| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
2. අඤ්‌ඤවාදකසික්‌ඛාපදං
2. Aññavādakasikkhāpadaṃ
94. දුතියෙ අනාචාරන්‌ති අචරිතබ්‌බං කායවචීද්‌වාරවීතික්‌කමං. සබ්‌බනාමස්‌ස අනියමත්‌ථත්‌තා ඉධ වචනන්‌ති ආහ ‘‘අඤ්‌ඤෙන වචනෙන අඤ්‌ඤං වචන’’න්‌ති. සොති භික්‌ඛු, වදතීති සම්‌බන්‌ධො. කොති කො පුග්‌ගලො. කින්‌ති කිං ආපත්‌තිං. කිස්‌මින්‌ති කිස්‌මිං වත්‌ථුස්‌මිං. කින්‌ති කිං කම්‌මං. කන්‌ති කං පුග්‌ගලං. කින්‌ති කිං වචනං.
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
එත්‌ථාති ‘‘කො ආපන්‌නො’’තිආදිපාළියං. ‘‘භික්‌ඛූහී’’ති පදං ‘‘වුත්‌තො’’ති පදෙ කත්‌තා. අසාරුප්‌පන්‌ති භික්‌ඛූනං අසාරුප්‌පං. එසොති එසො අත්‌ථො, විභවොති අත්‌ථො. එතන්‌ති වත්‌ථු. භණන්‌තො වා හුත්‌වා අඤ්‌ඤෙනඤ්‌ඤං පටිචරතීති සම්‌බන්‌ධො. එත්‌ථාති පටිච්‌ඡන්‌නාසනෙ. සොතන්‌ති සොතද්‌වාරං. චක්‌ඛුන්‌ති චක්‌ඛුද්‌වාරං.
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
98. අඤ්‌ඤන්‌ති පුච්‌ඡිතත්‌ථතො අඤ්‌ඤං අපුච්‌ඡිතමත්‌ථං. භාවප්‌පධානොයං කත්‌තුනිද්‌දෙසොති ආහ ‘‘අඤ්‌ඤෙනඤ්‌ඤං පටිචරණස්‌සෙතං නාම’’න්‌ති. තුණ්‌හීභාවස්‌සාති අභාසනස්‌ස. ආත්‍යූපසග්‌ගො ලුත්‌තනිද්‌දිට්‌ඨොති ආහ ‘‘ආරොපෙතූ’’ති. එවං ‘‘අරොපිතෙ’’ති එත්‌ථපි. තෙනාහ ‘‘අනාරොපිතෙ’’ති.
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
101. තන්‌ති අඤ්‌ඤවාදකවිහෙසකරොපනකම්‌මං. අස්‌සාති භවෙය්‍ය, හොති වා.
101.Tanti aññavādakavihesakaropanakammaṃ. Assāti bhaveyya, hoti vā.
102. කින්‌ති කිං වචනං. යෙනාති යෙන බ්‍යාධිනා කථෙතුං න සක්‌කොති, තාදිසො බ්‍යාධි මුඛෙ හොතීති යොජනා. තප්‌පච්‌චයාති තතො කථිතකාරණාති. දුතියං.
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. භූතගාමවග්‌ගො • 2. Bhūtagāmavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. අඤ්‌ඤවාදකසික්‌ඛාපදවණ්‌ණනා • 2. Aññavādakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 2. අඤ්‌ඤවාදකසික්‌ඛාපදවණ්‌ණනා • 2. Aññavādakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. අඤ්‌ඤවාදකසික්‌ඛාපදවණ්‌ණනා • 2. Aññavādakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. අඤ්‌ඤවාදකසික්‌ඛාපදවණ්‌ණනා • 2. Aññavādakasikkhāpadavaṇṇanā
