| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အညတိတ္ထိယပုဗ္ဗဝတ္ထုကထာဝဏ္ဏနာ
Aññatitthiyapubbavatthukathāvaṇṇanā
၈၆. အညတိတ္ထိယဝတ္ထုမ္ဟိ အာဇီဝကော အစေလကောတိ ဒုဝိဓော နဂ္ဂပရိဗ္ဗာဇကောတိ အာဟ ‘‘နဂ္ဂပရိဗ္ဗာဇကသ္သေဝ အာဇီဝကသ္သ ဝာ’’တိအာဒိ။ တတ္ထ အာဇီဝကော ဥပရိ ဧကမေဝ ဝတ္ထံ ဥပကစ္ဆကေ ပဝေသေတ္ဝာ ပရိဒဟတိ, ဟေဋ္ဌာ နဂ္ဂော။ အစေလကော သဗ္ဗေန သဗ္ဗံ နဂ္ဂောယေဝ။
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
၈၇. အာမိသကိဉ္စိက္ခသမ္ပဒာနံ နာမ အပ္ပမတ္တကသ္သေဝ ဒေယ္ယဓမ္မသ္သ အနုပ္ပဒာနံ။ ရူပူပဇီဝိကာတိ အတ္တနော ရူပံယေဝ နိသ္သာယ ဇီဝန္တိယော။ ဝေသိယာ ဂောစရော မိတ္တသန္ထဝဝသေန ဥပသင္ကမိတဗ္ဗဋ္ဌာနံ အသ္သာတိ ဝေသိယာဂောစရော။ ဧသ နယော သဗ္ဗတ္ထ။ ယောဗ္ဗနပ္ပတ္တာ ယောဗ္ဗနာတီတာ ဝာတိ ဥဘယေနပိ မဟလ္လိကာ အနိဝိဒ္ဓကုမာရိယောဝ ဝဒတိ။ ဘိက္ခုနိယော နာမ ဥသ္သန္နဗ္ရဟ္မစရိယာ, တထာ ဘိက္ခူပိ။ တေသံ အညမညဝိသဘာဂဝတ္ထုဘာဝတော သန္ထဝဝသေန ဥပသင္ကမနေ ကတိပာဟေနေဝ ဗ္ရဟ္မစရိယန္တရာယော သိယာတိ အာဟ ‘‘တာဟိ သဒ္ဓိံ ခိပ္ပမေဝ ဝိသ္သာသော ဟောတိ, တတော သီလံ ဘိဇ္ဇတီ’’တိ။ သေသမေတ္ထ ဥတ္တာနမေဝ။
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
အညတိတ္ထိယပုဗ္ဗဝတ္ထုကထာဝဏ္ဏနာ နိဋ္ဌိတာ။
Aññatitthiyapubbavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၅. အညတိတ္ထိယပုဗ္ဗကထာ • 25. Aññatitthiyapubbakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အညတိတ္ထိယပုဗ္ဗဝတ္ထုကထာ • Aññatitthiyapubbavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အညတိတ္ထိယပုဗ္ဗဝတ္ထုကထာဝဏ္ဏနာ • Aññatitthiyapubbavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အညတိတ္ထိယပုဗ္ဗဝတ္ထုကထာဝဏ္ဏနာ • Aññatitthiyapubbavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၅. အညတိတ္ထိယပုဗ္ဗဝတ္ထုကထာ • 25. Aññatitthiyapubbavatthukathā
