| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. ан̃н̃аваад̣̇агасигкаабад̣̇аван̣н̣анаа
2. Aññavādakasikkhāpadavaṇṇanā
яамад̇т̇анд̇и ‘‘д̇вам̣ гира д̣̇уггадаабад̇д̇им̣ аабанно’’д̇иаад̣̇игам̣ яам̣ гин̃жи ад̇т̇ам̣. д̇ад̇о ан̃н̃анд̇и бужчид̇ад̇т̇ад̇о ан̃н̃амад̇т̇ам̣. ан̃н̃знан̃н̃ам̣ бадижаран̣ассаад̇и винаяад̇харзна яам̣ важанам̣ д̣̇осабужчанад̇т̇ам̣ вуд̇д̇ам̣, д̇ад̇о ан̃н̃зна важанзна бадижчаад̣̇анасса. бадижчаад̣̇анад̇т̇оби хи жарасад̣̇д̣̇о ход̇и анзгад̇т̇ад̇д̇аа д̇хаад̇уунам̣. вуд̇д̇анд̇и баал̣ияам̣ вуд̇д̇ам̣.
Yamatthanti ‘‘tvaṃ kira dukkaṭāpattiṃ āpanno’’tiādikaṃ yaṃ kiñci atthaṃ. Tato aññanti pucchitatthato aññamatthaṃ. Aññenaññaṃ paṭicaraṇassāti vinayadharena yaṃ vacanaṃ dosapucchanatthaṃ vuttaṃ, tato aññena vacanena paṭicchādanassa. Paṭicchādanatthopi hi carasaddo hoti anekatthattā dhātūnaṃ. Vuttanti pāḷiyaṃ vuttaṃ.
саавасзсам̣ аабад̇д̇им̣ аабаннод̇и зд̇т̇а табзд̇ваа баарааж̇игам̣ сзсаа саавасзсаабад̇д̇и наама, д̇ам̣ аабанно. ануяун̃ж̇ияамаанод̇и ‘‘гим̣, аавусо, ид̇т̇аннаамам̣ аабад̇д̇им̣ аабанносий’’д̇и бужчияамаано. ан̃н̃зна важанзнаад̇и ‘‘го аабанно? гим̣ аабанно? гисмим̣ аабанно? гат̇ам̣ аабанно? гам̣ бхан̣ат̇а? гим̣ бхан̣ат̇аа’’д̇и ан̃н̃зна важанзна. ан̃н̃анд̇и ‘‘гим̣ д̇вам̣ ид̇т̇аннаамам̣ аабад̇д̇им̣ аабанносий’’д̇иаад̣̇игам̣ ануяун̃ж̇агаважанам̣. д̇ат̇аа д̇ат̇аа вигкибад̇ийд̇и д̇зна д̇зна багаарзна вигкибад̇и. гим̣ вуд̇д̇ам̣ ход̇и? со (баажи. адта. 94) гин̃жи вийд̇иггамам̣ д̣̇исваа ‘‘аавусо, аабад̇д̇им̣ аабанносий’’д̇и сан̇гхамаж̇жхз аабад̇д̇ияаа ануяун̃ж̇ияамаано ‘‘го аабанно’’д̇и вад̣̇ад̇и. д̇ад̇о ‘‘д̇ва’’нд̇и вуд̇д̇з ‘‘ахам̣ гим̣ аабанно’’д̇и вад̣̇ад̇и. ат̇а ‘‘баажид̇д̇ияам̣ ваа д̣̇уггадам̣ ваа’’д̇и вуд̇д̇з ‘‘ахам̣ гисмим̣ аабанно’’д̇и вад̣̇ад̇и. д̇ад̇о ‘‘амугасмим̣ наама вад̇т̇усми’’нд̇и вуд̇д̇з ‘‘ахам̣ гат̇ам̣ аабанно, гим̣ гаронд̇о аабанномхий’’д̇и бужчад̇и. ат̇а ‘‘ид̣̇ам̣ наама гаронд̇о аабанно’’д̇и вуд̇д̇з ‘‘гам̣ бхан̣ат̇аа’’д̇и вад̣̇ад̇и. д̇ад̇о ‘‘д̇ам̣ бхан̣аамаа’’д̇и вуд̇д̇з ‘‘гим̣ бхан̣ат̇аа’’д̇и зваманзгзхи багаарзхи вигкибад̇ийд̇и вуд̇д̇ам̣ ход̇и.
