| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. ан̃н̃ад̇ид̇т̇ияасуд̇д̇ам̣
8. Aññatitthiyasuttaṃ
69. ‘‘сажз, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘д̇аяомз, аавусо, д̇хаммаа. гад̇амз д̇аяо? рааг̇о, д̣̇осо, мохо – имз ко, аавусо, д̇аяо д̇хаммаа. имзсам̣, аавусо, д̇ин̣н̣ам̣ д̇хаммаанам̣ го висзсо го ад̇хиббаяаасо 1 гим̣ наанаагаран̣а’нд̇и? звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ гинд̇и б̣яаагарзяяаат̇аа’’д̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
69. ‘‘Sace, bhikkhave, aññatitthiyā paribbājakā evaṃ puccheyyuṃ – ‘tayome, āvuso, dhammā. Katame tayo? Rāgo, doso, moho – ime kho, āvuso, tayo dhammā. Imesaṃ, āvuso, tiṇṇaṃ dhammānaṃ ko viseso ko adhippayāso 2 kiṃ nānākaraṇa’nti? Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ kinti byākareyyāthā’’ti? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti. ‘‘Tena hi, bhikkhave, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘сажз , бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘д̇аяомз, аавусо, д̇хаммаа. гад̇амз д̇аяо? рааг̇о, д̣̇осо, мохо – имз ко, аавусо, д̇аяо д̇хаммаа; имзсам̣, аавусо, д̇ин̣н̣ам̣ д̇хаммаанам̣ го висзсо го ад̇хиббаяаасо гим̣ наанаагаран̣а’нд̇и? звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘рааг̇о ко, аавусо, аббасааваж̇ж̇о д̣̇анд̇хавирааг̇ий, д̣̇осо махаасааваж̇ж̇о киббавирааг̇ий, мохо махаасааваж̇ж̇о д̣̇анд̇хавирааг̇ий’’’ д̇и.
‘‘Sace , bhikkhave, aññatitthiyā paribbājakā evaṃ puccheyyuṃ – ‘tayome, āvuso, dhammā. Katame tayo? Rāgo, doso, moho – ime kho, āvuso, tayo dhammā; imesaṃ, āvuso, tiṇṇaṃ dhammānaṃ ko viseso ko adhippayāso kiṃ nānākaraṇa’nti? Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘rāgo kho, āvuso, appasāvajjo dandhavirāgī, doso mahāsāvajjo khippavirāgī, moho mahāsāvajjo dandhavirāgī’’’ ti.
‘‘‘го банаавусо, хзд̇у го бажжаяо язна ануббанно ваа рааг̇о уббаж̇ж̇ад̇и уббанно ваа рааг̇о бхияяобхаавааяа взбуллааяа сам̣вад̇д̇ад̇ий’д̇и? ‘субханимид̇д̇анд̇исса важанийяам̣. д̇асса субханимид̇д̇ам̣ аяонисо манаси гарод̇о ануббанно ваа рааг̇о уббаж̇ж̇ад̇и уббанно ваа рааг̇о бхияяобхаавааяа взбуллааяа сам̣вад̇д̇ад̇и. аяам̣ ко, аавусо, хзд̇у аяам̣ бажжаяо язна ануббанно ваа рааг̇о уббаж̇ж̇ад̇и уббанно ваа рааг̇о бхияяобхаавааяа взбуллааяа сам̣вад̇д̇ад̇ий’’’д̇и.
‘‘‘Ko panāvuso, hetu ko paccayo yena anuppanno vā rāgo uppajjati uppanno vā rāgo bhiyyobhāvāya vepullāya saṃvattatī’ti? ‘Subhanimittantissa vacanīyaṃ. Tassa subhanimittaṃ ayoniso manasi karoto anuppanno vā rāgo uppajjati uppanno vā rāgo bhiyyobhāvāya vepullāya saṃvattati. Ayaṃ kho, āvuso, hetu ayaṃ paccayo yena anuppanno vā rāgo uppajjati uppanno vā rāgo bhiyyobhāvāya vepullāya saṃvattatī’’’ti.
‘‘‘го банаавусо, хзд̇у го бажжаяо язна ануббанно ваа д̣̇осо уббаж̇ж̇ад̇и уббанно ваа д̣̇осо бхияяобхаавааяа взбуллааяа сам̣вад̇д̇ад̇ий’д̇и? ‘бадигханимид̇д̇ам̣ д̇исса важанийяам̣. д̇асса бадигханимид̇д̇ам̣ аяонисо манаси гарод̇о ануббанно ваа д̣̇осо уббаж̇ж̇ад̇и уббанно ваа д̣̇осо бхияяобхаавааяа взбуллааяа сам̣вад̇д̇ад̇и. аяам̣ ко, аавусо, хзд̇у аяам̣ бажжаяо язна ануббанно ваа д̣̇осо уббаж̇ж̇ад̇и уббанно ваа д̣̇осо бхияяобхаавааяа взбуллааяа сам̣вад̇д̇ад̇ий’’’д̇и.
‘‘‘Ko panāvuso, hetu ko paccayo yena anuppanno vā doso uppajjati uppanno vā doso bhiyyobhāvāya vepullāya saṃvattatī’ti? ‘Paṭighanimittaṃ tissa vacanīyaṃ. Tassa paṭighanimittaṃ ayoniso manasi karoto anuppanno vā doso uppajjati uppanno vā doso bhiyyobhāvāya vepullāya saṃvattati. Ayaṃ kho, āvuso, hetu ayaṃ paccayo yena anuppanno vā doso uppajjati uppanno vā doso bhiyyobhāvāya vepullāya saṃvattatī’’’ti.
‘‘‘го банаавусо, хзд̇у го бажжаяо язна ануббанно ваа мохо уббаж̇ж̇ад̇и уббанно ваа мохо бхияяобхаавааяа взбуллааяа сам̣вад̇д̇ад̇ий’д̇и? ‘аяонисо манасигааро д̇исса важанийяам̣. д̇асса аяонисо манаси гарод̇о ануббанно ваа мохо уббаж̇ж̇ад̇и уббанно ваа мохо бхияяобхаавааяа взбуллааяа сам̣вад̇д̇ад̇и. аяам̣ ко, аавусо, хзд̇у аяам̣ бажжаяо язна ануббанно ваа мохо уббаж̇ж̇ад̇и уббанно ваа мохо бхияяобхаавааяа взбуллааяа сам̣вад̇д̇ад̇ий’’’д̇и.
‘‘‘Ko panāvuso, hetu ko paccayo yena anuppanno vā moho uppajjati uppanno vā moho bhiyyobhāvāya vepullāya saṃvattatī’ti? ‘Ayoniso manasikāro tissa vacanīyaṃ. Tassa ayoniso manasi karoto anuppanno vā moho uppajjati uppanno vā moho bhiyyobhāvāya vepullāya saṃvattati. Ayaṃ kho, āvuso, hetu ayaṃ paccayo yena anuppanno vā moho uppajjati uppanno vā moho bhiyyobhāvāya vepullāya saṃvattatī’’’ti.
‘‘‘го банаавусо, хзд̇у го бажжаяо язна ануббанно жзва рааг̇о нуббаж̇ж̇ад̇и уббанно жа рааг̇о бахийяад̇ий’д̇и? ‘асубханимид̇д̇анд̇исса важанийяам̣. д̇асса асубханимид̇д̇ам̣ яонисо манаси гарод̇о ануббанно жзва рааг̇о нуббаж̇ж̇ад̇и уббанно жа рааг̇о бахийяад̇и. аяам̣ ко, аавусо , хзд̇у аяам̣ бажжаяо язна ануббанно жзва рааг̇о нуббаж̇ж̇ад̇и уббанно жа рааг̇о бахийяад̇ий’’’д̇и.
‘‘‘Ko panāvuso, hetu ko paccayo yena anuppanno ceva rāgo nuppajjati uppanno ca rāgo pahīyatī’ti? ‘Asubhanimittantissa vacanīyaṃ. Tassa asubhanimittaṃ yoniso manasi karoto anuppanno ceva rāgo nuppajjati uppanno ca rāgo pahīyati. Ayaṃ kho, āvuso , hetu ayaṃ paccayo yena anuppanno ceva rāgo nuppajjati uppanno ca rāgo pahīyatī’’’ti.
‘‘‘го банаавусо, хзд̇у го бажжаяо язна ануббанно жзва д̣̇осо нуббаж̇ж̇ад̇и уббанно жа д̣̇осо бахийяад̇ий’д̇и? ‘мзд̇д̇аа жзд̇овимуд̇д̇ий д̇исса важанийяам̣. д̇асса мзд̇д̇ам̣ жзд̇овимуд̇д̇им̣ яонисо манаси гарод̇о ануббанно жзва д̣̇осо нуббаж̇ж̇ад̇и уббанно жа д̣̇осо бахийяад̇и. аяам̣ ко, аавусо, хзд̇у аяам̣ бажжаяо язна ануббанно жзва д̣̇осо нуббаж̇ж̇ад̇и уббанно жа д̣̇осо бахийяад̇ий’’’д̇и.
‘‘‘Ko panāvuso, hetu ko paccayo yena anuppanno ceva doso nuppajjati uppanno ca doso pahīyatī’ti? ‘Mettā cetovimuttī tissa vacanīyaṃ. Tassa mettaṃ cetovimuttiṃ yoniso manasi karoto anuppanno ceva doso nuppajjati uppanno ca doso pahīyati. Ayaṃ kho, āvuso, hetu ayaṃ paccayo yena anuppanno ceva doso nuppajjati uppanno ca doso pahīyatī’’’ti.
‘‘‘го банаавусо, хзд̇у го бажжаяо язна ануббанно жзва мохо нуббаж̇ж̇ад̇и уббанно жа мохо бахийяад̇ий’д̇и? ‘яонисоманасигааро д̇исса важанийяам̣. д̇асса яонисо манаси гарод̇о ануббанно жзва мохо нуббаж̇ж̇ад̇и уббанно жа мохо бахийяад̇и. аяам̣ ко, аавусо, хзд̇у аяам̣ бажжаяо язна ануббанно ваа мохо нуббаж̇ж̇ад̇и уббанно жа мохо бахийяад̇ий’’’д̇и. адтамам̣.
‘‘‘Ko panāvuso, hetu ko paccayo yena anuppanno ceva moho nuppajjati uppanno ca moho pahīyatī’ti? ‘Yonisomanasikāro tissa vacanīyaṃ. Tassa yoniso manasi karoto anuppanno ceva moho nuppajjati uppanno ca moho pahīyati. Ayaṃ kho, āvuso, hetu ayaṃ paccayo yena anuppanno vā moho nuppajjati uppanno ca moho pahīyatī’’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ан̃н̃ад̇ид̇т̇ияасуд̇д̇аван̣н̣анаа • 8. Aññatitthiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. ан̃н̃ад̇ид̇т̇ияасуд̇д̇аван̣н̣анаа • 8. Aññatitthiyasuttavaṇṇanā
