| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨཉྙཏིཏྠིཡཔུབྦཝཏྠུཀཐཱཝཎྞནཱ
Aññatitthiyapubbavatthukathāvaṇṇanā
༨༦. ཨཉྙཏིཏྠིཡཝཏྠུམྷི ཨཱཛཱིཝཀོ ཨཙེལཀོཏི དུཝིདྷོ ནགྒཔརིབྦཱཛཀོཏི ཨཱཧ ‘‘ནགྒཔརིབྦཱཛཀསྶེཝ ཨཱཛཱིཝཀསྶ ཝཱ’’ཏིཨཱདི། ཏཏྠ ཨཱཛཱིཝཀོ ཨུཔརི ཨེཀམེཝ ཝཏྠཾ ཨུཔཀཙྪཀེ པཝེསེཏྭཱ པརིདཧཏི, ཧེཊྛཱ ནགྒོ། ཨཙེལཀོ སབྦེན སབྦཾ ནགྒོཡེཝ།
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
༨༧. ཨཱམིསཀིཉྩིཀྑསམྤདཱནཾ ནཱམ ཨཔྤམཏྟཀསྶེཝ དེཡྻདྷམྨསྶ ཨནུཔྤདཱནཾ། རཱུཔཱུཔཛཱིཝིཀཱཏི ཨཏྟནོ རཱུཔཾཡེཝ ནིསྶཱཡ ཛཱིཝནྟིཡོ། ཝེསིཡཱ གོཙརོ མིཏྟསནྠཝཝསེན ཨུཔསངྐམིཏབྦཊྛཱནཾ ཨསྶཱཏི ཝེསིཡཱགོཙརོ། ཨེས ནཡོ སབྦཏྠ། ཡོབྦནཔྤཏྟཱ ཡོབྦནཱཏཱིཏཱ ཝཱཏི ཨུབྷཡེནཔི མཧལླིཀཱ ཨནིཝིདྡྷཀུམཱརིཡོཝ ཝདཏི། བྷིཀྑུནིཡོ ནཱམ ཨུསྶནྣབྲཧྨཙརིཡཱ, ཏཐཱ བྷིཀྑཱུཔི། ཏེསཾ ཨཉྙམཉྙཝིསབྷཱགཝཏྠུབྷཱཝཏོ སནྠཝཝསེན ཨུཔསངྐམནེ ཀཏིཔཱཧེནེཝ བྲཧྨཙརིཡནྟརཱཡོ སིཡཱཏི ཨཱཧ ‘‘ཏཱཧི སདྡྷིཾ ཁིཔྤམེཝ ཝིསྶཱསོ ཧོཏི, ཏཏོ སཱིལཾ བྷིཛྫཏཱི’’ཏི། སེསམེཏྠ ཨུཏྟཱནམེཝ།
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
ཨཉྙཏིཏྠིཡཔུབྦཝཏྠུཀཐཱཝཎྞནཱ ནིཊྛིཏཱ།
Aññatitthiyapubbavatthukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༥. ཨཉྙཏིཏྠིཡཔུབྦཀཐཱ • 25. Aññatitthiyapubbakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨཉྙཏིཏྠིཡཔུབྦཝཏྠུཀཐཱ • Aññatitthiyapubbavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཉྙཏིཏྠིཡཔུབྦཝཏྠུཀཐཱཝཎྞནཱ • Aññatitthiyapubbavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཉྙཏིཏྠིཡཔུབྦཝཏྠུཀཐཱཝཎྞནཱ • Aññatitthiyapubbavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༥. ཨཉྙཏིཏྠིཡཔུབྦཝཏྠུཀཐཱ • 25. Aññatitthiyapubbavatthukathā
