| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අඤ්‌ඤත්‍රපරිභොගපටික්‌ඛෙපාදිකථාවණ්‌ණනා
Aññatraparibhogapaṭikkhepādikathāvaṇṇanā
324. වඩ්‌ඪිකම්‌මත්‌ථායාති යථා තම්‌මූලග්‌ඝතො න පරිහායති, එවං කත්‌තබ්‌බස්‌ස එවං නිප්‌ඵාදෙතබ්‌බස්‌ස මඤ්‌චපීඨාදිනො අත්‌ථාය.
324.Vaḍḍhikammatthāyāti yathā tammūlagghato na parihāyati, evaṃ kattabbassa evaṃ nipphādetabbassa mañcapīṭhādino atthāya.
චක්‌කලිකන්‌ති පාදපුඤ්‌ඡනත්‌ථං චක්‌කාකාරෙන කතං. පරිභණ්‌ඩකතභූමි වාති කාළවණ්‌ණාදිකතසණ්‌හභූමි වා. සෙනාසනං වාති මඤ්‌චපීඨාදි වා.
Cakkalikanti pādapuñchanatthaṃ cakkākārena kataṃ. Paribhaṇḍakatabhūmi vāti kāḷavaṇṇādikatasaṇhabhūmi vā. Senāsanaṃ vāti mañcapīṭhādi vā.
‘‘තථෙව වළඤ්‌ජෙතුං වට්‌ටතී’’ති ඉමිනා නෙවාසිකෙහි ධොතපාදාදීහි වළඤ්‌ජනට්‌ඨානෙ සඤ්‌චිච්‌ච අධොතපාදාදීහි වළඤ්‌ජන්‌තස්‌සෙව ආපත්‌ති පඤ්‌ඤත්‌තාති දස්‌සෙති.
‘‘Tathevavaḷañjetuṃ vaṭṭatī’’ti iminā nevāsikehi dhotapādādīhi vaḷañjanaṭṭhāne sañcicca adhotapādādīhi vaḷañjantasseva āpatti paññattāti dasseti.
‘‘ද්‌වාරම්‌පී’’තිආදිනා සාමඤ්‌ඤතො වුත්‌තත්‌තා ද්‌වාරවාතපානාදයො අපරිකම්‌මකතාපි න අපස්‌සයිතබ්‌බා. අජානිත්‌වා අපස්‌සයන්‌තස්‌සපි ඉධ ලොමගණනාය ආපත්‌ති.
‘‘Dvārampī’’tiādinā sāmaññato vuttattā dvāravātapānādayo aparikammakatāpi na apassayitabbā. Ajānitvā apassayantassapi idha lomagaṇanāya āpatti.
අඤ්‌ඤත්‍රපරිභොගපටික්‌ඛෙපාදිකථාවණ්‌ණනා නිට්‌ඨිතා.
Aññatraparibhogapaṭikkhepādikathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / අඤ්‌ඤත්‍රපරිභොගපටික්‌ඛෙපාදි • Aññatraparibhogapaṭikkhepādi
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / අඤ්‌ඤත්‍රපටිභොගපටික්‌ඛෙපාදිකථා • Aññatrapaṭibhogapaṭikkhepādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අඤ්‌ඤත්‍රපරිභොගපටික්‌ඛෙපාදිකථාවණ්‌ණනා • Aññatraparibhogapaṭikkhepādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / නවකම්‌මදානකථාවණ්‌ණනා • Navakammadānakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අඤ්‌ඤත්‍රපරිභොගපටික්‌ඛෙපාදිකථා • Aññatraparibhogapaṭikkhepādikathā
