibbājakassevāti vatvā tassa bhedaṃ dassetuṃ vuttaṃ ‘‘ājīvakassa vā acelakassa vā’’ti. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako pana sabbena sabbaṃ naggoyeva. Sopīti =03 naggaparibbājakopi. Vālakambalādīnanti vālena kataṃ kambalaṃ, ādisaddena kesakambalādayo saṅgaṇhāti. Assāti paribbājakassa. Aññassāti naggaparibbājakato aparassa. Paṇḍaraṅgādikassāti paṇḍaraṃ setavatthaṃ aṅge sarīre etassatthīti paṇḍaraṅgo, ādisaddena nīlaṅgādayo saṅgaṇhāti.
званд̇и иминаа гзсамассуоробанаад̣̇инаа. баб̣б̣ааж̇знд̇зхи бхигкуухийд̇и самб̣анд̇хо. д̇асминд̇и ан̃н̃ад̇ид̇т̇ияабуб̣б̣з, нисиннзязваад̇и яож̇анаа. анаад̣̇арз жзд̇ам̣ бхуммаважанам̣. д̇ассаад̇и ан̃н̃ад̇ид̇т̇ияабуб̣б̣асса. наяимзд̇и на имз, бхигкууд̇и самб̣анд̇хо. д̇анд̇и ан̃н̃ад̇ид̇т̇ияабуб̣б̣ам̣.
Evanti iminā kesamassuoropanādinā. Pabbājentehi bhikkhūhīti sambandho. Tasminti aññatitthiyapubbe, nisinneyevāti yojanā. Anādare cetaṃ bhummavacanaṃ. Tassāti aññatitthiyapubbassa. Nayimeti na ime, bhikkhūti sambandho. Tanti aññatitthiyapubbaṃ.
87. ‘‘звам̣ ко…бз… анаараад̇хаго’’д̇и аяам̣ гат̇аа маад̇игаад̇и яож̇анаа. ассаад̇и ан̃н̃ад̇ид̇т̇ияабуб̣б̣асса. д̇ассзваад̇и д̇ассааязва маад̇игааяа. д̇ад̇т̇аад̇и вибхан̇г̇з. ад̇игаалзнаад̇и зд̇т̇а бхад̇д̇агижжам̣ гад̇ваа вад̇д̇агаран̣авзлааязва ад̇игаало наамаад̇и д̣̇ассзнд̇о ааха ‘‘вад̇д̇агаран̣авзлааяамзваа’’д̇и. иминаа бхуммад̇т̇з гаран̣аважананд̇иби д̣̇ассзд̇и. д̇ад̇т̇зваад̇и гулагхарзсуязва. ан̃н̃ад̣̇ад̇т̇ууд̇и згам̣сзна, ‘‘гаронд̇о’’д̇и иминаа баатасзсам̣ д̣̇ассзд̇и. звамби гаронд̇о ан̃н̃ад̇ид̇т̇ияабуб̣б̣од̇и яож̇анаа. ‘‘самбаад̣̇аго’’д̇и иминаа анаараад̇хагод̇и зд̇т̇а аараад̇хасад̣̇д̣̇асса саад̇ханад̇т̇ам̣ д̣̇ассзд̇и, д̇осанад̇т̇аад̣̇аяо нивад̇д̇зд̇и.
87. ‘‘Evaṃ kho…pe… anārādhako’’ti ayaṃ kathā mātikāti yojanā. Assāti aññatitthiyapubbassa. Tassevāti tassāyeva mātikāya. Tatthāti vibhaṅge. Atikālenāti ettha bhattakiccaṃ katvā vattakaraṇavelāyeva atikālo nāmāti dassento āha ‘‘vattakaraṇavelāyamevā’’ti. Iminā bhummatthe karaṇavacanantipi dasseti. Tatthevāti kulagharesuyeva. Aññadatthūti ekaṃsena, ‘‘karonto’’ti iminā pāṭhasesaṃ dasseti. Evampi karonto aññatitthiyapubboti yojanā. ‘‘Sampādako’’ti iminā anārādhakoti ettha ārādhasaddassa sādhanatthaṃ dasseti, tosanatthādayo nivatteti.
