| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਅਞ੍ਞਤ੍ਰਪਟਿਭੋਗਪਟਿਕ੍ਖੇਪਾਦਿਕਥਾ
Aññatrapaṭibhogapaṭikkhepādikathā
੩੨੪. ਨਾਤਿਹਰਨ੍ਤੀਤਿ ਅਞ੍ਞਤ੍ਰ ਹਰਿਤ੍વਾ ਨ ਪਰਿਭੁਞ੍ਜਨ੍ਤਿ। ਗੁਤ੍ਤਤ੍ਥਾਯਾਤਿ ਯਂ ਤਤ੍ਥ ਮਞ੍ਚਪੀਠਾਦਿ, ਤਸ੍ਸ ਗੁਤ੍ਤਤ੍ਥਾਯ, ਤਂ ਅਞ੍ਞਤ੍ਰ ਹਰਿਤੁਂ ਅਨੁਜਾਨਾਮੀਤਿ ਅਤ੍ਥੋ। ਤਸ੍ਮਾ ਤਂ ਅਞ੍ਞਤ੍ਰ ਹਰਿਤ੍વਾ ਸਙ੍ਘਿਕਪਰਿਭੋਗੇਨ ਪਰਿਭੁਞ੍ਜਨ੍ਤਸ੍ਸ ਨਟ੍ਠਂ ਸੁਨਟ੍ਠਂ, ਜਿਣ੍ਣਂ ਸੁਜਿਣ੍ਣਂ। ਸਚੇ ਅਰੋਗਂ ਤਸ੍ਮਿਂ વਿਹਾਰੇ ਪਟਿਸਙ੍ਖਤੇ ਪੁਨ ਪਾਕਤਿਕਂ ਕਾਤਬ੍ਬਂ। ਪੁਗ੍ਗਲਿਕਪਰਿਭੋਗੇਨ ਪਰਿਭੁਞ੍ਜਤੋ ਨਟ੍ਠਂ વਾ ਜਿਣ੍ਣਂ વਾ ਗੀવਾ ਹੋਤਿ, ਤਸ੍ਮਿਂ ਪਟਿਸਙ੍ਖਤੇ ਦਾਤਬ੍ਬਮੇવ। ਸਚੇ ਤਤੋ ਗੋਪਾਨਸਿਆਦੀਨਿ ਗਹੇਤ੍વਾ ਅਞ੍ਞਸ੍ਮਿਂ ਸਙ੍ਘਿਕਾવਾਸੇ ਯੋਜੇਨ੍ਤਿ, ਸੁਯੋਜਿਤਾਨਿ। ਪੁਗ੍ਗਲਿਕਾવਾਸੇ ਯੋਜੇਨ੍ਤੇਹਿ ਪਨ ਮੂਲਂ વਾ ਦਾਤਬ੍ਬਂ, ਪਟਿਪਾਕਤਿਕਂ વਾ ਕਾਤਬ੍ਬਂ ਛਡ੍ਡਿਤવਿਹਾਰਤੋ ਮਞ੍ਚਪੀਠਾਦੀਨਿ ਥੇਯ੍ਯਚਿਤ੍ਤੇਨ ਗਣ੍ਹਨ੍ਤੋ ਉਦ੍ਧਾਰੇਯੇવ ਭਣ੍ਡਗ੍ਘੇਨ ਕਾਰੇਤਬ੍ਬੋ। ਪੁਨ ਆવਾਸਿਕਕਾਲੇ ਦਸ੍ਸਾਮੀਤਿ ਗਹੇਤ੍વਾ ਸਙ੍ਘਿਕਪਰਿਭੋਗੇਨ ਪਰਿਭੁਞ੍ਜਨ੍ਤਸ੍ਸ ਨਟ੍ਠਂ ਸੁਨਟ੍ਠਂ, ਜਿਣ੍ਣਂ ਸੁਜਿਣ੍ਣਂ। ਅਰੋਗਞ੍ਚੇ ਪਾਕਤਿਕਂ ਕਾਤਬ੍ਬਂ । ਪੁਗ੍ਗਲਿਕਪਰਿਭੋਗੇਨ ਪਰਿਭੁਞ੍ਜਨ੍ਤਸ੍ਸ ਨਟ੍ਠਂ ਗੀવਾ ਹੋਤਿ। ਤਤੋ ਦ੍વਾਰવਾਤਪਾਨਾਦੀਨਿ ਸਙ੍ਘਿਕਾવਾਸੇ વਾ ਪੁਗ੍ਗਲਿਕਾવਾਸੇ વਾ ਯੋਜਿਤਾਨਿ ਪਟਿਦਾਤਬ੍ਬਾਨਿਯੇવ।
324.Nātiharantīti aññatra haritvā na paribhuñjanti. Guttatthāyāti yaṃ tattha mañcapīṭhādi, tassa guttatthāya, taṃ aññatra harituṃ anujānāmīti attho. Tasmā taṃ aññatra haritvā saṅghikaparibhogena paribhuñjantassa naṭṭhaṃ sunaṭṭhaṃ, jiṇṇaṃ sujiṇṇaṃ. Sace arogaṃ tasmiṃ vihāre paṭisaṅkhate puna pākatikaṃ kātabbaṃ. Puggalikaparibhogena paribhuñjato naṭṭhaṃ vā jiṇṇaṃ vā gīvā hoti, tasmiṃ paṭisaṅkhate dātabbameva. Sace tato