| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
അഞ്ഞതിത്ഥിയപുബ്ബവത്ഥുകഥാവണ്ണനാ
Aññatitthiyapubbavatthukathāvaṇṇanā
൮൬. അഞ്ഞതിത്ഥിയവത്ഥുമ്ഹി ആജീവകോ അചേലകോതി ദുവിധോ നഗ്ഗപരിബ്ബാജകോതി ആഹ ‘‘നഗ്ഗപരിബ്ബാജകസ്സേവ ആജീവകസ്സ വാ’’തിആദി. തത്ഥ ആജീവകോ ഉപരി ഏകമേവ വത്ഥം ഉപകച്ഛകേ പവേസേത്വാ പരിദഹതി, ഹേട്ഠാ നഗ്ഗോ. അചേലകോ സബ്ബേന സബ്ബം നഗ്ഗോയേവ.
86. Aññatitthiyavatthumhi ājīvako acelakoti duvidho naggaparibbājakoti āha ‘‘naggaparibbājakasseva ājīvakassa vā’’tiādi. Tattha ājīvako upari ekameva vatthaṃ upakacchake pavesetvā paridahati, heṭṭhā naggo. Acelako sabbena sabbaṃ naggoyeva.
൮൭. ആമിസകിഞ്ചിക്ഖസമ്പദാനം നാമ അപ്പമത്തകസ്സേവ ദേയ്യധമ്മസ്സ അനുപ്പദാനം. രൂപൂപജീവികാതി അത്തനോ രൂപംയേവ നിസ്സായ ജീവന്തിയോ. വേസിയാ ഗോചരോ മിത്തസന്ഥവവസേന ഉപസങ്കമിതബ്ബട്ഠാനം അസ്സാതി വേസിയാഗോചരോ. ഏസ നയോ സബ്ബത്ഥ. യോബ്ബനപ്പത്താ യോബ്ബനാതീതാ വാതി ഉഭയേനപി മഹല്ലികാ അനിവിദ്ധകുമാരിയോവ വദതി. ഭിക്ഖുനിയോ നാമ ഉസ്സന്നബ്രഹ്മചരിയാ, തഥാ ഭിക്ഖൂപി. തേസം അഞ്ഞമഞ്ഞവിസഭാഗവത്ഥുഭാവതോ സന്ഥവവസേന ഉപസങ്കമനേ കതിപാഹേനേവ ബ്രഹ്മചരിയന്തരായോ സിയാതി ആഹ ‘‘താഹി സദ്ധിം ഖിപ്പമേവ വിസ്സാസോ ഹോതി, തതോ സീലം ഭിജ്ജതീ’’തി. സേസമേത്ഥ ഉത്താനമേവ.
87.Āmisakiñcikkhasampadānaṃ nāma appamattakasseva deyyadhammassa anuppadānaṃ. Rūpūpajīvikāti attano rūpaṃyeva nissāya jīvantiyo. Vesiyā gocaro mittasanthavavasena upasaṅkamitabbaṭṭhānaṃ assāti vesiyāgocaro. Esa nayo sabbattha. Yobbanappattā yobbanātītā vāti ubhayenapi mahallikā anividdhakumāriyova vadati. Bhikkhuniyo nāma ussannabrahmacariyā, tathā bhikkhūpi. Tesaṃ aññamaññavisabhāgavatthubhāvato santhavavasena upasaṅkamane katipāheneva brahmacariyantarāyo siyāti āha ‘‘tāhi saddhiṃ khippameva vissāso hoti, tato sīlaṃ bhijjatī’’ti. Sesamettha uttānameva.
അഞ്ഞതിത്ഥിയപുബ്ബവത്ഥുകഥാവണ്ണനാ നിട്ഠിതാ.
Aññatitthiyapubbavatthukathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൨൫. അഞ്ഞതിത്ഥിയപുബ്ബകഥാ • 25. Aññatitthiyapubbakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / അഞ്ഞതിത്ഥിയപുബ്ബവത്ഥുകഥാ • Aññatitthiyapubbavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അഞ്ഞതിത്ഥിയപുബ്ബവത്ഥുകഥാവണ്ണനാ • Aññatitthiyapubbavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അഞ്ഞതിത്ഥിയപുബ്ബവത്ഥുകഥാവണ്ണനാ • Aññatitthiyapubbavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨൫. അഞ്ഞതിത്ഥിയപുബ്ബവത്ഥുകഥാ • 25. Aññatitthiyapubbavatthukathā