аж̇жхаажаарад̇т̇игаа висанд̇и бависанд̇и зд̇т̇аад̇и взсияаа, собхан̣аруубасан̇каад̇ам̣ взсам̣ д̇хаарзд̇ийд̇и ваа взсияаа. д̇зна вуд̇д̇ам̣ ‘‘сулабхаж̇жхаажаараа’’д̇иаад̣̇и. аамисоязва гин̃ж̇агко аббамад̇д̇агадтзнаад̇и аамисагин̃ж̇агко, висзсанабарабад̣̇о. ат̇а ваа аамисо жа д̇ад̇о ан̃н̃о гин̃ж̇агко жа аамисагин̃ж̇агкам̣, д̇асса самбад̣̇аанам̣ аамисагин̃ж̇агкасамбад̣̇аанам̣. гин̃ж̇агкасад̣̇д̣̇о гзсарассзва мукяад̇о ваажаго, аббамад̇д̇агасса бана руул̣хийвасзна. вид̇хаваад̇и зд̇т̇а д̇хавасад̣̇д̣̇о бад̇иноязва ваажаго, на ругкависзсассаад̇и д̣̇ассзнд̇о ааха ‘‘мад̇абад̇игаа ваа’’д̇иаад̣̇и. имзхи бад̣̇зхи мад̇авасзна ваа бавуд̇т̇авасзна ваа виг̇ад̇о д̇хаво зд̇аасам̣, д̇хавзна ваа виг̇ад̇аад̇и вид̇хаваад̇и важанад̇т̇ам̣ д̣̇ассзд̇и. д̇аад̇и вид̇хаваа. яоб̣б̣анабад̇д̇ад̇д̇аа ваа яоб̣б̣анаад̇ийд̇ад̇д̇аа ваа т̇уллаа маханд̇аа гумааригаад̇и т̇уллагумааригаад̇и д̣̇ассзнд̇о ааха ‘‘яоб̣б̣анабад̇д̇аа’’д̇иаад̣̇и. бан̣д̣агаад̇и зд̇т̇а аасид̇д̇абан̣д̣агаад̣̇ийсу бан̃жасу бан̣д̣агзсу набум̣сагабан̣д̣аговаад̇хиббзд̇од̇и ааха ‘‘набум̣сагаа’’д̇и. самаанабаб̣б̣аж̇ж̇аад̇и бхигкуухи самаанабаб̣б̣аж̇ж̇аа. д̇ад̇од̇и виссаасад̇о.
Ajjhācāratthikā visanti pavisanti etthāti vesiyā, sobhaṇarūpasaṅkhātaṃ vesaṃ dhāretīti vā vesiyā. Tena vuttaṃ ‘‘sulabhajjhācārā’’tiādi. Āmisoyeva kiñjakkho appamattakaṭṭhenāti āmisakiñjakkho, visesanaparapado. Atha vā āmiso ca tato añño kiñjakkho ca āmisakiñjakkhaṃ, tassa sampadānaṃ āmisakiñjakkhasampadānaṃ. Kiñjakkhasaddo kesarasseva mukhyato vācako, appamattakassa pana rūḷhīvasena. Vidhavāti ettha dhavasaddo patinoyeva vācako, na rukkhavisesassāti dassento āha ‘‘matapatikā vā’’tiādi. Imehi padehi matavasena vā pavutthavasena vā vigato dhavo etāsaṃ, dhavena vā vigatāti vidhavāti vacanatthaṃ dasseti. Tāti vidhavā. Yobbanapattattā vā yobbanātītattā vā thullā mahantā kumārikāti thullakumārikāti dassento āha ‘‘yobbanapattā’’tiādi. Paṇḍakāti ettha āsittapaṇḍakādīsu pañcasu paṇḍakesu napuṃsakapaṇḍakovādhippetoti āha ‘‘napuṃsakā’’ti. Samānapabbajjāti bhikkhūhi samānapabbajjā. Tatoti vissāsato.
