| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа
Aññatitthiyapubbavatthukathāvaṇṇanā
86. яо со ан̃н̃ад̇ид̇т̇ияабуб̣б̣од̇и зд̇т̇а д̣̇вз ад̇т̇авигаббаа – д̇асса басуурасса бхигкубхаавам̣ санд̇хааяа ан̃н̃ад̇ид̇т̇ияабуб̣б̣о, со бхигку д̇ам̣язва д̇ид̇т̇ааяад̇анам̣ сан̇гамийд̇и аяамзго ад̇т̇о. звам̣ д̇ид̇т̇ияабагганд̇аго буна г̇ихивзсзна ааг̇ад̇о ан̃н̃ад̇ид̇т̇ияабуб̣б̣о, со ааг̇ад̇о на убасамбаад̣̇зд̇аб̣б̣од̇и аяамзго ад̇т̇о. д̇ам̣ ан̃н̃ад̇ид̇т̇ияабагганд̇агам̣ табзд̇ваа ‘‘яо со, бхигкавз, ан̃н̃ад̇ид̇т̇ияабуб̣б̣о’’д̇и зд̇т̇а на г̇ихивзсад̇хааран̣ова буб̣б̣асад̣̇д̣̇зна вуд̇д̇о, гинд̇у д̇асмим̣ ад̇д̇ано яат̇аасамаад̣̇иннад̇ид̇т̇ияавзсз тид̇оби. д̣̇идтивасзна ад̇ид̇т̇ияабхууд̇ад̇д̇аа ад̇ид̇т̇ияабуб̣б̣о, со банааг̇ад̇о виб̣бханд̇о ааг̇ажчад̇и, д̇асса бариваасад̣̇аанагижжам̣ над̇т̇и. гим̣ имасса ан̃н̃ад̇ид̇т̇ияабуб̣б̣асса бхигкувзсам̣ г̇ахзд̇ваа саран̣аг̇аманзна сааман̣зрабаб̣б̣аж̇ж̇аа ж̇аад̇аа, на ж̇аад̇аад̇и? гин̃жзд̇т̇а яад̣̇и ж̇аад̇аа, ‘‘яо со, бхигкавз, ан̃н̃оби ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣, д̇асса жад̇д̇ааро маасз бариваасо д̣̇аад̇аб̣б̣о’’д̇и (махаава. 86) важанам̣ вируж̇жхад̇и. ат̇а на ж̇аад̇аа, бариваасагаммаваажааяа баб̣б̣аж̇ж̇ааяа абараамасанам̣ вируж̇жхад̇ийд̇и. д̇ад̇т̇а махаавихаараваасино ‘‘сааман̣зрассзва сад̇о бариваасо д̣̇аад̇аб̣б̣о’’д̇и вад̣̇анд̇и. ид̇арз д̇ат̇аа на вад̣̇анд̇и. д̇з хи ‘‘звам̣ аараад̇хаго ко бхигкавз ан̃н̃ад̇ид̇т̇ияабуб̣б̣о ааг̇ад̇о убасамбаад̣̇зд̇аб̣б̣о’д̇и (махаава. 87) суд̇д̇абад̣̇ам̣ барихарид̇аб̣б̣ам̣, бурз жа бажчаа жа ‘ан̃н̃ад̇ид̇т̇ияабуб̣б̣о’д̇и важанасааман̃н̃ад̇о на сааман̣зро ж̇аад̇од̇и жз, яад̣̇и звам̣ абаб̣б̣ааж̇зд̇ваава убасамбаад̣̇зд̇аб̣б̣од̇и аабаж̇ж̇ад̇и. д̇ад̇о жа саб̣б̣абатамам̣ вуд̇д̇асуд̇д̇ам̣ вируж̇жхад̇и. ‘д̇ид̇т̇ааяад̇анам̣ сан̇ганд̇о’д̇и баатоби на сунд̣̇арам̣. баан̣аад̇ибаад̇аад̣̇ийсу ан̃н̃ад̇арам̣ сажз бхинд̣̇ад̇и, жад̇д̇ааро маасз барибун̣н̣зби буна барибуурзд̇аб̣б̣ам̣ вияа д̣̇иссад̇и. вуд̇д̇амби д̇асса сам̣варам̣ бхигкугаран̣ад̇т̇ааяа анун̃н̃аад̇ад̇д̇аа сийлз вад̇д̇аб̣б̣ам̣ над̇т̇ий’’д̇и вад̣̇анд̇и, вижаарзд̇ваа г̇ахзд̇аб̣б̣ам̣. саран̣аани сажз бхиж̇ж̇анд̇и сааман̣зрассзва.
