| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ан̃н̃ад̇ид̇т̇ияасуд̇д̇аван̣н̣анаа
4. Aññatitthiyasuttavaṇṇanā
24. сод̇и саарибуд̇д̇ад̇т̇зро. яад̣̇и на д̇аава бавидто, гасмаа ‘‘баависий’’д̇и вуд̇д̇анд̇и ааха ‘‘бависиссаамий’’д̇иаад̣̇и. д̇зна авассамбхаавини бхууд̇з вияа убажааро ход̇ийд̇и д̣̇ассзд̇и. ид̣̇аани д̇амад̇т̇ам̣ убамааяа вибхаавзнд̇о ‘‘яат̇аа ги’’нд̇иаад̣̇имааха. ад̇иббаг̇оязва нигканд̇ад̣̇ивасод̇и багад̇ияаа бхигкаажаран̣авзлааяа ад̇ивияа баад̇о зва вихаарад̇о нигканд̇ад̣̇ивасабхааг̇о. зд̇ад̣̇ахосийд̇и зд̇ам̣ ‘‘ад̇иббаг̇о ко’’д̇иаад̣̇игам̣ жинд̇анам̣ ахоси. д̣̇агкин̣ад̣̇ваарассаад̇и рааж̇аг̇аханаг̇арз д̣̇агкин̣ад̣̇ваарасса взл̣уванасса жа анд̇араа ахоси, д̇асмаа ‘‘д̇знубасан̇гамисса’’нд̇и жинд̇анаа ахосийд̇и ад̇хиббааяо. гим̣ ваад̣̇ийд̇и жад̇уусу ваад̣̇зсу гад̇арам̣ ваад̣̇ам̣ вад̣̇аси. гимагкааяийд̇и д̇ассзва взважанам̣. гим̣ вад̣̇ад̇ийд̇и бана жад̇д̇ааро ваад̣̇з сааман̃н̃ад̇о г̇ахзд̇ваа набум̣сагалин̇г̇зна вад̣̇ад̇и яат̇аа гим̣ д̇з ж̇аад̇алин̇г̇ам̣. саб̣б̣анааман̃хзд̇ам̣, яад̣̇ид̣̇ам̣ набум̣сагалин̇г̇ам̣. вад̣̇ад̇и зд̇знаад̇и ваад̣̇о, д̣̇ассанам̣. д̇ам̣ санд̇хааяааха ‘‘гим̣ зд̇т̇а…бз… д̣̇ассананд̇и бужчанд̇ий’’д̇и. ‘‘д̇хаммабадисамбхид̣̇аа’’д̇иаад̣̇ийсу вияа д̇хамма-сад̣̇д̣̇о хзд̇уад̇т̇од̇и ааха ‘‘яам̣ вуд̇д̇ам̣ гааран̣ам̣, д̇асса анугааран̣а’’нд̇и. ваад̣̇асса важанасса ануббад̇д̇и ваад̣̇аббавад̇д̇и.
24.Soti sāriputtatthero. Yadi na tāva paviṭṭho, kasmā ‘‘pāvisī’’ti vuttanti āha ‘‘pavisissāmī’’tiādi. Tena avassambhāvini bhūte viya upacāro hotīti dasseti. Idāni tamatthaṃ upamāya vibhāvento ‘‘yathā ki’’ntiādimāha. Atippagoyeva nikkhantadivasoti pakatiyā bhikkhācaraṇavelāya ativiya pāto eva vihārato nikkhantadivasabhāgo. Etadahosīti etaṃ ‘‘atippago kho’’tiādikaṃ cintanaṃ ahosi. Dakkhiṇadvārassāti rājagahanagare dakkhiṇadvārassa veḷuvanassa ca antarā ahosi, tasmā ‘‘tenupasaṅkamissa’’nti cintanā ahosīti adhippāyo. Kiṃ vādīti catūsu vādesu kataraṃ vādaṃ vadasi. Kimakkhāyīti tasseva vevacanaṃ. Kiṃ vadatīti pana cattāro vāde sāmaññato gahetvā napuṃsakaliṅgena vadati yathā kiṃ te jātaliṅgaṃ. Sabbanāmañhetaṃ, yadidaṃ napuṃsakaliṅgaṃ. Vadati etenāti vādo, dassanaṃ. Taṃ sandhāyāha ‘‘kiṃ ettha…pe… dassananti pucchantī’’ti. ‘‘Dhammapaṭisambhidā’’tiādīsu viya dhamma-saddo hetuatthoti āha ‘‘yaṃ vuttaṃ kāraṇaṃ, tassa anukāraṇa’’nti. Vādassa vacanassa anuppatti vādappavatti.