д̇ад̇т̇аад̇и взсияаад̣̇ийсу. д̇аасанд̇и взсияаанам̣. сод̇и ан̃н̃ад̇ид̇т̇ияабуб̣б̣о. саб̣б̣ад̇т̇аад̇и саб̣б̣зсу =04 вид̇хаваад̣̇ийсу. г̇анд̇аб̣б̣ад̇ам̣ д̣̇ассзнд̇о ааха ‘‘сажз банаа’’д̇иаад̣̇и. д̇ат̇аад̇и яат̇аа г̇анд̇аб̣б̣ад̇д̇ам̣ вуд̇д̇ам̣, д̇ат̇аа.
Tatthāti vesiyādīsu. Tāsanti vesiyānaṃ. Soti aññatitthiyapubbo. Sabbatthāti sabbesu =04 vidhavādīsu. Gantabbataṃ dassento āha ‘‘sace panā’’tiādi. Tathāti yathā gantabbattaṃ vuttaṃ, tathā.
ужжааважаанийд̇и зд̇т̇а уд̣̇д̇хам̣ жаяад̇и вад̣дхад̇ийд̇и ужжам̣, жаяад̇о аваг̇ад̇о вияог̇од̇и аважам̣. ужжан̃жа аважан̃жа ужжааважаанийд̇и важанад̇т̇зна маханд̇акуд̣̇д̣̇агад̇т̇од̇и ааха ‘‘маханд̇акуд̣̇д̣̇агааний’’д̇и. ‘‘гаммааний’’д̇и иминаа ‘‘гаран̣ийяааний’’д̇ибад̣̇асса саруубам̣ д̣̇ассзд̇и. д̇ам̣д̣̇ассанзна жа гад̇д̇аб̣б̣аанийд̇и гаран̣ийяаанийд̇и важанад̇т̇о гаад̇аб̣б̣о. д̇ад̇т̇аад̇и маханд̇акуд̣̇д̣̇агзсу гаммзсу . д̇ад̇т̇а на д̣̇агкод̇и зд̇т̇а д̇асад̣̇д̣̇асса висаяам̣ д̣̇ассзд̇ум̣ вуд̇д̇ам̣ ‘‘д̇зсу д̇зсу навагаммзсуу’’д̇и. ‘‘удтаанавийрияасамбанно’’д̇и иминаа над̇т̇и аласо госаж̇ж̇ам̣ зд̇ассаад̇и аналасод̇и важанад̇т̇ам̣ д̣̇ассзд̇и. д̇ад̇раад̇и зд̇т̇а д̇рабажжаяо сад̇д̇амяад̇т̇з вижчааж̇од̇агод̇и ааха ‘‘д̇зсу д̇зсуу’’д̇и. ‘‘таануббад̇д̇игааяа виймам̣сааяаа’’д̇и вуд̇д̇аважанассад̇т̇ам̣ д̣̇ассзнд̇о ааха ‘‘ид̣̇амзва’’нд̇иаад̣̇и. ‘‘д̇асмим̣язва кан̣з уббаннабан̃н̃ааяаа’’д̇и иминаа ‘‘таануббад̇д̇игааяаа’’д̇и зд̇т̇а таанасад̣̇д̣̇о д̇ан̇кан̣ад̇т̇од̇и д̣̇ассзд̇и. алам̣ гаад̇унд̇и зд̇т̇а алам̣сад̣̇д̣̇о бхуусанавааран̣абарияад̇д̇асан̇каад̇зсу д̇ийсу ад̇т̇зсу барияад̇д̇ад̇т̇од̇и ааха ‘‘гаад̇ум̣ самад̇т̇о’’д̇и.
