| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ан̃н̃ад̇рабадибхог̇абадигкзбаад̣̇игат̇аа
Aññatrapaṭibhogapaṭikkhepādikathā
324. наад̇ихаранд̇ийд̇и ан̃н̃ад̇ра харид̇ваа на барибхун̃ж̇анд̇и. г̇уд̇д̇ад̇т̇ааяаад̇и яам̣ д̇ад̇т̇а ман̃жабийтаад̣̇и, д̇асса г̇уд̇д̇ад̇т̇ааяа, д̇ам̣ ан̃н̃ад̇ра харид̇ум̣ ануж̇аанаамийд̇и ад̇т̇о. д̇асмаа д̇ам̣ ан̃н̃ад̇ра харид̇ваа сан̇гхигабарибхог̇зна барибхун̃ж̇анд̇асса надтам̣ сунадтам̣, ж̇ин̣н̣ам̣ суж̇ин̣н̣ам̣. сажз арог̇ам̣ д̇асмим̣ вихаарз бадисан̇кад̇з буна баагад̇игам̣ гаад̇аб̣б̣ам̣. буг̇г̇алигабарибхог̇зна барибхун̃ж̇ад̇о надтам̣ ваа ж̇ин̣н̣ам̣ ваа г̇ийваа ход̇и, д̇асмим̣ бадисан̇кад̇з д̣̇аад̇аб̣б̣амзва. сажз д̇ад̇о г̇обаанасиаад̣̇ийни г̇ахзд̇ваа ан̃н̃асмим̣ сан̇гхигааваасз яож̇знд̇и, суяож̇ид̇аани. буг̇г̇алигааваасз яож̇знд̇зхи бана муулам̣ ваа д̣̇аад̇аб̣б̣ам̣, бадибаагад̇игам̣ ваа гаад̇аб̣б̣ам̣ чад̣д̣ид̇авихаарад̇о ман̃жабийтаад̣̇ийни т̇зяяажид̇д̇зна г̇ан̣ханд̇о уд̣̇д̇хаарзязва бхан̣д̣аг̇гхзна гаарзд̇аб̣б̣о. буна ааваасигагаалз д̣̇ассаамийд̇и г̇ахзд̇ваа сан̇гхигабарибхог̇зна барибхун̃ж̇анд̇асса надтам̣ сунадтам̣, ж̇ин̣н̣ам̣ суж̇ин̣н̣ам̣. арог̇ан̃жз баагад̇игам̣ гаад̇аб̣б̣ам̣ . буг̇г̇алигабарибхог̇зна барибхун̃ж̇анд̇асса надтам̣ г̇ийваа ход̇и. д̇ад̇о д̣̇ваараваад̇абаанаад̣̇ийни сан̇гхигааваасз ваа буг̇г̇алигааваасз ваа яож̇ид̇аани бадид̣̇аад̇аб̣б̣ааниязва.
324.Nātiharantīti aññatra haritvā na paribhuñjanti. Guttatthāyāti yaṃ tattha mañcapīṭhādi, tassa guttatthāya, taṃ aññatra harituṃ anujānāmīti attho. Tasmā taṃ aññatra haritvā saṅghikaparibhogena paribhuñjantassa naṭṭhaṃ sunaṭṭhaṃ, jiṇṇaṃ sujiṇṇaṃ. Sace arogaṃ tasmiṃ vihāre paṭisaṅkhate puna pākatikaṃ kātabbaṃ. Puggalikaparibhogena paribhuñjato naṭṭhaṃ vā jiṇṇaṃ vā gīvā hoti, tasmiṃ paṭisaṅkhate dātabbameva. Sace tato gopānasiādīni gahetvā aññasmiṃ saṅghikāvāse yojenti, suyojitāni. Puggalikāvāse yojentehi pana mūlaṃ vā dātabbaṃ, paṭipākatikaṃ vā kātabbaṃ chaḍḍitavihārato mañcapīṭhādīni theyyacittena gaṇhanto uddhāreyeva bhaṇḍagghena kāretabbo. Puna āvāsikakāle dassāmīti gahetvā saṅghikaparibhogena paribhuñjantassa naṭṭhaṃ sunaṭṭhaṃ, jiṇṇaṃ sujiṇṇaṃ. Arogañce pākatikaṃ kātabbaṃ . Puggalikaparibhogena paribhuñjantassa naṭṭhaṃ gīvā hoti. Tato dvāravātapānādīni saṅghikāvāse vā puggalikāvāse vā yojitāni paṭidātabbāniyeva.
паад̇игаммад̇т̇ааяаад̇и вад̣дхигаммад̇т̇ааяа. паад̇игамман̃жзд̇т̇а самагам̣ ваа ад̇ирзгам̣ ваа аг̇гханагам̣ ман̃жабийтаад̣̇исзнаасанамзва ваддад̇и.
Phātikammatthāyāti vaḍḍhikammatthāya. Phātikammañcettha samakaṃ vā atirekaṃ vā agghanakaṃ mañcapīṭhādisenāsanameva vaṭṭati.
жаггалиганд̇и гамб̣алаад̣̇ийхи взтзд̇ваа гад̇ажаггалигам̣. аллзхи баад̣̇зхийд̇и язхи агганд̇адтаанз уд̣̇агам̣ бан̃н̃ааяад̇и, зваруубзхи баад̣̇зхи барибхан̣д̣агад̇абхууми ваа сзнаасанам̣ ваа на аггамид̇аб̣б̣ам̣ . сажз бана уд̣̇агасинзхамад̇д̇амзва бан̃н̃ааяад̇и, на уд̣̇агам̣, ваддад̇и. баад̣̇абун̃чаним̣ бана аллабаад̣̇зхиби аггамид̇ум̣ ваддад̇иязва. саубааханзна д̇ход̇абаад̣̇зхи аггамид̇аб̣б̣адтаанзязва на ваддад̇и.
Cakkalikanti kambalādīhi veṭhetvā katacakkalikaṃ. Allehi pādehīti yehi akkantaṭṭhāne udakaṃ paññāyati, evarūpehi pādehi paribhaṇḍakatabhūmi vā senāsanaṃ vā na akkamitabbaṃ . Sace pana udakasinehamattameva paññāyati, na udakaṃ, vaṭṭati. Pādapuñchaniṃ pana allapādehipi akkamituṃ vaṭṭatiyeva. Saupāhanena dhotapādehi akkamitabbaṭṭhāneyeva na vaṭṭati.
жол̣агзна баливзтзд̇унд̇и суд̇хаабхуумияам̣ ваа барибхан̣д̣абхуумияам̣ ваа сажз д̇аддигаа ваа гадасаараго ваа над̇т̇и, жол̣агзна баад̣̇аа взтзд̇аб̣б̣аа, д̇асмим̣ асад̇и бан̣н̣амби ад̇т̇арид̇ум̣ ваддад̇и. гин̃жи анад̇т̇арид̇ваа табзнд̇асса бана д̣̇уггадам̣. яад̣̇и бана д̇ад̇т̇а нзваасигаа анад̇т̇ад̇ааяаби бхуумияаа табзнд̇и, ад̇ход̇абаад̣̇зхиби вал̣ан̃ж̇знд̇и, д̇ат̇зва вал̣ан̃ж̇зд̇ум̣ ваддад̇и.
Coḷakena paliveṭhetunti sudhābhūmiyaṃ vā paribhaṇḍabhūmiyaṃ vā sace taṭṭikā vā kaṭasārako vā natthi, coḷakena pādā veṭhetabbā, tasmiṃ asati paṇṇampi attharituṃ vaṭṭati. Kiñci anattharitvā ṭhapentassa pana dukkaṭaṃ. Yadi pana tattha nevāsikā anatthatāyapi bhūmiyā ṭhapenti, adhotapādehipi vaḷañjenti, tatheva vaḷañjetuṃ vaṭṭati.
на бхигкавз баригаммагад̇аа бхид̇д̇ийд̇и сзд̇абхид̇д̇и ваа жид̇д̇агаммагад̇аа ваа. на гзвалан̃жа бхид̇д̇имзва, д̣̇ваарамби ваад̇абаанамби абассзнапалагамби баасаан̣ад̇т̇амбхамби ругкад̇т̇амбхамби жийварзна ваа гзнажи ваа аббадижчаад̣̇зд̇ваа абассаяид̇ум̣ на лаб̣бхад̇иязва.
