| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ
Aññatitthiyapubbavatthukathāvaṇṇanā
੮੬. ਅਞ੍ਞਤਿਤ੍ਥਿਯવਤ੍ਥੁਮ੍ਹਿ ਆਜੀવਕੋ ਅਚੇਲਕੋਤਿ ਦੁવਿਧੋ ਨਗ੍ਗਪਰਿਬ੍ਬਾਜਕੋਤਿ ਆਹ ‘‘ਨਗ੍ਗਪਰਿਬ੍ਬਾਜਕਸ੍ਸੇવ ਆਜੀવਕਸ੍ਸ વਾ’’ਤਿਆਦਿ। ਤਤ੍ਥ ਆਜੀવਕੋ ਉਪਰਿ ਏਕਮੇવ વਤ੍ਥਂ ਉਪਕਚ੍ਛਕੇ ਪવੇਸੇਤ੍વਾ ਪਰਿਦਹਤਿ, ਹੇਟ੍ਠਾ ਨਗ੍ਗੋ। ਅਚੇਲਕੋ ਸਬ੍ਬੇਨ ਸਬ੍ਬਂ ਨਗ੍ਗੋਯੇવ।
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
੮੭. ਆਮਿਸਕਿਞ੍ਚਿਕ੍ਖਸਮ੍ਪਦਾਨਂ ਨਾਮ ਅਪ੍ਪਮਤ੍ਤਕਸ੍ਸੇવ ਦੇਯ੍ਯਧਮ੍ਮਸ੍ਸ ਅਨੁਪ੍ਪਦਾਨਂ। ਰੂਪੂਪਜੀવਿਕਾਤਿ ਅਤ੍ਤਨੋ ਰੂਪਂਯੇવ ਨਿਸ੍ਸਾਯ ਜੀવਨ੍ਤਿਯੋ। વੇਸਿਯਾ ਗੋਚਰੋ ਮਿਤ੍ਤਸਨ੍ਥવવਸੇਨ ਉਪਸਙ੍ਕਮਿਤਬ੍ਬਟ੍ਠਾਨਂ ਅਸ੍ਸਾਤਿ વੇਸਿਯਾਗੋਚਰੋ। ਏਸ ਨਯੋ ਸਬ੍ਬਤ੍ਥ। ਯੋਬ੍ਬਨਪ੍ਪਤ੍ਤਾ ਯੋਬ੍ਬਨਾਤੀਤਾ વਾਤਿ ਉਭਯੇਨਪਿ ਮਹਲ੍ਲਿਕਾ ਅਨਿવਿਦ੍ਧਕੁਮਾਰਿਯੋવ વਦਤਿ। ਭਿਕ੍ਖੁਨਿਯੋ ਨਾਮ ਉਸ੍ਸਨ੍ਨਬ੍ਰਹ੍ਮਚਰਿਯਾ, ਤਥਾ ਭਿਕ੍ਖੂਪਿ। ਤੇਸਂ ਅਞ੍ਞਮਞ੍ਞવਿਸਭਾਗવਤ੍ਥੁਭਾવਤੋ ਸਨ੍ਥવવਸੇਨ ਉਪਸਙ੍ਕਮਨੇ ਕਤਿਪਾਹੇਨੇવ ਬ੍ਰਹ੍ਮਚਰਿਯਨ੍ਤਰਾਯੋ ਸਿਯਾਤਿ ਆਹ ‘‘ਤਾਹਿ ਸਦ੍ਧਿਂ ਖਿਪ੍ਪਮੇવ વਿਸ੍ਸਾਸੋ ਹੋਤਿ, ਤਤੋ ਸੀਲਂ ਭਿਜ੍ਜਤੀ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Aññatitthiyapubbavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੫. ਅਞ੍ਞਤਿਤ੍ਥਿਯਪੁਬ੍ਬਕਥਾ • 25. Aññatitthiyapubbakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾ • Aññatitthiyapubbavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ • Aññatitthiyapubbavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾવਣ੍ਣਨਾ • Aññatitthiyapubbavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੫. ਅਞ੍ਞਤਿਤ੍ਥਿਯਪੁਬ੍ਬવਤ੍ਥੁਕਥਾ • 25. Aññatitthiyapubbavatthukathā