Uccāvacānīti ettha uddhaṃ cayati vaḍḍhatīti uccaṃ, cayato avagato viyogoti avacaṃ. Uccañca avacañca uccāvacānīti vacanatthena mahantakhuddakatthoti āha ‘‘mahantakhuddakānī’’ti. ‘‘Kammānī’’ti iminā ‘‘karaṇīyānī’’tipadassa sarūpaṃ dasseti. Taṃdassanena ca kattabbānīti karaṇīyānīti vacanattho kātabbo. Tatthāti mahantakhuddakesu kammesu . Tattha na dakkhoti ettha tasaddassa visayaṃ dassetuṃ vuttaṃ ‘‘tesu tesu navakammesū’’ti. ‘‘Uṭṭhānavīriyasampanno’’ti iminā natthi alaso kosajjaṃ etassāti analasoti vacanatthaṃ dasseti. Tatrāti ettha trapaccayo sattamyatthe vicchājotakoti āha ‘‘tesu tesū’’ti. ‘‘Ṭhānuppattikāya vīmaṃsāyā’’ti vuttavacanassatthaṃ dassento āha ‘‘idameva’’ntiādi. ‘‘Tasmiṃyeva khaṇe uppannapaññāyā’’ti iminā ‘‘ṭhānuppattikāyā’’ti ettha ṭhānasaddo taṅkhaṇatthoti dasseti. Alaṃ kātunti ettha alaṃsaddo bhūsanavāraṇapariyattasaṅkhātesu tīsu atthesu pariyattatthoti āha ‘‘kātuṃ samattho’’ti.
д̇иб̣б̣ажчанд̣̇од̇и д̇икин̣ачанд̣̇о. ‘‘б̣алаважчанд̣̇о’’д̇и иминаа ад̇хиббааяад̇т̇ам̣ д̣̇ассзд̇и. логияасамаад̇хибхааванааяаад̇и логияааяа адтасамаабад̇д̇исан̇каад̇ааяа самаад̇хибхааванааяа.
Tibbacchandoti tikhiṇachando. ‘‘Balavacchando’’ti iminā adhippāyatthaṃ dasseti. Lokiyasamādhibhāvanāyāti lokiyāya aṭṭhasamāpattisaṅkhātāya samādhibhāvanāya.
ид̇хааг̇ад̇од̇и имасмим̣ саасанз ааг̇ад̇о. д̇ид̇т̇ааяад̇анасаамигассаад̇и д̇аранд̇и ублаванд̇и сад̇д̇аа уммуж̇ж̇анимуж̇ж̇ам̣ гаронд̇и зд̇т̇аад̇и д̇ид̇т̇ам̣, д̣̇ваасадти д̣̇идтияо. д̇амзва ааяад̇анам̣ д̣̇идтиг̇ад̇игаананд̇и д̇ид̇т̇ааяад̇анам̣. ат̇а ваа д̇ид̇т̇амзд̇зсамад̇т̇ийд̇и д̇ид̇т̇ино, д̇зсамааяад̇анам̣ д̇ид̇т̇ааяад̇анам̣, д̇асса саамиго д̇ид̇т̇ааяад̇анасаамиго, д̇асса. д̇асса д̣̇идтияаад̇и зд̇т̇а д̣̇идтисад̣̇д̣̇о лад̣̇д̇хибарияааяод̇и ааха ‘‘д̇асса санд̇агааяа лад̣̇д̇хияаа’’д̇и. гасмаа саа лад̣̇д̇хи ‘‘канд̇ий’’д̇и жа ‘‘ружий’’д̇и жа ‘‘аад̣̇ааяо’’д̇и жа вужжад̇ийд̇и ааха ‘‘ид̣̇ааний’’д̇иаад̣̇и. сааязва лад̣̇д̇хи камад̇и жзва ружжад̇и жа г̇ахид̇аа жаад̇и яож̇анаа. д̇асса д̇ид̇т̇агарассаад̇и гад̇вад̇т̇з саамиважанам̣. д̇ассаад̇и д̇ид̇т̇ааяад̇анасаамигасса. бхан̃н̃амаанааяаад̇и бхан̣ияамаанааяа. анабхирад̣̇д̇ход̇и зд̇т̇а анабхираад̇хид̇о абарид̇осид̇ажид̇д̇од̇и ад̇т̇ам̣ д̣̇ассзнд̇о ааха ‘‘абарибун̣н̣асан̇габбо, но баг̇г̇ахид̇ажид̇д̇о’’д̇и. яад̣̇ид̣̇анд̇и