| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. ан̃н̃аваад̣̇агасигкаабад̣̇аван̣н̣анаа
2. Aññavādakasikkhāpadavaṇṇanā
94-98. д̣̇уд̇ияз ан̃н̃ам̣ важананд̇и яам̣ жод̣̇агзна жуд̣̇ид̇агасса д̣̇осавибхааванаважанам̣ вуд̇д̇ам̣, д̇ам̣ д̇ад̇о ан̃н̃знзва важанзна бадижарад̇и. ат̇а ваа ан̃н̃знан̃н̃ам̣ бадижарад̇ийд̇и ан̃н̃зна гааран̣зна ан̃н̃ам̣ гааран̣ам̣ бадижарад̇ийд̇и звамзд̇т̇а ад̇т̇о взд̣̇ид̇аб̣б̣о, яам̣ жод̣̇агзна жуд̣̇ид̇агасса д̣̇осавибхааванагааран̣ам̣ вуд̇д̇ам̣, д̇ад̇о ан̃н̃зна жод̣̇анааяа амуулагабхаавад̣̇ийбагзна гааран̣зна бадижарад̇ийд̇и вуд̇д̇ам̣ ход̇и. бадижарад̇ийд̇и жа бадижчаад̣̇анавасзна жарад̇и, бавад̇д̇ад̇ийд̇и ад̇т̇о. бадижчаад̣̇анад̇т̇о зва ваа жарад̇и-сад̣̇д̣̇о анзгад̇т̇ад̇д̇аа д̇хаад̇уунам̣. д̇знааха ‘‘бадижчаад̣̇зд̇ий’’д̇и. го аабаннод̇иаад̣̇инаа баал̣ияам̣ жод̣̇анам̣ ависсаж̇ж̇зд̇ваа вигкзбаабаж̇ж̇анавасзна ан̃н̃зна ан̃н̃ам̣ бадижаран̣ам̣ д̣̇ассид̇ам̣. абарамби бана жод̣̇анам̣ виссаж̇ж̇зд̇ваа б̣ахид̣̇д̇хаа гат̇ааабанаамавасзна бавад̇д̇ам̣ баал̣имуд̇д̇агам̣ ан̃н̃знан̃н̃ам̣ бадижаран̣ам̣ взд̣̇ид̇аб̣б̣ам̣. ‘‘ид̇т̇аннаамам̣ аабад̇д̇им̣ аабанносий’’д̇и будто ‘‘баадалибуд̇д̇ам̣ г̇ад̇омхий’’д̇и вад̇ваа буна ‘‘на д̇ава баадалибуд̇д̇аг̇аманам̣ бужчаама, аабад̇д̇им̣ бужчаамаа’’д̇и вуд̇д̇з ‘‘д̇ад̇о рааж̇аг̇ахам̣ г̇ад̇омхий’’д̇и вад̇ваа ‘‘рааж̇аг̇ахам̣ ваа яаахи б̣раахман̣аг̇ахам̣ ваа, аабад̇д̇им̣ аабанносий’’д̇и вуд̇д̇з ‘‘д̇ад̇т̇а мз суугарамам̣сам̣ лад̣̇д̇ха’’нд̇иаад̣̇ийни вад̇ваава гат̇ам̣ б̣ахид̣̇д̇хаа вигкибанд̇оби хи ‘‘ан̃н̃знан̃н̃ам̣ бадижарад̇и’’жжзва сан̇кам̣ г̇ажчад̇и.
94-98. Dutiye aññaṃ vacananti yaṃ codakena cuditakassa dosavibhāvanavacanaṃ vuttaṃ, taṃ tato aññeneva vacanena paṭicarati. Atha vā aññenaññaṃ paṭicaratīti aññena kāraṇena aññaṃ kāraṇaṃ paṭicaratīti evamettha attho veditabbo, yaṃ codakena cuditakassa dosavibhāvanakāraṇaṃ vuttaṃ, tato aññena codanāya amūlakabhāvadīpakena kāraṇena paṭicaratīti vuttaṃ hoti. Paṭicaratīti ca paṭicchādanavasena carati, pavattatīti attho. Paṭicchādanattho eva vā carati-saddo anekatthattā dhātūnaṃ. Tenāha ‘‘paṭicchādetī’’ti. Ko āpannotiādinā pāḷiyaṃ codanaṃ avissajjetvā vikkhepāpajjanavasena aññena aññaṃ paṭicaraṇaṃ dassitaṃ. Aparampi pana codanaṃ vissajjetvā bahiddhā kathāapanāmavasena pavattaṃ pāḷimuttakaṃ aññenaññaṃ paṭicaraṇaṃ veditabbaṃ. ‘‘Itthannāmaṃ āpattiṃ āpannosī’’ti puṭṭho ‘‘pāṭaliputtaṃ gatomhī’’ti vatvā puna ‘‘na tava pāṭaliputtagamanaṃ pucchāma, āpattiṃ pucchāmā’’ti vutte ‘‘tato rājagahaṃ gatomhī’’ti vatvā ‘‘rājagahaṃ vā yāhi brāhmaṇagahaṃ vā, āpattiṃ āpannosī’’ti vutte ‘‘tattha me sūkaramaṃsaṃ laddha’’ntiādīni vatvāva kathaṃ bahiddhā vikkhipantopi hi ‘‘aññenaññaṃ paṭicarati’’cceva saṅkhaṃ gacchati.
