| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. பட²மஆமகத⁴ஞ்ஞபெய்யாலவக்³கோ³
7. Paṭhamaāmakadhaññapeyyālavaggo
1. அஞ்ஞத்ரஸுத்தங்
1. Aññatrasuttaṃ
1131. அத² கோ² ப⁴க³வா பரித்தங் நக²ஸிகா²யங் பங்ஸுங் ஆரோபெத்வா பி⁴க்கூ² ஆமந்தேஸி – ‘‘தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யோ வாயங் மயா பரித்தோ நக²ஸிகா²யங் பங்ஸு ஆரோபிதோ, அயங் வா மஹாபத²வீ’’தி? ‘‘ஏததே³வ , ப⁴ந்தே, ப³ஹுதரங், யதி³த³ங் – மஹாபத²வீ; அப்பமத்தகாயங் ப⁴க³வதா பரித்தோ நக²ஸிகா²யங் பங்ஸு ஆரோபிதோ. ஸங்க²ம்பி ந உபேதி, உபனித⁴ம்பி ந உபேதி, கலபா⁴க³ம்பி ந உபேதி மஹாபத²விங் உபனிதா⁴ய ப⁴க³வதா பரித்தோ நக²ஸிகா²யங் பங்ஸு ஆரோபிதோ’’தி.
1131. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha, bhikkhave, katamaṃ nu kho bahutaraṃ – yo vāyaṃ mayā paritto nakhasikhāyaṃ paṃsu āropito, ayaṃ vā mahāpathavī’’ti? ‘‘Etadeva , bhante, bahutaraṃ, yadidaṃ – mahāpathavī; appamattakāyaṃ bhagavatā paritto nakhasikhāyaṃ paṃsu āropito. Saṅkhampi na upeti, upanidhampi na upeti, kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti.
‘‘ஏவமேவ கோ², பி⁴க்க²வே, அப்பமத்தகா தே ஸத்தா யே மனுஸ்ஸேஸு பச்சாஜாயந்தி; அத² கோ² ஏதேவ ப³ஹுதரா ஸத்தா யே அஞ்ஞத்ர மனுஸ்ஸேஹி 1 பச்சாஜாயந்தி. தங் கிஸ்ஸ ஹேது? அதி³ட்ட²த்தா, பி⁴க்க²வே, சதுன்னங் அரியஸச்சானங். கதமேஸங் சதுன்னங்? து³க்க²ஸ்ஸ அரியஸச்சஸ்ஸ…பே॰… து³க்க²னிரோத⁴கா³மினியா படிபதா³ய அரியஸச்சஸ்ஸ’’.
‘‘Evameva kho, bhikkhave, appamattakā te sattā ye manussesu paccājāyanti; atha kho eteva bahutarā sattā ye aññatra manussehi 2 paccājāyanti. Taṃ kissa hetu? Adiṭṭhattā, bhikkhave, catunnaṃ ariyasaccānaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa’’.
‘‘தஸ்மாதிஹ , பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. பட²மங்.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Paṭhamaṃ.
Footnotes:
