| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অঞ্ঞতিত্থিযপুব্বৰত্থুকথাৰণ্ণনা
Aññatitthiyapubbavatthukathāvaṇṇanā
৮৬. তিত্থিযপরিৰাসকথাযং আজীৰকস্স ৰাতিআদীসু অকিরিযৰাদী আজীৰকো নাম, কিরিযৰাদিনো পন নিগণ্ঠাপি অঞ্ঞেপি নগ্গতিত্থিকা অচেলকপদে সঙ্গহিতা। সব্বথা নগ্গস্সেৰ তিত্থিযপরিৰাসো ৰিহিতো। সো চ তেনেৰ নগ্গৰেসেন ভিক্খূনং সন্তিকং আগতস্স, ন পটিচ্ছাদেত্ৰা আগতস্সাতি দস্সেতুং ‘‘সচে সোপী’’তিআদি ৰুত্তং। তত্থ সোপীতি আজীৰকো।
86. Titthiyaparivāsakathāyaṃ ājīvakassa vātiādīsu akiriyavādī ājīvako nāma, kiriyavādino pana nigaṇṭhāpi aññepi naggatitthikā acelakapade saṅgahitā. Sabbathā naggasseva titthiyaparivāso vihito. So ca teneva naggavesena bhikkhūnaṃ santikaṃ āgatassa, na paṭicchādetvā āgatassāti dassetuṃ ‘‘sace sopī’’tiādi vuttaṃ. Tattha sopīti ājīvako.
আমিসকিঞ্চিক্খসম্পদানং নাম অপ্পমত্তকস্স দেয্যধম্মস্স অনুপ্পদানং। রূপূপজীৰিকাতি অত্তনো রূপমেৰ নিস্সায জীৰন্তিযো। ৰেসিযা গোচরো বহুলং পৰত্তিট্ঠানং অস্সাতি ৰেসিযাগোচরো। এস নযো সব্বত্থ। যোব্বন্নাতীতাতি অনিৰিদ্ধা এৰ মহল্লিকভাৰং পত্তা থুল্লকুমারী এৰাতি ৰুত্তং। আদাযস্সাতি আদানস্স গহণস্স।
Āmisakiñcikkhasampadānaṃ nāma appamattakassa deyyadhammassa anuppadānaṃ. Rūpūpajīvikāti attano rūpameva nissāya jīvantiyo. Vesiyā gocaro bahulaṃ pavattiṭṭhānaṃ assāti vesiyāgocaro. Esa nayo sabbattha. Yobbannātītāti anividdhā eva mahallikabhāvaṃ pattā thullakumārī evāti vuttaṃ. Ādāyassāti ādānassa gahaṇassa.
অঞ্ঞতিত্থিযপুব্বৰত্থুকথাৰণ্ণনা নিট্ঠিতা।
Aññatitthiyapubbavatthukathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ২৫. অঞ্ঞতিত্থিযপুব্বকথা • 25. Aññatitthiyapubbakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অঞ্ঞতিত্থিযপুব্বৰত্থুকথা • Aññatitthiyapubbavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অঞ্ঞতিত্থিযপুব্বৰত্থুকথাৰণ্ণনা • Aññatitthiyapubbavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অঞ্ঞতিত্থিযপুব্বৰত্থুকথাৰণ্ণনা • Aññatitthiyapubbavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৫. অঞ্ঞতিত্থিযপুব্বৰত্থুকথা • 25. Aññatitthiyapubbavatthukathā