Sāvasesaṃ āpattiṃ āpannoti ettha ṭhapetvā pārājikaṃ sesā sāvasesāpatti nāma, taṃ āpanno. Anuyuñjiyamānoti ‘‘kiṃ, āvuso, itthannāmaṃ āpattiṃ āpannosī’’ti pucchiyamāno. Aññena vacanenāti ‘‘ko āpanno? Kiṃ āpanno? Kismiṃ āpanno? Kathaṃ āpanno? Kaṃ bhaṇatha? Kiṃ bhaṇathā’’ti aññena vacanena. Aññanti ‘‘kiṃ tvaṃ itthannāmaṃ āpattiṃ āpannosī’’tiādikaṃ anuyuñjakavacanaṃ. Tathā tathā vikkhipatīti tena tena pakārena vikkhipati. Kiṃ vuttaṃ hoti? So (pāci. aṭṭha. 94) kiñci vītikkamaṃ disvā ‘‘āvuso, āpattiṃ āpannosī’’ti saṅghamajjhe āpattiyā anuyuñjiyamāno ‘‘ko āpanno’’ti vadati. Tato ‘‘tva’’nti vutte ‘‘ahaṃ kiṃ āpanno’’ti vadati. Atha ‘‘pācittiyaṃ vā dukkaṭaṃ vā’’ti vutte ‘‘ahaṃ kismiṃ āpanno’’ti vadati. Tato ‘‘amukasmiṃ nāma vatthusmi’’nti vutte ‘‘ahaṃ kathaṃ āpanno, kiṃ karonto āpannomhī’’ti pucchati. Atha ‘‘idaṃ nāma karonto āpanno’’ti vutte ‘‘kaṃ bhaṇathā’’ti vadati. Tato ‘‘taṃ bhaṇāmā’’ti vutte ‘‘kiṃ bhaṇathā’’ti evamanekehi pakārehi vikkhipatīti vuttaṃ hoti.
яо бана бхигку саавасзсам̣ аабад̇д̇им̣ аабанно, д̇ам̣ на гат̇зд̇угаамо д̇ун̣хийбхаавзна вихзсзд̇ийд̇и самб̣анд̇хо. вихзсзд̇ийд̇и жиранисаж̇ж̇аажирабхаасанзхи бидтиааг̇илааяанад̇аалусосаад̣̇ивасзна сан̇гхам̣ вихзсзд̇и, бариссамам̣ д̇зсам̣ гарод̇ийд̇и ад̇т̇о. бариссамо хи вихзсаа наама. ан̃н̃аваад̣̇агагамманд̇и ан̃н̃аваад̣̇агасса бхигкуно ан̃н̃аваад̣̇агааробанад̇т̇ам̣ гаад̇аб̣б̣ам̣ н̃ад̇д̇ид̣̇уд̇ияагаммам̣. вихзсагагамманд̇и зд̇т̇ааби зсзва наяо. д̇асмим̣ сан̇гхзна гад̇зд̇и д̇асмим̣ ан̃н̃аваад̣̇агагаммз жа вихзсагагаммз жа сан̇гхзна н̃ад̇д̇ид̣̇уд̇ияагаммаваажааяа гад̇з. д̇ат̇аа гаронд̇аананд̇и д̇ам̣ багаарам̣ гаронд̇аанам̣, ан̃н̃аваад̣̇аган̃жа вихзсаган̃жа гаронд̇аананд̇и ад̇т̇о.
Yo pana bhikkhu sāvasesaṃ āpattiṃ āpanno, taṃ na kathetukāmo tuṇhībhāvena vihesetīti sambandho. Vihesetīti ciranisajjācirabhāsanehi piṭṭhiāgilāyanatālusosādivasena saṅghaṃ viheseti, parissamaṃ tesaṃ karotīti attho. Parissamo hi vihesā nāma. Aññavādakakammanti aññavādakassa bhikkhuno aññavādakāropanatthaṃ kātabbaṃ ñattidutiyakammaṃ. Vihesakakammanti etthāpi eseva nayo. Tasmiṃ saṅghena kateti tasmiṃ aññavādakakamme ca vihesakakamme ca saṅghena ñattidutiyakammavācāya kate. Tathā karontānanti taṃ pakāraṃ karontānaṃ, aññavādakañca vihesakañca karontānanti attho.