яам̣ ид̣̇ам̣ ‘‘анад̇д̇аманад̇д̇а’’нд̇и ваа ‘‘ад̇д̇аманад̇д̇а’’нд̇и ваа самб̣анд̇хо. иминаа ‘‘ид̣̇а’’нд̇ибад̣̇асса анияамам̣ д̣̇ассзд̇и. имзд̇и бхигкуу. яан̃жа анад̇д̇аманад̇д̇анд̇и яож̇анаа. д̇ассзваад̇и ан̃н̃ад̇ид̇т̇ияабуб̣б̣асса зва анад̇д̇аманад̇д̇анд̇и самб̣анд̇хо. ид̣̇анд̇и д̣̇вз ад̇д̇аманад̇д̇аани, д̣̇вз анад̇д̇аманад̇д̇аанийд̇и жад̇уб̣б̣ид̇хам̣ ид̣̇ам̣ д̇хаммаж̇аад̇ам̣. сан̇гхааданийяанд̇и сан̇гхадид̇аб̣б̣ам̣, саннижаяам̣ гаад̇аб̣б̣анд̇и ад̇т̇о. ‘‘анаараад̇хагз’’д̇иаад̣̇инаа анаараад̇ханийяасминд̇и =05 зд̇т̇а на аараад̇хзд̇и вад̇д̇ам̣ анзна гаммзнаад̇и анаараад̇ханийяанд̇и важанад̇т̇ам̣ д̣̇ассзд̇и. ид̣̇анд̇и жад̇уб̣б̣ид̇хам̣. лин̇г̇анд̇и гааран̣ам̣. лагкан̣анд̇и жиханам̣. ид̇од̇и адтан̇г̇ад̇о нийхадзнаад̇и самб̣анд̇хо. вуд̇д̇авибаллаасзнаад̇и ган̣хабагкз вуд̇д̇авибарийд̇зна.
Idhāgatoti imasmiṃ sāsane āgato. Titthāyatanasāmikassāti taranti uplavanti sattā ummujjanimujjaṃ karonti etthāti titthaṃ, dvāsaṭṭhi diṭṭhiyo. Tameva āyatanaṃ diṭṭhigatikānanti titthāyatanaṃ. Atha vā titthametesamatthīti titthino, tesamāyatanaṃ titthāyatanaṃ, tassa sāmiko titthāyatanasāmiko, tassa. Tassa diṭṭhiyāti ettha diṭṭhisaddo laddhipariyāyoti āha ‘‘tassa santakāya laddhiyā’’ti. Kasmā sā laddhi ‘‘khantī’’ti ca ‘‘rucī’’ti ca ‘‘ādāyo’’ti ca vuccatīti āha ‘‘idānī’’tiādi. Sāyeva laddhi khamati ceva ruccati ca gahitā cāti yojanā. Tassa titthakarassāti katvatthe sāmivacanaṃ. Tassāti titthāyatanasāmikassa. Bhaññamānāyāti bhaṇiyamānāya. Anabhiraddhoti ettha anabhirādhito aparitositacittoti atthaṃ dassento āha ‘‘aparipuṇṇasaṅkappo, no paggahitacitto’’ti. Yadidanti yaṃ idaṃ ‘‘anattamanatta’’nti vā ‘‘attamanatta’’nti vā sambandho. Iminā ‘‘ida’’ntipadassa aniyamaṃ dasseti. Imeti bhikkhū. Yañca anattamanattanti yojanā. Tassevāti aññatitthiyapubbassa eva anattamanattanti sambandho. Idanti dve attamanattāni, dve anattamanattānīti catubbidhaṃ idaṃ dhammajātaṃ. Saṅghāṭanīyanti saṅghaṭitabbaṃ, sannicayaṃ kātabbanti attho. ‘‘Anārādhake’’tiādinā anārādhanīyasminti =05 ettha na ārādheti vattaṃ anena kammenāti anārādhanīyanti vacanatthaṃ dasseti. Idanti catubbidhaṃ. Liṅganti kāraṇaṃ. Lakkhaṇanti cihanaṃ. Itoti aṭṭhaṅgato nīhaṭenāti sambandho. Vuttavipallāsenāti kaṇhapakkhe vuttaviparītena.
