| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. ан̃н̃авин̃н̃аабанасигкаабад̣̇аван̣н̣анаа
4. Aññaviññāpanasikkhāpadavaṇṇanā
бадилаабхзнаад̇и батамавин̃н̃ад̇д̇ид̇о уунад̇арассааби ан̃н̃асса бадилаабхзна.
Paṭilābhenāti paṭhamaviññattito ūnatarassāpi aññassa paṭilābhena.
д̇асмим̣ аббахонд̇з буна д̇ан̃н̃зваад̇и яам̣ батамам̣ вин̃н̃ад̇д̇ам̣, т̇огад̇д̇аа д̇асмим̣ аббахонд̇з буна д̇ан̃н̃зва вин̃н̃аабзнд̇ияаад̇и ад̇т̇о. ан̃н̃знаби ад̇т̇з сад̇ий д̇и батамам̣ вин̃н̃ад̇д̇ид̇о ан̃н̃знаби ад̇т̇з сад̇и. д̇зна сад̣̇д̇хим̣ ан̃н̃ан̃жаад̇и яам̣ батамам̣ вин̃н̃ад̇д̇ам̣, д̇зна сад̣̇д̇хим̣ ан̃н̃ан̃жа. гим̣ вуд̇д̇ам̣ ход̇и? сажз батамам̣ сабби вин̃н̃ад̇д̇ам̣, ‘‘яамагам̣ бажид̇аб̣б̣а’’нд̇и жа взж̇ж̇зна вуд̇д̇ад̇д̇аа д̇злзнааби ад̇т̇о ход̇и. д̇ад̇о ‘‘д̇злзнааби мз ад̇т̇о’’д̇и звамаад̣̇инаа ан̃н̃ан̃жа вин̃н̃аабзнд̇ияаад̇и вуд̇д̇ам̣ ход̇и. аанисам̣сам̣ д̣̇ассзд̇ваад̇и ‘‘сажз гахаабан̣асса сабби аабхад̇ам̣ ход̇и, иминаа муулзна д̣̇виг̇ун̣ам̣ д̇злам̣ лаб̣бхад̇и, д̇злзнааби жа ид̣̇ам̣ гижжам̣ ниббаж̇ж̇ад̇и, д̇асмаа д̇злам̣ аахараа’’д̇и звам̣ аанисам̣сам̣ д̣̇ассзд̇ваа.
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
ан̃н̃авин̃н̃аабанасигкаабад̣̇аван̣н̣анаа нидтид̇аа.
Aññaviññāpanasikkhāpadavaṇṇanā niṭṭhitā.
