| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
ан̃н̃ад̇рабарибхог̇абадигкзбаад̣̇и
Aññatraparibhogapaṭikkhepādi
324. 1 д̇зна ко бана самаязна бхигкуу ан̃н̃ад̇арасса убаасагасса вихаарабарибхог̇ам̣ сзнаасанам̣ ан̃н̃ад̇ра барибхун̃ж̇анд̇и. ат̇а ко со убаасаго уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа ан̃н̃ад̇ра барибхог̇ам̣ ан̃н̃ад̇ра барибхун̃ж̇иссанд̇ий’’д̇и! бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ан̃н̃ад̇ра барибхог̇о ан̃н̃ад̇ра барибхун̃ж̇ид̇аб̣б̣о. яо барибхун̃ж̇зяяа, аабад̇д̇и д̣̇уггадассаа’’д̇и.
324.2 Tena kho pana samayena bhikkhū aññatarassa upāsakassa vihāraparibhogaṃ senāsanaṃ aññatra paribhuñjanti. Atha kho so upāsako ujjhāyati khiyyati vipāceti – ‘‘kathañhi nāma bhadantā aññatra paribhogaṃ aññatra paribhuñjissantī’’ti! Bhagavato etamatthaṃ ārocesuṃ. ‘‘Na, bhikkhave, aññatra paribhogo aññatra paribhuñjitabbo. Yo paribhuñjeyya, āpatti dukkaṭassā’’ti.
3 д̇зна ко бана самаязна бхигкуу убосат̇аг̇г̇амби саннисаж̇ж̇амби харид̇ум̣ гуггужжааяанд̇аа чамааяа нисийд̣̇анд̇и. г̇ад̇д̇ааниби жийварааниби бам̣сугид̇аани хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇аавагаалигам̣ харид̇у’’нд̇и.
4 Tena kho pana samayena bhikkhū uposathaggampi sannisajjampi harituṃ kukkuccāyantā chamāya nisīdanti. Gattānipi cīvarānipi paṃsukitāni honti. Bhagavato etamatthaṃ ārocesuṃ. ‘‘Anujānāmi, bhikkhave, tāvakālikaṃ haritu’’nti.
д̇зна ко бана самаязна сан̇гхасса махаавихааро унд̣̇рияад̇и. бхигкуу гуггужжааяанд̇аа сзнаасанам̣ наад̇ихаранд̇и 5. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, г̇уд̇д̇ад̇т̇ааяа харид̇у’’нд̇и.
Tena kho pana samayena saṅghassa mahāvihāro undriyati. Bhikkhū kukkuccāyantā senāsanaṃ nātiharanti 6. Bhagavato etamatthaṃ ārocesuṃ. ‘‘Anujānāmi, bhikkhave, guttatthāya haritu’’nti.
д̇зна ко бана самаязна сан̇гхасса сзнаасанабаригкаариго махаг̇гхо гамб̣ало уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, паад̇игаммад̇т̇ааяа баривад̇д̇зд̇у’’нд̇и.
Tena kho pana samayena saṅghassa senāsanaparikkhāriko mahaggho kambalo uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, phātikammatthāya parivattetu’’nti.
д̇зна ко бана самаязна сан̇гхасса сзнаасанабаригкааригам̣ махаг̇гхам̣ д̣̇уссам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, паад̇игаммад̇т̇ааяа баривад̇д̇зд̇у’’нд̇и.
Tena kho pana samayena saṅghassa senāsanaparikkhārikaṃ mahagghaṃ dussaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, phātikammatthāya parivattetu’’nti.
д̇зна ко бана самаязна сан̇гхасса ажчажаммам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, баад̣̇абун̃чаним̣ гаад̇у’’нд̇и.
Tena kho pana samayena saṅghassa acchacammaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, pādapuñchaniṃ kātu’’nti.
д̇зна ко бана самаязна сан̇гхасса жаггалигам̣ уббаннам̣ ход̇и . бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, баад̣̇абун̃чаним̣ гаад̇у’’нд̇и.
Tena kho pana samayena saṅghassa cakkalikaṃ uppannaṃ hoti . Bhagavato etamatthaṃ ārocesuṃ. ‘‘Anujānāmi, bhikkhave, pādapuñchaniṃ kātu’’nti.
д̇зна ко бана самаязна сан̇гхасса жол̣агам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, баад̣̇абун̃чаним̣ гаад̇у’’нд̇и.
Tena kho pana samayena saṅghassa coḷakaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, pādapuñchaniṃ kātu’’nti.
д̇зна ко бана самаязна бхигкуу ад̇ход̇зхи баад̣̇зхи сзнаасанам̣ аггаманд̇и. сзнаасанам̣ д̣̇уссад̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ад̇ход̇зхи баад̣̇зхи сзнаасанам̣ аггамид̇аб̣б̣ам̣. яо аггамзяяа, аабад̇д̇и д̣̇уггадассаа’’д̇и.
Tena kho pana samayena bhikkhū adhotehi pādehi senāsanaṃ akkamanti. Senāsanaṃ dussati. Bhagavato etamatthaṃ ārocesuṃ. ‘‘Na, bhikkhave, adhotehi pādehi senāsanaṃ akkamitabbaṃ. Yo akkameyya, āpatti dukkaṭassā’’ti.
