| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒. อญฺญวาทกสิกฺขาปทํ
2. Aññavādakasikkhāpadaṃ
๙๔. ทุติเย อนาจารนฺติ อจริตพฺพํ กายวจีทฺวารวีติกฺกมํฯ สพฺพนามสฺส อนิยมตฺถตฺตา อิธ วจนนฺติ อาห ‘‘อเญฺญน วจเนน อญฺญํ วจน’’นฺติฯ โสติ ภิกฺขุ, วทตีติ สมฺพโนฺธฯ โกติ โก ปุคฺคโลฯ กินฺติ กิํ อาปตฺติํฯ กิสฺมินฺติ กิสฺมิํ วตฺถุสฺมิํฯ กินฺติ กิํ กมฺมํฯ กนฺติ กํ ปุคฺคลํฯ กินฺติ กิํ วจนํฯ
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
เอตฺถาติ ‘‘โก อาปโนฺน’’ติอาทิปาฬิยํฯ ‘‘ภิกฺขูหี’’ติ ปทํ ‘‘วุโตฺต’’ติ ปเท กตฺตาฯ อสารุปฺปนฺติ ภิกฺขูนํ อสารุปฺปํฯ เอโสติ เอโส อโตฺถ, วิภโวติ อโตฺถฯ เอตนฺติ วตฺถุฯ ภณโนฺต วา หุตฺวา อเญฺญนญฺญํ ปฎิจรตีติ สมฺพโนฺธฯ เอตฺถาติ ปฎิจฺฉนฺนาสเนฯ โสตนฺติ โสตทฺวารํฯ จกฺขุนฺติ จกฺขุทฺวารํฯ
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
๙๘. อญฺญนฺติ ปุจฺฉิตตฺถโต อญฺญํ อปุจฺฉิตมตฺถํฯ ภาวปฺปธาโนยํ กตฺตุนิเทฺทโสติ อาห ‘‘อเญฺญนญฺญํ ปฎิจรณเสฺสตํ นาม’’นฺติฯ ตุณฺหีภาวสฺสาติ อภาสนสฺสฯ อาตฺยูปสโคฺค ลุตฺตนิทฺทิโฎฺฐติ อาห ‘‘อาโรเปตู’’ติฯ เอวํ ‘‘อโรปิเต’’ติ เอตฺถปิฯ เตนาห ‘‘อนาโรปิเต’’ติฯ
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
๑๐๑. ตนฺติ อญฺญวาทกวิเหสกโรปนกมฺมํฯ อสฺสาติ ภเวยฺย, โหติ วาฯ
101.Tanti aññavādakavihesakaropanakammaṃ. Assāti bhaveyya, hoti vā.
๑๐๒. กินฺติ กิํ วจนํฯ เยนาติ เยน พฺยาธินา กเถตุํ น สโกฺกติ, ตาทิโส พฺยาธิ มุเข โหตีติ โยชนาฯ ตปฺปจฺจยาติ ตโต กถิตการณาติฯ ทุติยํฯ
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๒. ภูตคามวโคฺค • 2. Bhūtagāmavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๒. อญฺญวาทกสิกฺขาปทวณฺณนา • 2. Aññavādakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. อญฺญวาทกสิกฺขาปทวณฺณนา • 2. Aññavādakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. อญฺญวาทกสิกฺขาปทวณฺณนา • 2. Aññavādakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. อญฺญวาทกสิกฺขาปทวณฺณนา • 2. Aññavādakasikkhāpadavaṇṇanā