ид̣̇ам̣ важананд̇и ‘‘згамид̣̇ааха’’нд̇иаад̣̇иважанам̣. саад̇и ‘‘згз саман̣аб̣раахман̣аа гаммаваад̣̇аа’’д̇и звам̣ бавад̇д̇агат̇аа. ажчарам̣ ан̇г̇улиподанам̣ арахад̇ийд̇и ажчарияам̣. аб̣бхуд̇анд̇и нируд̇д̇инаязна бад̣̇асид̣̇д̇хи д̣̇адтаб̣б̣аа. саб̣б̣аваад̣̇аананд̇и саб̣б̣зсам̣ жад̇уб̣б̣ид̇хаваад̣̇аанам̣. батамо хзд̇т̇а сассад̇аваад̣̇о, д̣̇уд̇ияо ужчзд̣̇аваад̣̇о, д̇ад̇ияо згажжасассад̇аваад̣̇о, жад̇уд̇т̇о ад̇хижжасамуббаннаваад̣̇о, д̇зсам̣ саб̣б̣зсам̣ бадигкзбад̇о бадигкзбагааран̣ам̣ вуд̇д̇ам̣. бадижжасамуббаад̣̇агид̇д̇анам̣ ваа бажураж̇анан̃аан̣асса алаб̣бханзяяабад̇идтад̇ааяа г̇амбхийран̃жзва, д̇ат̇аа авабхаасанад̇о жзд̇аси убадтаанад̇о г̇амбхийраавабхаасан̃жа гаронд̇о. д̇ад̣̇зва бад̣̇анд̇и пассабад̣̇ам̣язва аад̣̇ибхууд̇ам̣ г̇ахзд̇ваа.
Idaṃ vacananti ‘‘ekamidāha’’ntiādivacanaṃ. Sāti ‘‘eke samaṇabrāhmaṇā kammavādā’’ti evaṃ pavattakathā. Accharaṃ aṅguliphoṭanaṃ arahatīti acchariyaṃ. Abbhutanti niruttinayena padasiddhi daṭṭhabbā. Sabbavādānanti sabbesaṃ catubbidhavādānaṃ. Paṭhamo hettha sassatavādo, dutiyo ucchedavādo, tatiyo ekaccasassatavādo, catuttho adhiccasamuppannavādo, tesaṃ sabbesaṃ paṭikkhepato paṭikkhepakāraṇaṃ vuttaṃ. Paṭiccasamuppādakittanaṃ vā pacurajanañāṇassa alabbhaneyyapatiṭṭhatāya gambhīrañceva, tathā avabhāsanato cetasi upaṭṭhānato gambhīrāvabhāsañca karonto. Tadeva padanti phassapadaṃyeva ādibhūtaṃ gahetvā.
ан̃н̃ад̇ид̇т̇ияасуд̇д̇аван̣н̣анаа нидтид̇аа.
Aññatitthiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ан̃н̃ад̇ид̇т̇ияасуд̇д̇ам̣ • 4. Aññatitthiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ан̃н̃ад̇ид̇т̇ияасуд̇д̇аван̣н̣анаа • 4. Aññatitthiyasuttavaṇṇanā