суггабагкз адтан̇г̇аани самод̇хаанзд̇ваа д̣̇ассзнд̇о ааха ‘‘наад̇игаалзна г̇аамабавзсанам̣ наад̇ид̣̇иваа бадиггамана’’нд̇иаад̣̇и. ган̣хабагкзби иминаа наязна адтан̇г̇аани самод̇хаанзд̇аб̣б̣аани. ‘‘барид̇осаго’’д̇и иминаа аараад̇хагасад̣̇д̣̇асса д̇осанад̇т̇ам̣ д̣̇ассзд̇и. хздтаа бана ‘‘самбаад̣̇аго’’д̇и вуд̇д̇ад̇д̇аа саад̇ханад̇т̇ам̣ д̣̇ассзд̇ийд̇и д̣̇адтаб̣б̣ам̣.
Sukkapakkhe aṭṭhaṅgāni samodhānetvā dassento āha ‘‘nātikālena gāmapavesanaṃ nātidivā paṭikkamana’’ntiādi. Kaṇhapakkhepi iminā nayena aṭṭhaṅgāni samodhānetabbāni. ‘‘Paritosako’’ti iminā ārādhakasaddassa tosanatthaṃ dasseti. Heṭṭhā pana ‘‘sampādako’’ti vuttattā sādhanatthaṃ dassetīti daṭṭhabbaṃ.
убасамбад̣̇амаал̣агзбийд̇и убасамбаад̣̇адтаанз згагуудаяуд̇д̇з анзгагон̣з бад̇иссаяависзсзби. со хи згагуудам̣ гад̇ваа анзгзхи гон̣зхи малийяад̇и вибхуусийяад̇ийд̇и маал̣од̇и вужжад̇и. ‘‘жад̇д̇ааро маасз баривасид̇аб̣б̣а’’нд̇иважанам̣ асад̣̇исуубамааяа баагадам̣ гаронд̇о ‘‘яат̇аа банаа’’д̇иаад̣̇имааха. хийд̇и сажжам̣. ассаад̇и ан̃н̃ад̇ид̇т̇ияабуб̣б̣асса. баривасанд̇о ан̃н̃ад̇ид̇т̇ияабуб̣б̣од̇и самб̣анд̇хо. анд̇араад̇и жад̇умаасасса аб̣бханд̇арз. губбанасабхаавод̇и нассанасабхааво. бариг̇г̇ан̣хаад̇ийд̇и барижчинд̣̇ид̇ваа г̇ан̣хаад̇и. наамаруубам̣ вавад̇т̇абзд̇ийд̇и ‘‘ид̣̇ам̣ наамам̣, ид̣̇ам̣ рууба’’нд̇и вавад̇т̇абзд̇и. лагкан̣анд̇и наманаруббаналагкан̣ам̣, анижжаад̣̇илагкан̣ам̣ ваа. сод̇аабад̇д̇имаг̇г̇асса д̣̇идтивижигижчаабахаанам̣ санд̇хааяа вуд̇д̇ам̣ ‘‘самуухад̇аани…бз… салла’’нд̇и. аб̣б̣ул̣ханд̇и аавахияид̇т̇аад̇и аб̣б̣ул̣хам̣, уд̣̇д̇хам̣ вахияид̇т̇аад̇и ад̇т̇о. аад̇яуубасаг̇г̇о хи уд̣̇д̇хан̇г̇амад̇т̇о. д̇ам̣д̣̇ивасамзваад̇и д̇асмим̣ сод̇аабад̇д̇имаг̇г̇асса бадилабханад̣̇ивасзязва. бхуммад̇т̇з жзд̇ам̣ убаяог̇аважанам̣. д̇ад̣̇ахзваад̇и д̇асмим̣ сод̇аабаннабхаванаахани зва.
