| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੪. ਅਞ੍ਞવਿਞ੍ਞਾਪਨਸਿਕ੍ਖਾਪਦવਣ੍ਣਨਾ
4. Aññaviññāpanasikkhāpadavaṇṇanā
ਪਟਿਲਾਭੇਨਾਤਿ ਪਠਮવਿਞ੍ਞਤ੍ਤਿਤੋ ਊਨਤਰਸ੍ਸਾਪਿ ਅਞ੍ਞਸ੍ਸ ਪਟਿਲਾਭੇਨ।
Paṭilābhenāti paṭhamaviññattito ūnatarassāpi aññassa paṭilābhena.
ਤਸ੍ਮਿਂ ਅਪ੍ਪਹੋਨ੍ਤੇ ਪੁਨ ਤਞ੍ਞੇવਾਤਿ ਯਂ ਪਠਮਂ વਿਞ੍ਞਤ੍ਤਂ, ਥੋਕਤ੍ਤਾ ਤਸ੍ਮਿਂ ਅਪ੍ਪਹੋਨ੍ਤੇ ਪੁਨ ਤਞ੍ਞੇવ વਿਞ੍ਞਾਪੇਨ੍ਤਿਯਾਤਿ ਅਤ੍ਥੋ। ਅਞ੍ਞੇਨਪਿ ਅਤ੍ਥੇ ਸਤੀ ਤਿ ਪਠਮਂ વਿਞ੍ਞਤ੍ਤਿਤੋ ਅਞ੍ਞੇਨਪਿ ਅਤ੍ਥੇ ਸਤਿ। ਤੇਨ ਸਦ੍ਧਿਂ ਅਞ੍ਞਞ੍ਚਾਤਿ ਯਂ ਪਠਮਂ વਿਞ੍ਞਤ੍ਤਂ, ਤੇਨ ਸਦ੍ਧਿਂ ਅਞ੍ਞਞ੍ਚ। ਕਿਂ વੁਤ੍ਤਂ ਹੋਤਿ? ਸਚੇ ਪਠਮਂ ਸਪ੍ਪਿ વਿਞ੍ਞਤ੍ਤਂ, ‘‘ਯਮਕਂ ਪਚਿਤਬ੍ਬ’’ਨ੍ਤਿ ਚ વੇਜ੍ਜੇਨ વੁਤ੍ਤਤ੍ਤਾ ਤੇਲੇਨਾਪਿ ਅਤ੍ਥੋ ਹੋਤਿ। ਤਤੋ ‘‘ਤੇਲੇਨਾਪਿ ਮੇ ਅਤ੍ਥੋ’’ਤਿ ਏવਮਾਦਿਨਾ ਅਞ੍ਞਞ੍ਚ વਿਞ੍ਞਾਪੇਨ੍ਤਿਯਾਤਿ વੁਤ੍ਤਂ ਹੋਤਿ। ਆਨਿਸਂਸਂ ਦਸ੍ਸੇਤ੍વਾਤਿ ‘‘ਸਚੇ ਕਹਾਪਣਸ੍ਸ ਸਪ੍ਪਿ ਆਭਤਂ ਹੋਤਿ, ਇਮਿਨਾ ਮੂਲੇਨ ਦ੍વਿਗੁਣਂ ਤੇਲਂ ਲਬ੍ਭਤਿ, ਤੇਲੇਨਾਪਿ ਚ ਇਦਂ ਕਿਚ੍ਚਂ ਨਿਪ੍ਪਜ੍ਜਤਿ, ਤਸ੍ਮਾ ਤੇਲਂ ਆਹਰਾ’’ਤਿ ਏવਂ ਆਨਿਸਂਸਂ ਦਸ੍ਸੇਤ੍વਾ।
Tasmiṃ appahonte puna taññevāti yaṃ paṭhamaṃ viññattaṃ, thokattā tasmiṃ appahonte puna taññeva viññāpentiyāti attho. Aññenapi atthe satī ti paṭhamaṃ viññattito aññenapi atthe sati. Tena saddhiṃ aññañcāti yaṃ paṭhamaṃ viññattaṃ, tena saddhiṃ aññañca. Kiṃ vuttaṃ hoti? Sace paṭhamaṃ sappi viññattaṃ, ‘‘yamakaṃ pacitabba’’nti ca vejjena vuttattā telenāpi attho hoti. Tato ‘‘telenāpi me attho’’ti evamādinā aññañca viññāpentiyāti vuttaṃ hoti. Ānisaṃsaṃ dassetvāti ‘‘sace kahāpaṇassa sappi ābhataṃ hoti, iminā mūlena dviguṇaṃ telaṃ labbhati, telenāpi ca idaṃ kiccaṃ nippajjati, tasmā telaṃ āharā’’ti evaṃ ānisaṃsaṃ dassetvā.
ਅਞ੍ਞવਿਞ੍ਞਾਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Aññaviññāpanasikkhāpadavaṇṇanā niṭṭhitā.
