| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អញ្ញត្របរិភោគបដិក្ខេបាទិកថាវណ្ណនា
Aññatraparibhogapaṭikkhepādikathāvaṇṇanā
៣២៤. វឌ្ឍិកម្មត្ថាយាតិ យថា តម្មូលគ្ឃតោ ន បរិហាយតិ, ឯវំ កត្តព្ពស្ស ឯវំ និប្ផាទេតព្ពស្ស មញ្ចបីឋាទិនោ អត្ថាយ។
324.Vaḍḍhikammatthāyāti yathā tammūlagghato na parihāyati, evaṃ kattabbassa evaṃ nipphādetabbassa mañcapīṭhādino atthāya.
ចក្កលិកន្តិ បាទបុញ្ឆនត្ថំ ចក្កាការេន កតំ។ បរិភណ្ឌកតភូមិ វាតិ កាឡវណ្ណាទិកតសណ្ហភូមិ វា។ សេនាសនំ វាតិ មញ្ចបីឋាទិ វា។
Cakkalikanti pādapuñchanatthaṃ cakkākārena kataṃ. Paribhaṇḍakatabhūmi vāti kāḷavaṇṇādikatasaṇhabhūmi vā. Senāsanaṃ vāti mañcapīṭhādi vā.
‘‘តថេវ វឡញ្ជេតុំ វដ្ដតី’’តិ ឥមិនា នេវាសិកេហិ ធោតបាទាទីហិ វឡញ្ជនដ្ឋានេ សញ្ចិច្ច អធោតបាទាទីហិ វឡញ្ជន្តស្សេវ អាបត្តិ បញ្ញត្តាតិ ទស្សេតិ។
‘‘Tathevavaḷañjetuṃ vaṭṭatī’’ti iminā nevāsikehi dhotapādādīhi vaḷañjanaṭṭhāne sañcicca adhotapādādīhi vaḷañjantasseva āpatti paññattāti dasseti.
‘‘ទ្វារម្បី’’តិអាទិនា សាមញ្ញតោ វុត្តត្តា ទ្វារវាតបានាទយោ អបរិកម្មកតាបិ ន អបស្សយិតព្ពា។ អជានិត្វា អបស្សយន្តស្សបិ ឥធ លោមគណនាយ អាបត្តិ។
‘‘Dvārampī’’tiādinā sāmaññato vuttattā dvāravātapānādayo aparikammakatāpi na apassayitabbā. Ajānitvā apassayantassapi idha lomagaṇanāya āpatti.
អញ្ញត្របរិភោគបដិក្ខេបាទិកថាវណ្ណនា និដ្ឋិតា។
Aññatraparibhogapaṭikkhepādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / អញ្ញត្របរិភោគបដិក្ខេបាទិ • Aññatraparibhogapaṭikkhepādi
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / អញ្ញត្របដិភោគបដិក្ខេបាទិកថា • Aññatrapaṭibhogapaṭikkhepādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អញ្ញត្របរិភោគបដិក្ខេបាទិកថាវណ្ណនា • Aññatraparibhogapaṭikkhepādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / នវកម្មទានកថាវណ្ណនា • Navakammadānakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អញ្ញត្របរិភោគបដិក្ខេបាទិកថា • Aññatraparibhogapaṭikkhepādikathā