Upasampadamāḷakepīti upasampādaṭṭhāne ekakūṭayutte anekakoṇe patissayavisesepi. So hi ekakūṭaṃ katvā anekehi koṇehi malīyati vibhūsīyatīti māḷoti vuccati. ‘‘Cattāro māse parivasitabba’’ntivacanaṃ asadisūpamāya pākaṭaṃ karonto ‘‘yathā panā’’tiādimāha. Hīti saccaṃ. Assāti aññatitthiyapubbassa. Parivasanto aññatitthiyapubboti sambandho. Antarāti catumāsassa abbhantare. Kuppanasabhāvoti nassanasabhāvo. Pariggaṇhātīti paricchinditvā gaṇhāti. Nāmarūpaṃ vavatthapetīti ‘‘idaṃ nāmaṃ, idaṃ rūpa’’nti vavatthapeti. Lakkhaṇanti namanaruppanalakkhaṇaṃ, aniccādilakkhaṇaṃ vā. Sotāpattimaggassa diṭṭhivicikicchāpahānaṃ sandhāya vuttaṃ ‘‘samūhatāni…pe… salla’’nti. Abbuḷhanti āvahiyitthāti abbuḷhaṃ, uddhaṃ vahiyitthāti attho. Ātyūpasaggo hi uddhaṅgamattho. Taṃdivasamevāti tasmiṃ sotāpattimaggassa paṭilabhanadivaseyeva. Bhummatthe cetaṃ upayogavacanaṃ. Tadahevāti tasmiṃ sotāpannabhavanaahani eva.
д̇ассаад̇и ан̃н̃ад̇ид̇т̇ияабуб̣б̣асса. баал̣ияам̣ бад̇д̇асса анааг̇ад̇ад̇д̇аа вуд̇д̇ам̣ ‘‘бад̇д̇амби д̇ат̇зваа’’д̇и. яат̇аа убаж̇жхааяамуулагам̣ жийварам̣ бариязсид̇аб̣б̣ам̣, бад̇д̇амби д̇ат̇зваад̇и ад̇т̇о. ид̣̇анд̇и бад̇д̇ажийварам̣. имассаад̇и ан̃н̃ад̇ид̇т̇ияабуб̣б̣асса. ан̃н̃зд̇и убаж̇жхааяад̇о абарз. д̇зхибийд̇и ан̃н̃зхиби. виломаад̇и бадиломаа. ааяад̇д̇анд̇и ад̇хийнам̣. ааяад̇д̇аж̇ийвигад̇д̇аад̇и ан̃н̃ад̇ид̇т̇ияабуб̣б̣асса убаж̇жхааязна ааяад̇д̇аж̇ийвигад̇д̇аа. д̇ассаад̇и убаж̇жхааяасса. важанагарод̇и важанам̣ гаро. ваагязби самаасзби важанасад̣̇д̣̇асса ‘‘д̇ассаа’’д̇и бад̣̇амзва абзгкад̇д̇аа ‘‘важанагаро’’д̇и самаасо ход̇и. зсзва наяо ‘‘убаж̇жхааязна ааяад̇д̇аж̇ийвагад̇д̇аа’’д̇и зд̇т̇ааби. д̇знаад̇и важанагарахзд̇унаа.
