| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ
2. Aññavādakasikkhāpadavaṇṇanā
੯੪. ਦੁਤਿਯੇ ਅਞ੍ਞਂ વਚਨਨ੍ਤਿ ਯਂ ਦੋਸવਿਭਾવਨਤ੍ਥਂ ਪਰੇਹਿ વੁਤ੍ਤવਚਨਂ ਤਂ ਤਸ੍ਸ ਅਨਨੁਚ੍ਛવਿਕੇਨ ਅਞ੍ਞੇਨ વਚਨੇਨ ਪਟਿਚਰਤਿ।
94. Dutiye aññaṃ vacananti yaṃ dosavibhāvanatthaṃ parehi vuttavacanaṃ taṃ tassa ananucchavikena aññena vacanena paṭicarati.
੯੮. ਯਦੇਤਂ ਅਞ੍ਞੇਨਞ੍ਞਂ ਪਟਿਚਰਣવਸੇਨ ਪવਤ੍ਤવਚਨਂ, ਤਦੇવ ਪੁਚ੍ਛਿਤਮਤ੍ਥਂ ਠਪੇਤ੍વਾ ਅਞ੍ਞਂ વਦਤਿ ਪਕਾਸੇਤੀਤਿ ਅਞ੍ਞવਾਦਕਨ੍ਤਿ ਆਹ ‘‘ਅਞ੍ਞੇਨਞ੍ਞਂ ਪਟਿਚਰਣਸ੍ਸੇਤਂ ਨਾਮ’’ਨ੍ਤਿ। ਤੁਣ੍ਹੀਭੂਤਸ੍ਸੇਤਂ ਨਾਮਨ੍ਤਿ ਤੁਣ੍ਹੀਭਾવਸ੍ਸੇਤਂ ਨਾਮਂ, ਅਯਮੇવ વਾ ਪਾਠੋ। ਅਞ੍ਞવਾਦਕਂ ਆਰੋਪੇਤੁਨ੍ਤਿ ਅਞ੍ਞવਾਦੇ ਆਰੋਪੇਤੁਂ। વਿਹੇਸਕਨ੍ਤਿ વਿਹੇਸਕਤ੍ਤਂ।
98. Yadetaṃ aññenaññaṃ paṭicaraṇavasena pavattavacanaṃ, tadeva pucchitamatthaṃ ṭhapetvā aññaṃ vadati pakāsetīti aññavādakanti āha ‘‘aññenaññaṃ paṭicaraṇassetaṃ nāma’’nti. Tuṇhībhūtassetaṃ nāmanti tuṇhībhāvassetaṃ nāmaṃ, ayameva vā pāṭho. Aññavādakaṃ āropetunti aññavāde āropetuṃ. Vihesakanti vihesakattaṃ.
੯੯. ਪਾਲ਼ਿਯਂ ਨ ਉਗ੍ਘਾਟੇਤੁਕਾਮੋਤਿ ਪਟਿਚ੍ਛਾਦੇਤੁਕਾਮੋ।
99. Pāḷiyaṃ na ugghāṭetukāmoti paṭicchādetukāmo.
੧੦੦. ਅਨਾਰੋਪਿਤੇ ਅਞ੍ਞવਾਦਕੇਤਿ વੁਤ੍ਤਦੁਕ੍ਕਟਂ ਪਾਲ਼ਿਯਂ ਆਗਤਅਞ੍ਞੇਨਞ੍ਞਪਟਿਚਰਣવਸੇਨ ਯੁਜ੍ਜਤਿ, ਅਟ੍ਠਕਥਾਯਂ ਆਗਤਨਯੇਨ ਪਨ ਮੁਸਾવਾਦੇਨ ਅਞ੍ਞੇਨਞ੍ਞਂ ਪਟਿਚਰਨ੍ਤਸ੍ਸ ਪਾਚਿਤ੍ਤਿਯੇਨ ਸਦ੍ਧਿਂ ਦੁਕ੍ਕਟਂ, ਆਰੋਪਿਤੇ ਇਮਿਨਾવ ਪਾਚਿਤ੍ਤਿਯਂ। ਕੇਚਿ ਪਨ ‘‘ਮੁਸਾવਾਦਪਾਚਿਤ੍ਤਿਯੇਨ ਸਦ੍ਧਿਂ ਪਾਚਿਤ੍ਤਿਯਦ੍વਯ’’ਨ੍ਤਿ વਦਨ੍ਤਿ, વੀਮਂਸਿਤਬ੍ਬਂ। ਆਦਿਕਮ੍ਮਿਕਸ੍ਸਪਿ ਮੁਸਾવਾਦੇ ਇਮਿਨਾવ ਅਨਾਪਤ੍ਤੀਤਿ ਦਟ੍ਠਬ੍ਬਂ। ਧਮ੍ਮਕਮ੍ਮੇਨ ਆਰੋਪਿਤਤਾ, ਆਪਤ੍ਤਿਯਾ વਾ વਤ੍ਥੁਨਾ વਾ ਅਨੁਯੁਞ੍ਜਿਯਮਾਨਤਾ, ਛਾਦੇਤੁਕਾਮਤਾਯ ਅਞ੍ਞੇਨਞ੍ਞਂ ਪਟਿਚਰਣਂ, ਤੁਣ੍ਹੀਭਾવੋ ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
100.Anāropite aññavādaketi vuttadukkaṭaṃ pāḷiyaṃ āgataaññenaññapaṭicaraṇavasena yujjati, aṭṭhakathāyaṃ āgatanayena pana musāvādena aññenaññaṃ paṭicarantassa pācittiyena saddhiṃ dukkaṭaṃ, āropite imināva pācittiyaṃ. Keci pana ‘‘musāvādapācittiyena saddhiṃ pācittiyadvaya’’nti vadanti, vīmaṃsitabbaṃ. Ādikammikassapi musāvāde imināva anāpattīti daṭṭhabbaṃ. Dhammakammena āropitatā, āpattiyā vā vatthunā vā anuyuñjiyamānatā, chādetukāmatāya aññenaññaṃ paṭicaraṇaṃ, tuṇhībhāvo cāti imānettha tīṇi aṅgāni.
ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Aññavādakasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਅਞ੍ਞવਾਦਕਸਿਕ੍ਖਾਪਦਂ • 2. Aññavādakasikkhāpadaṃ
