| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༢. ཨཉྙཝཱདཀསིཀྑཱཔདཾ
2. Aññavādakasikkhāpadaṃ
༩༤. དུཏིཡེ ཨནཱཙཱརནྟི ཨཙརིཏབྦཾ ཀཱཡཝཙཱིདྭཱརཝཱིཏིཀྐམཾ། སབྦནཱམསྶ ཨནིཡམཏྠཏྟཱ ཨིདྷ ཝཙནནྟི ཨཱཧ ‘‘ཨཉྙེན ཝཙནེན ཨཉྙཾ ཝཙན’’ནྟི། སོཏི བྷིཀྑུ, ཝདཏཱིཏི སམྦནྡྷོ། ཀོཏི ཀོ པུགྒལོ། ཀིནྟི ཀིཾ ཨཱཔཏྟིཾ། ཀིསྨིནྟི ཀིསྨིཾ ཝཏྠུསྨིཾ། ཀིནྟི ཀིཾ ཀམྨཾ། ཀནྟི ཀཾ པུགྒལཾ། ཀིནྟི ཀིཾ ཝཙནཾ།
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
ཨེཏྠཱཏི ‘‘ཀོ ཨཱཔནྣོ’’ཏིཨཱདིཔཱལི༹ཡཾ། ‘‘བྷིཀྑཱུཧཱི’’ཏི པདཾ ‘‘ཝུཏྟོ’’ཏི པདེ ཀཏྟཱ། ཨསཱརུཔྤནྟི བྷིཀྑཱུནཾ ཨསཱརུཔྤཾ། ཨེསོཏི ཨེསོ ཨཏྠོ, ཝིབྷཝོཏི ཨཏྠོ། ཨེཏནྟི ཝཏྠུ། བྷཎནྟོ ཝཱ ཧུཏྭཱ ཨཉྙེནཉྙཾ པཊིཙརཏཱིཏི སམྦནྡྷོ། ཨེཏྠཱཏི པཊིཙྪནྣཱསནེ། སོཏནྟི སོཏདྭཱརཾ། ཙཀྑུནྟི ཙཀྑུདྭཱརཾ།
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
༩༨. ཨཉྙནྟི པུཙྪིཏཏྠཏོ ཨཉྙཾ ཨཔུཙྪིཏམཏྠཾ། བྷཱཝཔྤདྷཱནོཡཾ ཀཏྟུནིདྡེསོཏི ཨཱཧ ‘‘ཨཉྙེནཉྙཾ པཊིཙརཎསྶེཏཾ ནཱམ’’ནྟི། ཏུཎྷཱིབྷཱཝསྶཱཏི ཨབྷཱསནསྶ། ཨཱཏྱཱུཔསགྒོ ལུཏྟནིདྡིཊྛོཏི ཨཱཧ ‘‘ཨཱརོཔེཏཱུ’’ཏི། ཨེཝཾ ‘‘ཨརོཔིཏེ’’ཏི ཨེཏྠཔི། ཏེནཱཧ ‘‘ཨནཱརོཔིཏེ’’ཏི།
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
༡༠༡. ཏནྟི ཨཉྙཝཱདཀཝིཧེསཀརོཔནཀམྨཾ། ཨསྶཱཏི བྷཝེཡྻ, ཧོཏི ཝཱ།
101.Tanti aññavādakavihesakaropanakammaṃ. Assāti bhaveyya, hoti vā.
༡༠༢. ཀིནྟི ཀིཾ ཝཙནཾ། ཡེནཱཏི ཡེན བྱཱདྷིནཱ ཀཐེཏུཾ ན སཀྐོཏི, ཏཱདིསོ བྱཱདྷི མུཁེ ཧོཏཱིཏི ཡོཛནཱ། ཏཔྤཙྩཡཱཏི ཏཏོ ཀཐིཏཀཱརཎཱཏི། དུཏིཡཾ།
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. ཨཉྙཝཱདཀསིཀྑཱཔདཝཎྞནཱ • 2. Aññavādakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༢. ཨཉྙཝཱདཀསིཀྑཱཔདཝཎྞནཱ • 2. Aññavādakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༢. ཨཉྙཝཱདཀསིཀྑཱཔདཝཎྞནཱ • 2. Aññavādakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. ཨཉྙཝཱདཀསིཀྑཱཔདཝཎྞནཱ • 2. Aññavādakasikkhāpadavaṇṇanā
