| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৪. অঞ্ঞৰিঞ্ঞাপনসিক্খাপদৰণ্ণনা
4. Aññaviññāpanasikkhāpadavaṇṇanā
পটিলাভেনাতি পঠমৰিঞ্ঞত্তিতো ঊনতরস্সাপি অঞ্ঞস্স পটিলাভেন।
Paṭilābhenāti paṭhamaviññattito ūnatarassāpi aññassa paṭilābhena.
তস্মিং অপ্পহোন্তে পুন তঞ্ঞেৰাতি যং পঠমং ৰিঞ্ঞত্তং, থোকত্তা তস্মিং অপ্পহোন্তে পুন তঞ্ঞেৰ ৰিঞ্ঞাপেন্তিযাতি অত্থো। অঞ্ঞেনপি অত্থে সতী তি পঠমং ৰিঞ্ঞত্তিতো অঞ্ঞেনপি অত্থে সতি। তেন সদ্ধিং অঞ্ঞঞ্চাতি যং পঠমং ৰিঞ্ঞত্তং, তেন সদ্ধিং অঞ্ঞঞ্চ। কিং ৰুত্তং হোতি? সচে পঠমং সপ্পি ৰিঞ্ঞত্তং, ‘‘যমকং পচিতব্ব’’ন্তি চ ৰেজ্জেন ৰুত্তত্তা তেলেনাপি অত্থো হোতি। ততো ‘‘তেলেনাপি মে অত্থো’’তি এৰমাদিনা অঞ্ঞঞ্চ ৰিঞ্ঞাপেন্তিযাতি ৰুত্তং হোতি। আনিসংসং দস্সেত্ৰাতি ‘‘সচে কহাপণস্স সপ্পি আভতং হোতি, ইমিনা মূলেন দ্ৰিগুণং তেলং লব্ভতি, তেলেনাপি চ ইদং কিচ্চং নিপ্পজ্জতি, তস্মা তেলং আহরা’’তি এৰং আনিসংসং দস্সেত্ৰা।
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
অঞ্ঞৰিঞ্ঞাপনসিক্খাপদৰণ্ণনা নিট্ঠিতা।
Aññaviññāpanasikkhāpadavaṇṇanā niṭṭhitā.