д̇зна ко бана самаязна бхигкуу аллзхи баад̣̇зхи сзнаасанам̣ аггаманд̇и. сзнаасанам̣ д̣̇уссад̇и. бхаг̇авад̇о зд̇амад̇т̇ам̣ аарожзсум̣ . ‘‘на, бхигкавз, аллзхи баад̣̇зхи сзнаасанам̣ аггамид̇аб̣б̣ам̣. яо аггамзяяа, аабад̇д̇и д̣̇уггадассаа’’д̇и.
Tena kho pana samayena bhikkhū allehi pādehi senāsanaṃ akkamanti. Senāsanaṃ dussati. Bhagavato etamatthaṃ ārocesuṃ . ‘‘Na, bhikkhave, allehi pādehi senāsanaṃ akkamitabbaṃ. Yo akkameyya, āpatti dukkaṭassā’’ti.
д̇зна ко бана самаязна бхигкуу саубааханаа сзнаасанам̣ аггаманд̇и. сзнаасанам̣ д̣̇уссад̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, саубааханзна сзнаасанам̣ аггамид̇аб̣б̣ам̣. яо аггамзяяа, аабад̇д̇и д̣̇уггадассаа’’д̇и.
Tena kho pana samayena bhikkhū saupāhanā senāsanaṃ akkamanti. Senāsanaṃ dussati. Bhagavato etamatthaṃ ārocesuṃ. ‘‘Na, bhikkhave, saupāhanena senāsanaṃ akkamitabbaṃ. Yo akkameyya, āpatti dukkaṭassā’’ti.
д̇зна ко бана самаязна бхигкуу баригаммагад̇ааяа бхуумияаа нидтубханд̇и. ван̣н̣о д̣̇уссад̇и. бхаг̇авад̇о зд̇амад̇т̇ам̣ аарожзсум̣. ‘‘на , бхигкавз, баригаммагад̇ааяа бхуумияаа нидтубхид̇аб̣б̣ам̣. яо нидтубхзяяа, аабад̇д̇и д̣̇уггадасса. ануж̇аанаами, бхигкавз, кзл̣амаллага’’нд̇и.
Tena kho pana samayena bhikkhū parikammakatāya bhūmiyā niṭṭhubhanti. Vaṇṇo dussati. Bhagavato etamatthaṃ ārocesuṃ. ‘‘Na , bhikkhave, parikammakatāya bhūmiyā niṭṭhubhitabbaṃ. Yo niṭṭhubheyya, āpatti dukkaṭassa. Anujānāmi, bhikkhave, kheḷamallaka’’nti.
д̇зна ко бана самаязна ман̃жабаад̣̇ааби бийтабаад̣̇ааби баригаммагад̇ам̣ бхуумим̣ виликанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, жол̣агзна баливзтзд̇у’’нд̇и.
Tena kho pana samayena mañcapādāpi pīṭhapādāpi parikammakataṃ bhūmiṃ vilikhanti. Bhagavato etamatthaṃ ārocesuṃ. ‘‘Anujānāmi, bhikkhave, coḷakena paliveṭhetu’’nti.
д̇зна ко бана самаязна бхигкуу баригаммагад̇ам̣ бхид̇д̇им̣ абассзнд̇и. ван̣н̣о д̣̇уссад̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, баригаммагад̇аа бхид̇д̇и абассзд̇аб̣б̣аа. яо абассзяяа, аабад̇д̇и д̣̇уггадасса. ануж̇аанаами, бхигкавз, абассзнапалага’’нд̇и. абассзнапалагам̣ хздтад̇о бхуумим̣ виликад̇и, убарид̇о бхид̇д̇ин̃жа. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, хздтад̇о жа убарид̇о жа жол̣агзна баливзтзд̇у’’нд̇и.
Tena kho pana samayena bhikkhū parikammakataṃ bhittiṃ apassenti. Vaṇṇo dussati. Bhagavato etamatthaṃ ārocesuṃ. ‘‘Na, bhikkhave, parikammakatā bhitti apassetabbā. Yo apasseyya, āpatti dukkaṭassa. Anujānāmi, bhikkhave, apassenaphalaka’’nti. Apassenaphalakaṃ heṭṭhato bhūmiṃ vilikhati, uparito bhittiñca. Bhagavato etamatthaṃ ārocesuṃ. ‘‘Anujānāmi, bhikkhave, heṭṭhato ca uparito ca coḷakena paliveṭhetu’’nti.
д̇зна ко бана самаязна бхигкуу д̇ход̇абаад̣̇агаа нибаж̇ж̇ид̇ум̣ гуггужжааяанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бажжад̇т̇арид̇ваа нибаж̇ж̇ид̇у’’нд̇и.
Tena kho pana samayena bhikkhū dhotapādakā nipajjituṃ kukkuccāyanti. Bhagavato etamatthaṃ ārocesuṃ. ‘‘Anujānāmi, bhikkhave, paccattharitvā nipajjitu’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ан̃н̃ад̇рабадибхог̇абадигкзбаад̣̇игат̇аа • Aññatrapaṭibhogapaṭikkhepādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ан̃н̃ад̇рабарибхог̇абадигкзбаад̣̇игат̇ааван̣н̣анаа • Aññatraparibhogapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ан̃н̃ад̇рабарибхог̇абадигкзбаад̣̇игат̇ааван̣н̣анаа • Aññatraparibhogapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ан̃н̃ад̇рабарибхог̇абадигкзбаад̣̇игат̇аа • Aññatraparibhogapaṭikkhepādikathā
