| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
4. අඤ්‌ඤවිඤ්‌ඤාපනසික්‌ඛාපදවණ්‌ණනා
4. Aññaviññāpanasikkhāpadavaṇṇanā
පටිලාභෙනාති පඨමවිඤ්‌ඤත්‌තිතො ඌනතරස්‌සාපි අඤ්‌ඤස්‌ස පටිලාභෙන.
Paṭilābhenāti paṭhamaviññattito ūnatarassāpi aññassa paṭilābhena.
තස්‌මිං අප්‌පහොන්‌තෙ පුන තඤ්‌ඤෙවාති යං පඨමං විඤ්‌ඤත්‌තං, ථොකත්‌තා තස්‌මිං අප්‌පහොන්‌තෙ පුන තඤ්‌ඤෙව විඤ්‌ඤාපෙන්‌තියාති අත්‌ථො. අඤ්‌ඤෙනපි අත්‌ථෙ සතී ති පඨමං විඤ්‌ඤත්‌තිතො අඤ්‌ඤෙනපි අත්‌ථෙ සති. තෙන සද්‌ධිං අඤ්‌ඤඤ්‌චාති යං පඨමං විඤ්‌ඤත්‌තං, තෙන සද්‌ධිං අඤ්‌ඤඤ්‌ච. කිං වුත්‌තං හොති? සචෙ පඨමං සප්‌පි විඤ්‌ඤත්‌තං, ‘‘යමකං පචිතබ්‌බ’’න්‌ති ච වෙජ්‌ජෙන වුත්‌තත්‌තා තෙලෙනාපි අත්‌ථො හොති. තතො ‘‘තෙලෙනාපි මෙ අත්‌ථො’’ති එවමාදිනා අඤ්‌ඤඤ්‌ච විඤ්‌ඤාපෙන්‌තියාති වුත්‌තං හොති. ආනිසංසං දස්‌සෙත්‌වාති ‘‘සචෙ කහාපණස්‌ස සප්‌පි ආභතං හොති, ඉමිනා මූලෙන ද්‌විගුණං තෙලං ලබ්‌භති, තෙලෙනාපි ච ඉදං කිච්‌චං නිප්‌පජ්‌ජති, තස්‌මා තෙලං ආහරා’’ති එවං ආනිසංසං දස්‌සෙත්‌වා.
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
අඤ්‌ඤවිඤ්‌ඤාපනසික්‌ඛාපදවණ්‌ණනා නිට්‌ඨිතා.
Aññaviññāpanasikkhāpadavaṇṇanā niṭṭhitā.
