| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. ан̃н̃ад̇ид̇т̇ияасуд̇д̇аван̣н̣анаа
8. Aññatitthiyasuttavaṇṇanā
69. адтамз бхаг̇аваа муулам̣ гааран̣ам̣ зд̇зсам̣ яаат̇аавад̇о ад̇хиг̇амааяаад̇и бхаг̇авам̣муулагаа. д̇знааха ‘‘бхаг̇аванд̇ан̃хи ниссааяа маяам̣ имз д̇хаммз ааж̇аанаама бадивиж̇жхаамаа’’д̇и. амхаагам̣ д̇хаммаад̇и д̇зхи ад̇д̇анаа ад̇хиг̇анд̇аб̣б̣ад̇ааяа вуд̇д̇ам̣. сзвид̇аб̣б̣аасзвид̇аб̣б̣аанан̃хи яаат̇аавад̇о ад̇хиг̇аман̃н̃аан̣аани ад̇хиг̇ажчанагасамб̣анд̇хийни, д̇аани жа саммаасамб̣уд̣̇д̇хамуулагаани анан̃н̃ависаяад̇д̇аа. д̇знааха ‘‘буб̣б̣з гассабасаммаасамб̣уд̣̇д̇хзнаа’’д̇иаад̣̇и. имз д̇хаммаад̇и имз н̃аан̣ад̇хаммаа. ааж̇аанаамаад̇и абхимукам̣ бажжагкад̇о ж̇аанаама. бадивиж̇жхаамаад̇и д̇ассзва взважанам̣, ад̇хиг̇ажчаамаад̇и ад̇т̇о. бхаг̇аваа нзд̇аа зд̇зсанд̇и бхаг̇авам̣нзд̇д̇игаа. нзд̇аад̇и сзвид̇аб̣б̣ад̇хаммз взнзяяасанд̇аанам̣ баабзд̇аа. винзд̇аад̇и асзвид̇аб̣б̣ад̇хаммз взнзяяасанд̇аанад̇о абанзд̇аа. д̇ад̣̇ан̇г̇авинаяаад̣̇ивасзна ваа винзд̇аа. ат̇а ваа яат̇аа аламарияан̃аан̣ад̣̇ассанависзсо ход̇и, звам̣ висзсад̇о нзд̇аа. анунзд̇аад̇и ‘‘имз д̇хаммаа сзвид̇аб̣б̣аа, имз на сзвид̇аб̣б̣аа’’д̇и убхаяасамбаабанаабанаяанад̇т̇ам̣ бан̃н̃аабзд̇аа. д̇знааха ‘‘яат̇аасабхаавад̇о’’д̇иаад̣̇и.
69. Aṭṭhame bhagavā mūlaṃ kāraṇaṃ etesaṃ yāthāvato adhigamāyāti bhagavaṃmūlakā. Tenāha ‘‘bhagavantañhi nissāya mayaṃ ime dhamme ājānāma paṭivijjhāmā’’ti. Amhākaṃ dhammāti tehi attanā adhigantabbatāya vuttaṃ. Sevitabbāsevitabbānañhi yāthāvato adhigamaññāṇāni adhigacchanakasambandhīni, tāni ca sammāsambuddhamūlakāni anaññavisayattā. Tenāha ‘‘pubbe kassapasammāsambuddhenā’’tiādi. Ime dhammāti ime ñāṇadhammā. Ājānāmāti abhimukhaṃ paccakkhato jānāma. Paṭivijjhāmāti tasseva vevacanaṃ, adhigacchāmāti attho. Bhagavā netā etesanti bhagavaṃnettikā. Netāti sevitabbadhamme veneyyasantānaṃ pāpetā. Vinetāti asevitabbadhamme veneyyasantānato apanetā. Tadaṅgavinayādivasena vā vinetā. Atha vā yathā alamariyañāṇadassanaviseso hoti, evaṃ visesato netā. Anunetāti ‘‘ime dhammā sevitabbā, ime na sevitabbā’’ti ubhayasampāpanāpanayanatthaṃ paññāpetā. Tenāha ‘‘yathāsabhāvato’’tiādi.
бадисаранд̇и зд̇т̇аад̇и бадисаран̣ам̣, бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. аабаат̇ам̣ убаг̇ажчанд̇аа хи бхаг̇аваа бадисаран̣ам̣ самосаран̣адтаанам̣. д̇знааха ‘‘жад̇убхуумагад̇хаммаа’’д̇иаад̣̇и. бадисарад̇и сабхаавасамбадивзд̇хавасзна бажжзгам̣ убаг̇ажчад̇ийд̇и ваа бадисаран̣ам̣, бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. бадисарад̇и бадивиж̇жхад̇ийд̇и ваа бадисаран̣ам̣, д̇асмаа бадивиж̇жханавасзна бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. д̇знааха ‘‘абижаа’’д̇иаад̣̇и. бадивзд̇хавасзнаад̇и бадивиж̇жхид̇аб̣б̣ад̇аавасзна. асад̇иби мукз ад̇т̇ад̇о звам̣ вад̣̇анд̇о вияа ход̇ийд̇и ааха ‘‘пассо ааг̇ажчад̇и ахам̣ бхаг̇аваа гиннаамо’’д̇и. пассо н̃аан̣асса аабаат̇ам̣ ааг̇ажчанд̇оязва хи ад̇д̇ано ‘‘ахам̣ гиннаамо’’д̇и наамам̣ бужчанд̇о вияа, бхаг̇аваа жасса наамам̣ гаронд̇о вияа ход̇и.