Tassāti aññatitthiyapubbassa. Pāḷiyaṃ pattassa anāgatattā vuttaṃ ‘‘pattampi tathevā’’ti. Yathā upajjhāyamūlakaṃ cīvaraṃ pariyesitabbaṃ, pattampi tathevāti attho. Idanti pattacīvaraṃ. Imassāti aññatitthiyapubbassa. Aññeti upajjhāyato apare. Tehipīti aññehipi. Vilomāti paṭilomā. Āyattanti adhīnaṃ. Āyattajīvikattāti aññatitthiyapubbassa upajjhāyena āyattajīvikattā. Tassāti upajjhāyassa. Vacanakaroti vacanaṃ karo. Vākyepi samāsepi vacanasaddassa ‘‘tassā’’ti padameva apekkhattā ‘‘vacanakaro’’ti samāso hoti. Eseva nayo ‘‘upajjhāyena āyattajīvakattā’’ti etthāpi. Tenāti vacanakarahetunā.
аг̇г̇ибарижаран̣агаад̇и =06 аг̇г̇ибууж̇агаа. иминаа аг̇г̇им̣ барижаранд̇ийд̇и аг̇г̇игаад̇и важанад̇т̇ам̣ д̣̇ассзд̇и. д̇аабасаад̇и ж̇адаад̇хараа. д̇з хи яасмаа ж̇адаа жа д̇або жа зд̇зсамад̇т̇и, д̇асмаа ‘‘ж̇адилаа’’д̇и жа ‘‘д̇аабасаа’’д̇и жа вужжанд̇и. зд̇зд̇и ж̇адилагаа. ‘‘гирияам̣ на бадиб̣ааханд̇ий’’д̇и вуд̇д̇аважанасса ад̇т̇ам̣ д̣̇ассзнд̇о ааха ‘‘ад̇т̇и гаммам̣, ад̇т̇и гаммавибааго’’д̇и. зд̇ад̣̇зва баб̣б̣аж̇ж̇анд̇и зд̇ам̣ зва д̇аабасабаб̣б̣аж̇ж̇ам̣. зд̇зсанд̇и ж̇адилаанам̣. саасанзд̇и б̣уд̣̇д̇хасса саасанз. д̇зсанд̇и н̃аад̇ийнам̣, имам̣ барихааранд̇и самб̣анд̇хо. д̇зд̇и н̃аад̇аяо. хийд̇и сажжам̣, яасмаа ваа. н̃аад̇исздтассаад̇и н̃аад̇иязва сздто, н̃аад̇ийнам̣ ваад̇и н̃аад̇исздто, д̇асса, б̣уд̣̇д̇хассаад̇и самб̣анд̇хо.
Aggiparicaraṇakāti =06 aggipūjakā. Iminā aggiṃ paricarantīti aggikāti vacanatthaṃ dasseti. Tāpasāti jaṭādharā. Te hi yasmā jaṭā ca tapo ca etesamatthi, tasmā ‘‘jaṭilā’’ti ca ‘‘tāpasā’’ti ca vuccanti. Eteti jaṭilakā. ‘‘Kiriyaṃ na paṭibāhantī’’ti vuttavacanassa atthaṃ dassento āha ‘‘atthi kammaṃ, atthi kammavipāko’’ti. Etadeva pabbajjanti etaṃ eva tāpasapabbajjaṃ. Etesanti jaṭilānaṃ. Sāsaneti buddhassa sāsane. Tesanti ñātīnaṃ, imaṃ parihāranti sambandho. Teti ñātayo. Hīti saccaṃ, yasmā vā. Ñātiseṭṭhassāti ñātiyeva seṭṭho, ñātīnaṃ vāti ñātiseṭṭho, tassa, buddhassāti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 25. ан̃н̃ад̇ид̇т̇ияабуб̣б̣агат̇аа • 25. Aññatitthiyapubbakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ан̃н̃ад̇ид̇т̇ияабуб̣б̣авад̇т̇угат̇аа • Aññatitthiyapubbavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