Na bhikkhave parikammakatā bhittīti setabhitti vā cittakammakatā vā. Na kevalañca bhittimeva, dvārampi vātapānampi apassenaphalakampi pāsāṇatthambhampi rukkhatthambhampi cīvarena vā kenaci vā appaṭicchādetvā apassayituṃ na labbhatiyeva.
д̇ход̇абаад̣̇агаад̇и д̇ход̇абаад̣̇агаа худ̇ваа д̇ход̇зхи баад̣̇зхи аггамид̇аб̣б̣адтаанз нибаж̇ж̇ид̇ум̣ гуггужжааяанд̇и. ‘‘д̇ход̇абаад̣̇агз’’д̇иби баато. д̇ход̇зхи баад̣̇зхи аггамид̇аб̣б̣адтаанассзд̇ам̣ ад̇хиважанам̣ . бажжад̇т̇арид̇ваад̇и барибхан̣д̣агад̇ам̣ бхуумим̣ ваа бхуумад̇т̇аран̣асзнаасанам̣ ваа сан̇гхигаман̃жабийтам̣ ваа ад̇д̇ано санд̇агзна бажжад̇т̇аран̣зна бажжад̇т̇арид̇ваава нибаж̇ж̇ид̇аб̣б̣ам̣. сажз нид̣̇д̣̇ааяад̇оби бажжад̇т̇аран̣з сан̇гудид̇з гожи сарийрааваяаво ман̃жам̣ ваа бийтам̣ ваа пусад̇и, аабад̇д̇иязва. ломзсу бана ломаг̇ан̣анааяа аабад̇д̇иязва. барибхог̇асийсзна абассаяанд̇ассааби зсзва наяо. хад̇т̇ад̇алабаад̣̇ад̇алзхи бана пусид̇ум̣ ваа аггамид̇ум̣ ваа ваддад̇и. ман̃жабийтам̣ нийхаранд̇асса гааяз бадихан̃н̃ад̇и, анаабад̇д̇и.
Dhotapādakāti dhotapādakā hutvā dhotehi pādehi akkamitabbaṭṭhāne nipajjituṃ kukkuccāyanti. ‘‘Dhotapādake’’tipi pāṭho. Dhotehi pādehi akkamitabbaṭṭhānassetaṃ adhivacanaṃ . Paccattharitvāti paribhaṇḍakataṃ bhūmiṃ vā bhūmattharaṇasenāsanaṃ vā saṅghikamañcapīṭhaṃ vā attano santakena paccattharaṇena paccattharitvāva nipajjitabbaṃ. Sace niddāyatopi paccattharaṇe saṅkuṭite koci sarīrāvayavo mañcaṃ vā pīṭhaṃ vā phusati, āpattiyeva. Lomesu pana lomagaṇanāya āpattiyeva. Paribhogasīsena apassayantassāpi eseva nayo. Hatthatalapādatalehi pana phusituṃ vā akkamituṃ vā vaṭṭati. Mañcapīṭhaṃ nīharantassa kāye paṭihaññati, anāpatti.
ан̃н̃ад̇рабарибхог̇абадигкзбаад̣̇игат̇аа нидтид̇аа.
Aññatraparibhogapaṭikkhepādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ан̃н̃ад̇рабарибхог̇абадигкзбаад̣̇и • Aññatraparibhogapaṭikkhepādi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ан̃н̃ад̇рабарибхог̇абадигкзбаад̣̇игат̇ааван̣н̣анаа • Aññatraparibhogapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / навагаммад̣̇аанагат̇ааван̣н̣анаа • Navakammadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ан̃н̃ад̇рабарибхог̇абадигкзбаад̣̇игат̇ааван̣н̣анаа • Aññatraparibhogapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ан̃н̃ад̇рабарибхог̇абадигкзбаад̣̇игат̇аа • Aññatraparibhogapaṭikkhepādikathā