gopānasiādīni gahetvā aññasmiṃ saṅghikāvāse yojenti, suyojitāni. Puggalikāvāse yojentehi pana mūlaṃ vā dātabbaṃ, paṭipākatikaṃ vā kātabbaṃ chaḍḍitavihārato mañcapīṭhādīni theyyacittena gaṇhanto uddhāreyeva bhaṇḍagghena kāretabbo. Puna āvāsikakāle dassāmīti gahetvā saṅghikaparibhogena paribhuñjantassa naṭṭhaṃ sunaṭṭhaṃ, jiṇṇaṃ sujiṇṇaṃ. Arogañce pākatikaṃ kātabbaṃ . Puggalikaparibhogena paribhuñjantassa naṭṭhaṃ gīvā hoti. Tato dvāravātapānādīni saṅghikāvāse vā puggalikāvāse vā yojitāni paṭidātabbāniyeva.
ਫਾਤਿਕਮ੍ਮਤ੍ਥਾਯਾਤਿ વਡ੍ਢਿਕਮ੍ਮਤ੍ਥਾਯ। ਫਾਤਿਕਮ੍ਮਞ੍ਚੇਤ੍ਥ ਸਮਕਂ વਾ ਅਤਿਰੇਕਂ વਾ ਅਗ੍ਘਨਕਂ ਮਞ੍ਚਪੀਠਾਦਿਸੇਨਾਸਨਮੇવ વਟ੍ਟਤਿ।
Phātikammatthāyāti vaḍḍhikammatthāya. Phātikammañcettha samakaṃ vā atirekaṃ vā agghanakaṃ mañcapīṭhādisenāsanameva vaṭṭati.
ਚਕ੍ਕਲਿਕਨ੍ਤਿ ਕਮ੍ਬਲਾਦੀਹਿ વੇਠੇਤ੍વਾ ਕਤਚਕ੍ਕਲਿਕਂ। ਅਲ੍ਲੇਹਿ ਪਾਦੇਹੀਤਿ ਯੇਹਿ ਅਕ੍ਕਨ੍ਤਟ੍ਠਾਨੇ ਉਦਕਂ ਪਞ੍ਞਾਯਤਿ, ਏવਰੂਪੇਹਿ ਪਾਦੇਹਿ ਪਰਿਭਣ੍ਡਕਤਭੂਮਿ વਾ ਸੇਨਾਸਨਂ વਾ ਨ ਅਕ੍ਕਮਿਤਬ੍ਬਂ । ਸਚੇ ਪਨ ਉਦਕਸਿਨੇਹਮਤ੍ਤਮੇવ ਪਞ੍ਞਾਯਤਿ, ਨ ਉਦਕਂ, વਟ੍ਟਤਿ। ਪਾਦਪੁਞ੍ਛਨਿਂ ਪਨ ਅਲ੍ਲਪਾਦੇਹਿਪਿ ਅਕ੍ਕਮਿਤੁਂ વਟ੍ਟਤਿਯੇવ। ਸਉਪਾਹਨੇਨ ਧੋਤਪਾਦੇਹਿ ਅਕ੍ਕਮਿਤਬ੍ਬਟ੍ਠਾਨੇਯੇવ ਨ વਟ੍ਟਤਿ।
Cakkalikanti kambalādīhi veṭhetvā katacakkalikaṃ. Allehi pādehīti yehi akkantaṭṭhāne udakaṃ paññāyati, evarūpehi pādehi paribhaṇḍakatabhūmi vā senāsanaṃ vā na akkamitabbaṃ . Sace pana udakasinehamattameva paññāyati, na udakaṃ, vaṭṭati. Pādapuñchaniṃ pana allapādehipi akkamituṃ vaṭṭatiyeva. Saupāhanena dhotapādehi akkamitabbaṭṭhāneyeva na vaṭṭati.
