| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨཉྙཏིཏྠིཡཔུབྦཝཏྠུཀཐཱཝཎྞནཱ
Aññatitthiyapubbavatthukathāvaṇṇanā
༨༦. ཏིཏྠིཡཔརིཝཱསཀཐཱཡཾ ཨཱཛཱིཝཀསྶ ཝཱཏིཨཱདཱིསུ ཨཀིརིཡཝཱདཱི ཨཱཛཱིཝཀོ ནཱམ, ཀིརིཡཝཱདིནོ པན ནིགཎྛཱཔི ཨཉྙེཔི ནགྒཏིཏྠིཀཱ ཨཙེལཀཔདེ སངྒཧིཏཱ། སབྦཐཱ ནགྒསྶེཝ ཏིཏྠིཡཔརིཝཱསོ ཝིཧིཏོ། སོ ཙ ཏེནེཝ ནགྒཝེསེན བྷིཀྑཱུནཾ སནྟིཀཾ ཨཱགཏསྶ, ན པཊིཙྪཱདེཏྭཱ ཨཱགཏསྶཱཏི དསྶེཏུཾ ‘‘སཙེ སོཔཱི’’ཏིཨཱདི ཝུཏྟཾ། ཏཏྠ སོཔཱིཏི ཨཱཛཱིཝཀོ།
86. Titthiyaparivāsakathāyaṃ ājīvakassa vātiādīsu akiriyavādī ājīvako nāma, kiriyavādino pana nigaṇṭhāpi aññepi naggatitthikā acelakapade saṅgahitā. Sabbathā naggasseva titthiyaparivāso vihito. So ca teneva naggavesena bhikkhūnaṃ santikaṃ āgatassa, na paṭicchādetvā āgatassāti dassetuṃ ‘‘sace sopī’’tiādi vuttaṃ. Tattha sopīti ājīvako.
ཨཱམིསཀིཉྩིཀྑསམྤདཱནཾ ནཱམ ཨཔྤམཏྟཀསྶ དེཡྻདྷམྨསྶ ཨནུཔྤདཱནཾ། རཱུཔཱུཔཛཱིཝིཀཱཏི ཨཏྟནོ རཱུཔམེཝ ནིསྶཱཡ ཛཱིཝནྟིཡོ། ཝེསིཡཱ གོཙརོ བཧུལཾ པཝཏྟིཊྛཱནཾ ཨསྶཱཏི ཝེསིཡཱགོཙརོ། ཨེས ནཡོ སབྦཏྠ། ཡོབྦནྣཱཏཱིཏཱཏི ཨནིཝིདྡྷཱ ཨེཝ མཧལླིཀབྷཱཝཾ པཏྟཱ ཐུལླཀུམཱརཱི ཨེཝཱཏི ཝུཏྟཾ། ཨཱདཱཡསྶཱཏི ཨཱདཱནསྶ གཧཎསྶ།
Āmisakiñcikkhasampadānaṃ nāma appamattakassa deyyadhammassa anuppadānaṃ. Rūpūpajīvikāti attano rūpameva nissāya jīvantiyo. Vesiyā gocaro bahulaṃ pavattiṭṭhānaṃ assāti vesiyāgocaro. Esa nayo sabbattha. Yobbannātītāti anividdhā eva mahallikabhāvaṃ pattā thullakumārī evāti vuttaṃ. Ādāyassāti ādānassa gahaṇassa.
ཨཉྙཏིཏྠིཡཔུབྦཝཏྠུཀཐཱཝཎྞནཱ ནིཊྛིཏཱ།
Aññatitthiyapubbavatthukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༥. ཨཉྙཏིཏྠིཡཔུབྦཀཐཱ • 25. Aññatitthiyapubbakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨཉྙཏིཏྠིཡཔུབྦཝཏྠུཀཐཱ • Aññatitthiyapubbavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨཉྙཏིཏྠིཡཔུབྦཝཏྠུཀཐཱཝཎྞནཱ • Aññatitthiyapubbavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཉྙཏིཏྠིཡཔུབྦཝཏྠུཀཐཱཝཎྞནཱ • Aññatitthiyapubbavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༥. ཨཉྙཏིཏྠིཡཔུབྦཝཏྠུཀཐཱ • 25. Aññatitthiyapubbavatthukathā
