| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அஞ்ஞதித்தி²யபுப்³ப³வத்து²கதா²வண்ணனா
Aññatitthiyapubbavatthukathāvaṇṇanā
86. அஞ்ஞதித்தி²யவத்து²ம்ஹி ஆஜீவகோ அசேலகோதி து³விதோ⁴ நக்³க³பரிப்³பா³ஜகோதி ஆஹ ‘‘நக்³க³பரிப்³பா³ஜகஸ்ஸேவ ஆஜீவகஸ்ஸ வா’’திஆதி³. தத்த² ஆஜீவகோ உபரி ஏகமேவ வத்த²ங் உபகச்ச²கே பவேஸெத்வா பரித³ஹதி, ஹெட்டா² நக்³கோ³. அசேலகோ ஸப்³பே³ன ஸப்³ப³ங் நக்³கோ³யேவ.
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
87. ஆமிஸகிஞ்சிக்க²ஸம்பதா³னங் நாம அப்பமத்தகஸ்ஸேவ தெ³ய்யத⁴ம்மஸ்ஸ அனுப்பதா³னங். ரூபூபஜீவிகாதி அத்தனோ ரூபங்யேவ நிஸ்ஸாய ஜீவந்தியோ. வேஸியா கோ³சரோ மித்தஸந்த²வவஸேன உபஸங்கமிதப்³ப³ட்டா²னங் அஸ்ஸாதி வேஸியாகோ³சரோ. ஏஸ நயோ ஸப்³ப³த்த². யொப்³ப³னப்பத்தா யொப்³ப³னாதீதா வாதி உப⁴யேனபி மஹல்லிகா அனிவித்³த⁴குமாரியோவ வத³தி. பி⁴க்கு²னியோ நாம உஸ்ஸன்னப்³ரஹ்மசரியா, ததா² பி⁴க்கூ²பி. தேஸங் அஞ்ஞமஞ்ஞவிஸபா⁴க³வத்து²பா⁴வதோ ஸந்த²வவஸேன உபஸங்கமனே கதிபாஹேனேவ ப்³ரஹ்மசரியந்தராயோ ஸியாதி ஆஹ ‘‘தாஹி ஸத்³தி⁴ங் கி²ப்பமேவ விஸ்ஸாஸோ ஹோதி, ததோ ஸீலங் பி⁴ஜ்ஜதீ’’தி. ஸேஸமெத்த² உத்தானமேவ.
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
அஞ்ஞதித்தி²யபுப்³ப³வத்து²கதா²வண்ணனா நிட்டி²தா.
Aññatitthiyapubbavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 25. அஞ்ஞதித்தி²யபுப்³ப³கதா² • 25. Aññatitthiyapubbakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அஞ்ஞதித்தி²யபுப்³ப³வத்து²கதா² • Aññatitthiyapubbavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அஞ்ஞதித்தி²யபுப்³ப³வத்து²கதா²வண்ணனா • Aññatitthiyapubbavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அஞ்ஞதித்தி²யபுப்³ப³வத்து²கதா²வண்ணனா • Aññatitthiyapubbavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 25. அஞ்ஞதித்தி²யபுப்³ப³வத்து²கதா² • 25. Aññatitthiyapubbavatthukathā
