| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အညတိတ္ထိယပုဗ္ဗဝတ္ထုကထာဝဏ္ဏနာ
Aññatitthiyapubbavatthukathāvaṇṇanā
၈၆. တိတ္ထိယပရိဝာသကထာယံ အာဇီဝကသ္သ ဝာတိအာဒီသု အကိရိယဝာဒီ အာဇီဝကော နာမ, ကိရိယဝာဒိနော ပန နိဂဏ္ဌာပိ အညေပိ နဂ္ဂတိတ္ထိကာ အစေလကပဒေ သင္ဂဟိတာ။ သဗ္ဗထာ နဂ္ဂသ္သေဝ တိတ္ထိယပရိဝာသော ဝိဟိတော။ သော စ တေနေဝ နဂ္ဂဝေသေန ဘိက္ခူနံ သန္တိကံ အာဂတသ္သ, န ပဋိစ္ဆာဒေတ္ဝာ အာဂတသ္သာတိ ဒသ္သေတုံ ‘‘သစေ သောပီ’’တိအာဒိ ဝုတ္တံ။ တတ္ထ သောပီတိ အာဇီဝကော။
86. Titthiyaparivāsakathāyaṃ ājīvakassa vātiādīsu akiriyavādī ājīvako nāma, kiriyavādino pana nigaṇṭhāpi aññepi naggatitthikā acelakapade saṅgahitā. Sabbathā naggasseva titthiyaparivāso vihito. So ca teneva naggavesena bhikkhūnaṃ santikaṃ āgatassa, na paṭicchādetvā āgatassāti dassetuṃ ‘‘sace sopī’’tiādi vuttaṃ. Tattha sopīti ājīvako.
အာမိသကိဉ္စိက္ခသမ္ပဒာနံ နာမ အပ္ပမတ္တကသ္သ ဒေယ္ယဓမ္မသ္သ အနုပ္ပဒာနံ။ ရူပူပဇီဝိကာတိ အတ္တနော ရူပမေဝ နိသ္သာယ ဇီဝန္တိယော။ ဝေသိယာ ဂောစရော ဗဟုလံ ပဝတ္တိဋ္ဌာနံ အသ္သာတိ ဝေသိယာဂောစရော။ ဧသ နယော သဗ္ဗတ္ထ။ ယောဗ္ဗန္နာတီတာတိ အနိဝိဒ္ဓာ ဧဝ မဟလ္လိကဘာဝံ ပတ္တာ ထုလ္လကုမာရီ ဧဝာတိ ဝုတ္တံ။ အာဒာယသ္သာတိ အာဒာနသ္သ ဂဟဏသ္သ။
Āmisakiñcikkhasampadānaṃ nāma appamattakassa deyyadhammassa anuppadānaṃ. Rūpūpajīvikāti attano rūpameva nissāya jīvantiyo. Vesiyā gocaro bahulaṃ pavattiṭṭhānaṃ assāti vesiyāgocaro. Esa nayo sabbattha. Yobbannātītāti anividdhā eva mahallikabhāvaṃ pattā thullakumārī evāti vuttaṃ. Ādāyassāti ādānassa gahaṇassa.
အညတိတ္ထိယပုဗ္ဗဝတ္ထုကထာဝဏ္ဏနာ နိဋ္ဌိတာ။
Aññatitthiyapubbavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၅. အညတိတ္ထိယပုဗ္ဗကထာ • 25. Aññatitthiyapubbakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အညတိတ္ထိယပုဗ္ဗဝတ္ထုကထာ • Aññatitthiyapubbavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အညတိတ္ထိယပုဗ္ဗဝတ္ထုကထာဝဏ္ဏနာ • Aññatitthiyapubbavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အညတိတ္ထိယပုဗ္ဗဝတ္ထုကထာဝဏ္ဏနာ • Aññatitthiyapubbavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၅. အညတိတ္ထိယပုဗ္ဗဝတ္ထုကထာ • 25. Aññatitthiyapubbavatthukathā