ਚੋਲ਼ਕੇਨ ਪਲਿવੇਠੇਤੁਨ੍ਤਿ ਸੁਧਾਭੂਮਿਯਂ વਾ ਪਰਿਭਣ੍ਡਭੂਮਿਯਂ વਾ ਸਚੇ ਤਟ੍ਟਿਕਾ વਾ ਕਟਸਾਰਕੋ વਾ ਨਤ੍ਥਿ, ਚੋਲ਼ਕੇਨ ਪਾਦਾ વੇਠੇਤਬ੍ਬਾ, ਤਸ੍ਮਿਂ ਅਸਤਿ ਪਣ੍ਣਮ੍ਪਿ ਅਤ੍ਥਰਿਤੁਂ વਟ੍ਟਤਿ। ਕਿਞ੍ਚਿ ਅਨਤ੍ਥਰਿਤ੍વਾ ਠਪੇਨ੍ਤਸ੍ਸ ਪਨ ਦੁਕ੍ਕਟਂ। ਯਦਿ ਪਨ ਤਤ੍ਥ ਨੇવਾਸਿਕਾ ਅਨਤ੍ਥਤਾਯਪਿ ਭੂਮਿਯਾ ਠਪੇਨ੍ਤਿ, ਅਧੋਤਪਾਦੇਹਿਪਿ વਲ਼ਞ੍ਜੇਨ੍ਤਿ, ਤਥੇવ વਲ਼ਞ੍ਜੇਤੁਂ વਟ੍ਟਤਿ।
Coḷakena paliveṭhetunti sudhābhūmiyaṃ vā paribhaṇḍabhūmiyaṃ vā sace taṭṭikā vā kaṭasārako vā natthi, coḷakena pādā veṭhetabbā, tasmiṃ asati paṇṇampi attharituṃ vaṭṭati. Kiñci anattharitvā ṭhapentassa pana dukkaṭaṃ. Yadi pana tattha nevāsikā anatthatāyapi bhūmiyā ṭhapenti, adhotapādehipi vaḷañjenti, tatheva vaḷañjetuṃ vaṭṭati.
ਨ ਭਿਕ੍ਖવੇ ਪਰਿਕਮ੍ਮਕਤਾ ਭਿਤ੍ਤੀਤਿ ਸੇਤਭਿਤ੍ਤਿ વਾ ਚਿਤ੍ਤਕਮ੍ਮਕਤਾ વਾ। ਨ ਕੇવਲਞ੍ਚ ਭਿਤ੍ਤਿਮੇવ, ਦ੍વਾਰਮ੍ਪਿ વਾਤਪਾਨਮ੍ਪਿ ਅਪਸ੍ਸੇਨਫਲਕਮ੍ਪਿ ਪਾਸਾਣਤ੍ਥਮ੍ਭਮ੍ਪਿ ਰੁਕ੍ਖਤ੍ਥਮ੍ਭਮ੍ਪਿ ਚੀવਰੇਨ વਾ ਕੇਨਚਿ વਾ ਅਪ੍ਪਟਿਚ੍ਛਾਦੇਤ੍વਾ ਅਪਸ੍ਸਯਿਤੁਂ ਨ ਲਬ੍ਭਤਿਯੇવ।
Na bhikkhave parikammakatā bhittīti setabhitti vā cittakammakatā vā. Na kevalañca bhittimeva, dvārampi vātapānampi apassenaphalakampi pāsāṇatthambhampi rukkhatthambhampi cīvarena vā kenaci vā appaṭicchādetvā apassayituṃ na labbhatiyeva.