яад̣̇зд̇ам̣ ан̃н̃зна ан̃н̃ам̣ бадижаран̣авасзна бавад̇д̇аважанам̣, д̇ад̣̇зва бужчид̇амад̇т̇ам̣ табзд̇ваа ан̃н̃ам̣ вад̣̇ад̇ийд̇и ан̃н̃аваад̣̇аганд̇и ааха ‘‘ан̃н̃знан̃н̃ам̣ бадижаран̣ассзд̇ам̣ наама’’нд̇и. д̇ун̣хийбхууд̇ассзд̇ам̣ нааманд̇и д̇ун̣хийбхаавассзд̇ам̣ наамам̣, аяамзва ваа баато. ан̃н̃аваад̣̇агам̣ ааробзд̇ууд̇и ан̃н̃аваад̣̇агагаммам̣ ааробзд̇у, ан̃н̃аваад̣̇агад̇д̇ам̣ ваа ид̣̇аани гарияамаанзна гаммзна ааробзд̇ууд̇и ад̇т̇о. вихзсагам̣ ааробзд̇ууд̇и зд̇т̇ааби вихзсагагаммам̣ вихзсагабхаавам̣ ваа ааробзд̇ууд̇и звамад̇т̇о д̣̇адтаб̣б̣о.
Yadetaṃ aññena aññaṃ paṭicaraṇavasena pavattavacanaṃ, tadeva pucchitamatthaṃ ṭhapetvā aññaṃ vadatīti aññavādakanti āha ‘‘aññenaññaṃ paṭicaraṇassetaṃ nāma’’nti. Tuṇhībhūtassetaṃ nāmanti tuṇhībhāvassetaṃ nāmaṃ, ayameva vā pāṭho. Aññavādakaṃ āropetūti aññavādakakammaṃ āropetu, aññavādakattaṃ vā idāni kariyamānena kammena āropetūti attho. Vihesakaṃ āropetūti etthāpi vihesakakammaṃ vihesakabhāvaṃ vā āropetūti evamattho daṭṭhabbo.
анааробид̇з ан̃н̃аваад̣̇агз вуд̇д̇ад̣̇уггадам̣ баал̣ияам̣ ааг̇ад̇аан̃н̃знан̃н̃ам̣бадижаран̣авасзна яуж̇ж̇ад̇и . адтагат̇ааяам̣ ааг̇ад̇зна бана баал̣имуд̇д̇агаан̃н̃знан̃н̃ам̣бадижаран̣авасзна анааробид̇з ан̃н̃аваад̣̇агз мусааваад̣̇зна баажид̇д̇ияам̣, ааробид̇з иминаава баажид̇д̇ияанд̇и взд̣̇ид̇аб̣б̣ам̣. гзжи бана ‘‘ааробид̇з ан̃н̃аваад̣̇агз мусааваад̣̇зна иминаа жа баажид̇д̇ияад̣̇ваяам̣ ход̇ий’’д̇и вад̣̇анд̇и, д̇ам̣ виймам̣сид̇ваа г̇ахзд̇аб̣б̣ам̣. яаа саа аад̣̇игаммигасса анаабад̇д̇и вуд̇д̇аа, сааби баал̣ияам̣ ааг̇ад̇аан̃н̃знан̃н̃ам̣бадижаран̣авасзна вуд̇д̇аад̇и д̣̇адтаб̣б̣аа, иминаа сигкаабад̣̇зна анаабад̇д̇ид̣̇ассанад̇т̇ам̣ ваа. сзсам̣ уд̇д̇аанамзва. д̇хаммагаммзна ааробид̇ад̇аа, аабад̇д̇ияаа ваа вад̇т̇унаа ваа ануяун̃ж̇ияамаанад̇аа, чаад̣̇зд̇угаамад̇ааяа ан̃н̃знан̃н̃ам̣ бадижаран̣ам̣ ваа д̇ун̣хийбхааво ваад̇и имаани банзд̇т̇а д̇ийн̣и ан̇г̇аани.
Anāropite aññavādake vuttadukkaṭaṃ pāḷiyaṃ āgataaññenaññaṃpaṭicaraṇavasena yujjati . Aṭṭhakathāyaṃ āgatena pana pāḷimuttakaaññenaññaṃpaṭicaraṇavasena anāropite aññavādake musāvādena pācittiyaṃ, āropite imināva pācittiyanti veditabbaṃ. Keci pana ‘‘āropite aññavādake musāvādena iminā ca pācittiyadvayaṃ hotī’’ti vadanti, taṃ vīmaṃsitvā gahetabbaṃ. Yā sā ādikammikassa anāpatti vuttā, sāpi pāḷiyaṃ āgataaññenaññaṃpaṭicaraṇavasena vuttāti daṭṭhabbā, iminā sikkhāpadena anāpattidassanatthaṃ vā. Sesaṃ uttānameva. Dhammakammena āropitatā, āpattiyā vā vatthunā vā anuyuñjiyamānatā, chādetukāmatāya aññenaññaṃ paṭicaraṇaṃ vā tuṇhībhāvo vāti imāni panettha tīṇi aṅgāni.
ан̃н̃аваад̣̇агасигкаабад̣̇аван̣н̣анаа нидтид̇аа.
Aññavādakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ан̃н̃аваад̣̇агасигкаабад̣̇аван̣н̣анаа • 2. Aññavādakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ан̃н̃аваад̣̇агасигкаабад̣̇ам̣ • 2. Aññavādakasikkhāpadaṃ