86.Yo so aññatitthiyapubboti ettha dve atthavikappā – tassa pasūrassa bhikkhubhāvaṃ sandhāya aññatitthiyapubbo, so bhikkhu taṃyeva titthāyatanaṃ saṅkamīti ayameko attho. Evaṃ titthiyapakkantako puna gihivesena āgato aññatitthiyapubbo, so āgato na upasampādetabboti ayameko attho. Taṃ aññatitthiyapakkantakaṃ ṭhapetvā ‘‘yo so, bhikkhave, aññatitthiyapubbo’’ti ettha na gihivesadhāraṇova pubbasaddena vutto, kintu tasmiṃ attano yathāsamādinnatitthiyavese ṭhitopi. Diṭṭhivasena atitthiyabhūtattā atitthiyapubbo, so panāgato vibbhanto āgacchati, tassa parivāsadānakiccaṃ natthi. Kiṃ imassa aññatitthiyapubbassa bhikkhuvesaṃ gahetvā saraṇagamanena sāmaṇerapabbajjā jātā, na jātāti? Kiñcettha yadi jātā, ‘‘yo so, bhikkhave, aññopi aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, tassa cattāro māse parivāso dātabbo’’ti (mahāva. 86) vacanaṃ virujjhati. Atha na jātā, parivāsakammavācāya pabbajjāya aparāmasanaṃ virujjhatīti. Tattha mahāvihāravāsino ‘‘sāmaṇerasseva sato parivāso dātabbo’’ti vadanti. Itare tathā na vadanti. Te hi ‘‘evaṃ ārādhako kho bhikkhave aññatitthiyapubbo āgato upasampādetabbo’ti (mahāva. 87) suttapadaṃ pariharitabbaṃ, pure ca pacchā ca ‘aññatitthiyapubbo’ti vacanasāmaññato na sāmaṇero jātoti ce, yadi evaṃ apabbājetvāva upasampādetabboti āpajjati. Tato ca sabbapaṭhamaṃ vuttasuttaṃ virujjhati. ‘Titthāyatanaṃ saṅkanto’ti pāṭhopi na sundaraṃ. Pāṇātipātādīsu aññataraṃ sace bhindati, cattāro māse paripuṇṇepi puna paripūretabbaṃ viya dissati. Vuttampi tassa saṃvaraṃ bhikkhukaraṇatthāya anuññātattā sīle vattabbaṃ natthī’’ti vadanti, vicāretvā gahetabbaṃ. Saraṇāni sace bhijjanti sāmaṇerasseva.
ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа нидтид̇аа.
Aññatitthiyapubbavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 25. ан̃н̃ад̇ид̇т̇ияабуб̣б̣агат̇аа • 25. Aññatitthiyapubbakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ан̃н̃ад̇ид̇т̇ияабуб̣б̣авад̇т̇угат̇аа • Aññatitthiyapubbavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ан̃н̃ад̇ид̇т̇ияабуб̣б̣авад̇т̇угат̇ааван̣н̣анаа • Aññatitthiyapubbavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 25. ан̃н̃ад̇ид̇т̇ияабуб̣б̣авад̇т̇угат̇аа • 25. Aññatitthiyapubbavatthukathā
