| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২. অঞ্ঞৰাদকসিক্খাপদং
2. Aññavādakasikkhāpadaṃ
৯৪. দুতিযে অনাচারন্তি অচরিতব্বং কাযৰচীদ্ৰারৰীতিক্কমং। সব্বনামস্স অনিযমত্থত্তা ইধ ৰচনন্তি আহ ‘‘অঞ্ঞেন ৰচনেন অঞ্ঞং ৰচন’’ন্তি। সোতি ভিক্খু, ৰদতীতি সম্বন্ধো। কোতি কো পুগ্গলো। কিন্তি কিং আপত্তিং। কিস্মিন্তি কিস্মিং ৰত্থুস্মিং। কিন্তি কিং কম্মং। কন্তি কং পুগ্গলং। কিন্তি কিং ৰচনং।
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
এত্থাতি ‘‘কো আপন্নো’’তিআদিপাল়িযং। ‘‘ভিক্খূহী’’তি পদং ‘‘ৰুত্তো’’তি পদে কত্তা। অসারুপ্পন্তি ভিক্খূনং অসারুপ্পং। এসোতি এসো অত্থো, ৰিভৰোতি অত্থো। এতন্তি ৰত্থু। ভণন্তো ৰা হুত্ৰা অঞ্ঞেনঞ্ঞং পটিচরতীতি সম্বন্ধো। এত্থাতি পটিচ্ছন্নাসনে। সোতন্তি সোতদ্ৰারং। চক্খুন্তি চক্খুদ্ৰারং।
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
৯৮. অঞ্ঞন্তি পুচ্ছিতত্থতো অঞ্ঞং অপুচ্ছিতমত্থং। ভাৰপ্পধানোযং কত্তুনিদ্দেসোতি আহ ‘‘অঞ্ঞেনঞ্ঞং পটিচরণস্সেতং নাম’’ন্তি। তুণ্হীভাৰস্সাতি অভাসনস্স। আত্যূপসগ্গো লুত্তনিদ্দিট্ঠোতি আহ ‘‘আরোপেতূ’’তি। এৰং ‘‘অরোপিতে’’তি এত্থপি। তেনাহ ‘‘অনারোপিতে’’তি।
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
১০১. তন্তি অঞ্ঞৰাদকৰিহেসকরোপনকম্মং। অস্সাতি ভৰেয্য, হোতি ৰা।
101.Tanti aññavādakavihesakaropanakammaṃ. Assāti bhaveyya, hoti vā.
১০২. কিন্তি কিং ৰচনং। যেনাতি যেন ব্যাধিনা কথেতুং ন সক্কোতি, তাদিসো ব্যাধি মুখে হোতীতি যোজনা। তপ্পচ্চযাতি ততো কথিতকারণাতি। দুতিযং।
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. ভূতগামৰগ্গো • 2. Bhūtagāmavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. অঞ্ঞৰাদকসিক্খাপদৰণ্ণনা • 2. Aññavādakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. অঞ্ঞৰাদকসিক্খাপদৰণ্ণনা • 2. Aññavādakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. অঞ্ঞৰাদকসিক্খাপদৰণ্ণনা • 2. Aññavādakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. অঞ্ঞৰাদকসিক্খাপদৰণ্ণনা • 2. Aññavādakasikkhāpadavaṇṇanā