Paṭisaranti etthāti paṭisaraṇaṃ, bhagavā paṭisaraṇaṃ etesanti bhagavaṃpaṭisaraṇā. Āpāthaṃ upagacchantā hi bhagavā paṭisaraṇaṃ samosaraṇaṭṭhānaṃ. Tenāha ‘‘catubhūmakadhammā’’tiādi. Paṭisarati sabhāvasampaṭivedhavasena paccekaṃ upagacchatīti vā paṭisaraṇaṃ, bhagavā paṭisaraṇaṃ etesanti bhagavaṃpaṭisaraṇā. Paṭisarati paṭivijjhatīti vā paṭisaraṇaṃ, tasmā paṭivijjhanavasena bhagavā paṭisaraṇaṃ etesanti bhagavaṃpaṭisaraṇā. Tenāha ‘‘apicā’’tiādi. Paṭivedhavasenāti paṭivijjhitabbatāvasena. Asatipi mukhe atthato evaṃ vadanto viya hotīti āha ‘‘phasso āgacchati ahaṃ bhagavā kinnāmo’’ti. Phasso ñāṇassa āpāthaṃ āgacchantoyeva hi attano ‘‘ahaṃ kinnāmo’’ti nāmaṃ pucchanto viya, bhagavā cassa nāmaṃ karonto viya hoti.
бадибхаад̇ууд̇и зд̇т̇а бадисад̣̇д̣̇аабзгкааяа ‘‘бхаг̇аванд̇а’’нд̇и убаяог̇аважанам̣, ад̇т̇о бана саамиважанавасзнзва взд̣̇ид̇аб̣б̣од̇и д̣̇ассзнд̇о ааха ‘‘бхаг̇авад̇о’’д̇и. бадибхаад̇ууд̇и жа бхааг̇о ход̇у. бхаг̇авад̇о хи зса бхааг̇о, яад̣̇ид̣̇ам̣ д̇хаммасса д̣̇зсанаа, амхаагам̣ бана бхааг̇о савананд̇и ад̇хиббааяо. зван̃хи сад̣̇д̣̇алагкан̣зна самзд̇и. гзжи бана бадибхаад̇ууд̇и бад̣̇асса д̣̇иссад̇ууд̇и ад̇т̇ам̣ вад̣̇анд̇и, н̃аан̣зна д̣̇иссад̇у, д̣̇зсийяад̇ууд̇и ваа ад̇т̇о. убадтаад̇ууд̇и н̃аан̣асса бажжубад̇идтад̇у. баал̣ияам̣ го ад̇хиббаяаасод̇и зд̇т̇а го ад̇хигаббаяог̇од̇и ад̇т̇о.
Paṭibhātūti ettha paṭisaddāpekkhāya ‘‘bhagavanta’’nti upayogavacanaṃ, attho pana sāmivacanavaseneva veditabboti dassento āha ‘‘bhagavato’’ti. Paṭibhātūti ca bhāgo hotu. Bhagavato hi esa bhāgo, yadidaṃ dhammassa desanā, amhākaṃ pana bhāgo savananti adhippāyo. Evañhi saddalakkhaṇena sameti. Keci pana paṭibhātūti padassa dissatūti atthaṃ vadanti, ñāṇena dissatu, desīyatūti vā attho. Upaṭṭhātūti ñāṇassa paccupatiṭṭhatu. Pāḷiyaṃ ko adhippayāsoti ettha ko adhikappayogoti attho.
логаваж̇ж̇авасзнаад̇и логияаж̇анзхи багад̇ияаа г̇арахид̇аб̣б̣аваж̇ж̇авасзна. вибаагаваж̇ж̇авасзнаад̇и вибаагасса абааяасам̣вад̇д̇анигаваж̇ж̇авасзна. гат̇анд̇иаад̣̇инаа убхаяаваж̇ж̇авасзнаби аббасааваж̇ж̇ад̇ааяа висаяам̣ д̣̇ассзд̇и. сзсамзд̇т̇а сувин̃н̃зяяамзва.
Lokavajjavasenāti lokiyajanehi pakatiyā garahitabbavajjavasena. Vipākavajjavasenāti vipākassa apāyasaṃvattanikavajjavasena. Kathantiādinā ubhayavajjavasenapi appasāvajjatāya visayaṃ dasseti. Sesamettha suviññeyyameva.
ан̃н̃ад̇ид̇т̇ияасуд̇д̇аван̣н̣анаа нидтид̇аа.
Aññatitthiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. ан̃н̃ад̇ид̇т̇ияасуд̇д̇ам̣ • 8. Aññatitthiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ан̃н̃ад̇ид̇т̇ияасуд̇д̇аван̣н̣анаа • 8. Aññatitthiyasuttavaṇṇanā
