| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၅. အညော အနုသယောတိကထာဝဏ္ဏနာ
5. Añño anusayotikathāvaṇṇanā
၇၀၀-၇၀၁. ဣဒာနိ အညော အနုသယောတိကထာ နာမ ဟောတိ။ တတ္ထ ယသ္မာ ပုထုဇ္ဇနော ကုသလာဗ္ယာကတေ စိတ္တေ ဝတ္တမာနေ သာနုသယောတိ ဝတ္တဗ္ဗော, န ပရိယုဋ္ဌိတောတိ တသ္မာ အညော အနုသယော, အညံ ပရိယုဋ္ဌာနန္တိ ယေသံ လဒ္ဓိ, သေယ္ယထာပိ အန္ဓကာနံ; တေ သန္ဓာယ အညော ကာမရာဂာနုသယောတိ ပုစ္ဆာ သကဝာဒိသ္သ ပဋိညာ ဣတရသ္သ။ သေသံ ဟေဋ္ဌာ အနုသယကထာယံ ဝုတ္တနယေနေဝ ဝေဒိတဗ္ဗံ။ သာနုသယောတိအာဒိ ပန တသ္မိံ သမယေ အနုသယသ္သ အပ္ပဟီနတ္တာ သာနုသယောတိ ဝတ္တဗ္ဗတံ, အနုပ္ပန္နတ္တာ စ ပရိယုဋ္ဌိတောတိ အဝတ္တဗ္ဗတံ ဒီပေတိ, န အနုသယပရိယုဋ္ဌာနာနံ အညတ္တံ, တသ္မာ အသာဓကန္တိ။
700-701. Idāni añño anusayotikathā nāma hoti. Tattha yasmā puthujjano kusalābyākate citte vattamāne sānusayoti vattabbo, na pariyuṭṭhitoti tasmā añño anusayo, aññaṃ pariyuṭṭhānanti yesaṃ laddhi, seyyathāpi andhakānaṃ; te sandhāya añño kāmarāgānusayoti pucchā sakavādissa paṭiññā itarassa. Sesaṃ heṭṭhā anusayakathāyaṃ vuttanayeneva veditabbaṃ. Sānusayotiādi pana tasmiṃ samaye anusayassa appahīnattā sānusayoti vattabbataṃ, anuppannattā ca pariyuṭṭhitoti avattabbataṃ dīpeti, na anusayapariyuṭṭhānānaṃ aññattaṃ, tasmā asādhakanti.
အညော အနုသယောတိကထာဝဏ္ဏနာ။
Añño anusayotikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၄၀) ၅. အညော အနုသယောတိကထာ • (140) 5. Añño anusayotikathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၅. အညောအနုသယောတိကထာဝဏ္ဏနာ • 5. Aññoanusayotikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၅. အညောအနုသယောတိကထာဝဏ္ဏနာ • 5. Aññoanusayotikathāvaṇṇanā