ਧੋਤਪਾਦਕਾਤਿ ਧੋਤਪਾਦਕਾ ਹੁਤ੍વਾ ਧੋਤੇਹਿ ਪਾਦੇਹਿ ਅਕ੍ਕਮਿਤਬ੍ਬਟ੍ਠਾਨੇ ਨਿਪਜ੍ਜਿਤੁਂ ਕੁਕ੍ਕੁਚ੍ਚਾਯਨ੍ਤਿ। ‘‘ਧੋਤਪਾਦਕੇ’’ਤਿਪਿ ਪਾਠੋ। ਧੋਤੇਹਿ ਪਾਦੇਹਿ ਅਕ੍ਕਮਿਤਬ੍ਬਟ੍ਠਾਨਸ੍ਸੇਤਂ ਅਧਿવਚਨਂ । ਪਚ੍ਚਤ੍ਥਰਿਤ੍વਾਤਿ ਪਰਿਭਣ੍ਡਕਤਂ ਭੂਮਿਂ વਾ ਭੂਮਤ੍ਥਰਣਸੇਨਾਸਨਂ વਾ ਸਙ੍ਘਿਕਮਞ੍ਚਪੀਠਂ વਾ ਅਤ੍ਤਨੋ ਸਨ੍ਤਕੇਨ ਪਚ੍ਚਤ੍ਥਰਣੇਨ ਪਚ੍ਚਤ੍ਥਰਿਤ੍વਾવ ਨਿਪਜ੍ਜਿਤਬ੍ਬਂ। ਸਚੇ ਨਿਦ੍ਦਾਯਤੋਪਿ ਪਚ੍ਚਤ੍ਥਰਣੇ ਸਙ੍ਕੁਟਿਤੇ ਕੋਚਿ ਸਰੀਰਾવਯવੋ ਮਞ੍ਚਂ વਾ ਪੀਠਂ વਾ ਫੁਸਤਿ, ਆਪਤ੍ਤਿਯੇવ। ਲੋਮੇਸੁ ਪਨ ਲੋਮਗਣਨਾਯ ਆਪਤ੍ਤਿਯੇવ। ਪਰਿਭੋਗਸੀਸੇਨ ਅਪਸ੍ਸਯਨ੍ਤਸ੍ਸਾਪਿ ਏਸੇવ ਨਯੋ। ਹਤ੍ਥਤਲਪਾਦਤਲੇਹਿ ਪਨ ਫੁਸਿਤੁਂ વਾ ਅਕ੍ਕਮਿਤੁਂ વਾ વਟ੍ਟਤਿ। ਮਞ੍ਚਪੀਠਂ ਨੀਹਰਨ੍ਤਸ੍ਸ ਕਾਯੇ ਪਟਿਹਞ੍ਞਤਿ, ਅਨਾਪਤ੍ਤਿ।
Dhotapādakāti dhotapādakā hutvā dhotehi pādehi akkamitabbaṭṭhāne nipajjituṃ kukkuccāyanti. ‘‘Dhotapādake’’tipi pāṭho. Dhotehi pādehi akkamitabbaṭṭhānassetaṃ adhivacanaṃ . Paccattharitvāti paribhaṇḍakataṃ bhūmiṃ vā bhūmattharaṇasenāsanaṃ vā saṅghikamañcapīṭhaṃ vā attano santakena paccattharaṇena paccattharitvāva nipajjitabbaṃ. Sace niddāyatopi paccattharaṇe saṅkuṭite koci sarīrāvayavo mañcaṃ vā pīṭhaṃ vā phusati, āpattiyeva. Lomesu pana lomagaṇanāya āpattiyeva. Paribhogasīsena apassayantassāpi eseva nayo. Hatthatalapādatalehi pana phusituṃ vā akkamituṃ vā vaṭṭati. Mañcapīṭhaṃ nīharantassa kāye paṭihaññati, anāpatti.
ਅਞ੍ਞਤ੍ਰਪਰਿਭੋਗਪਟਿਕ੍ਖੇਪਾਦਿਕਥਾ ਨਿਟ੍ਠਿਤਾ।
Aññatraparibhogapaṭikkhepādikathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਅਞ੍ਞਤ੍ਰਪਰਿਭੋਗਪਟਿਕ੍ਖੇਪਾਦਿ • Aññatraparibhogapaṭikkhepādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਞ੍ਞਤ੍ਰਪਰਿਭੋਗਪਟਿਕ੍ਖੇਪਾਦਿਕਥਾવਣ੍ਣਨਾ • Aññatraparibhogapaṭikkhepādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨવਕਮ੍ਮਦਾਨਕਥਾવਣ੍ਣਨਾ • Navakammadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਞ੍ਞਤ੍ਰਪਰਿਭੋਗਪਟਿਕ੍ਖੇਪਾਦਿਕਥਾવਣ੍ਣਨਾ • Aññatraparibhogapaṭikkhepādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਞ੍ਞਤ੍ਰਪਰਿਭੋਗਪਟਿਕ੍ਖੇਪਾਦਿਕਥਾ • Aññatraparibhogapaṭikkhepādikathā