‘‘вихзсагзд̇и аяамзд̇т̇а анубан̃н̃ад̇д̇ий’’д̇и аважанан̃жзд̇т̇а ‘‘аабад̇д̇игараа жа ход̇и ан̃н̃аваад̣̇агасигкаабад̣̇аад̣̇ийсу вияаа’’д̇и (ган̇каа. адта. батамабаарааж̇игаван̣н̣анаа) вуд̇д̇ад̇д̇ааязва бан̃н̃ааяад̇ийд̇и гад̇ваа. зса наяо убари сигкаабад̣̇зсу. д̇хаммагаммз д̇игабаажид̇д̇ияанд̇и д̇хаммагаммз д̇хаммагаммасан̃н̃ивзмад̇игаад̇хаммагаммасан̃н̃ийнам̣ васзна д̇ийн̣и баажид̇д̇ияаани. ад̇хаммагаммз д̇игад̣̇уггаданд̇и зд̇т̇ааби зсзва наяо. анааробид̇зд̇и гаммаваажааяа анааробид̇з, аббад̇идтаабид̇зд̇и ад̇т̇о. г̇злан̃н̃знаад̇и язна гат̇зд̇ум̣ на саггод̇и, мукз д̇аад̣̇исзна б̣яаад̇хинаа. сан̇гхасса бхан̣д̣анаад̣̇ийни бхависсанд̇ийд̇и сан̇гхамаж̇жхз гат̇ид̇з д̇аббажжаяаа сан̇гхасса бхан̣д̣анам̣ ваа галахо ваа виг̇г̇ахо ваа виваад̣̇о ваа сан̇гхабхзд̣̇о ваа сан̇гхарааж̇и ваа бхависсанд̇ийд̇и иминаа ваа ад̇хиббааязна на гат̇знд̇асса. зд̇т̇а жа ад̇хаммзнаад̇и абхууд̇зна вад̇т̇унаа.
‘‘Vihesaketi ayamettha anupaññattī’’ti avacanañcettha ‘‘āpattikarā ca hoti aññavādakasikkhāpadādīsu viyā’’ti (kaṅkhā. aṭṭha. paṭhamapārājikavaṇṇanā) vuttattāyeva paññāyatīti katvā. Esa nayo upari sikkhāpadesu. Dhammakamme tikapācittiyanti dhammakamme dhammakammasaññivematikaadhammakammasaññīnaṃ vasena tīṇi pācittiyāni. Adhammakamme tikadukkaṭanti etthāpi eseva nayo. Anāropiteti kammavācāya anāropite, appatiṭṭhāpiteti attho. Gelaññenāti yena kathetuṃ na sakkoti, mukhe tādisena byādhinā. Saṅghassa bhaṇḍanādīni bhavissantīti saṅghamajjhe kathite tappaccayā saṅghassa bhaṇḍanaṃ vā kalaho vā viggaho vā vivādo vā saṅghabhedo vā saṅgharāji vā bhavissantīti iminā vā adhippāyena na kathentassa. Ettha ca adhammenāti abhūtena vatthunā.
‘‘самудтаанаад̣̇ийни ад̣̇иннаад̣̇аанасад̣̇исааний’’д̇и ависзсам̣ ад̇ид̣̇исид̇ваа висзсам̣ д̣̇ассзд̇ум̣ ‘‘ид̣̇ам̣ банаа’’д̇иаад̣̇и вуд̇д̇ам̣. сияаа гирияам̣ ан̃н̃знан̃н̃ам̣ бадижаранд̇асса. сияаа агирияам̣ д̇ун̣хийбхаавзна вихзсзнд̇асса.
‘‘Samuṭṭhānādīni adinnādānasadisānī’’ti avisesaṃ atidisitvā visesaṃ dassetuṃ ‘‘idaṃ panā’’tiādi vuttaṃ. Siyā kiriyaṃ aññenaññaṃ paṭicarantassa. Siyā akiriyaṃ tuṇhībhāvena vihesentassa.
ан̃н̃аваад̣̇агасигкаабад̣̇аван̣н̣анаа нидтид̇аа.
Aññavādakasikkhāpadavaṇṇanā niṭṭhitā.
