| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
5. අඤ්‌ඤො අනුසයොතිකථාවණ්‌ණනා
5. Añño anusayotikathāvaṇṇanā
700-701. ඉදානි අඤ්‌ඤො අනුසයොතිකථා නාම හොති. තත්‌ථ යස්‌මා පුථුජ්‌ජනො කුසලාබ්‍යාකතෙ චිත්‌තෙ වත්‌තමානෙ සානුසයොති වත්‌තබ්‌බො, න පරියුට්‌ඨිතොති තස්‌මා අඤ්‌ඤො අනුසයො, අඤ්‌ඤං පරියුට්‌ඨානන්‌ති යෙසං ලද්‌ධි, සෙය්‍යථාපි අන්‌ධකානං; තෙ සන්‌ධාය අඤ්‌ඤො කාමරාගානුසයොති පුච්‌ඡා සකවාදිස්‌ස පටිඤ්‌ඤා ඉතරස්‌ස. සෙසං හෙට්‌ඨා අනුසයකථායං වුත්‌තනයෙනෙව වෙදිතබ්‌බං. සානුසයොතිආදි පන තස්‌මිං සමයෙ අනුසයස්‌ස අප්‌පහීනත්‌තා සානුසයොති වත්‌තබ්‌බතං, අනුප්‌පන්‌නත්‌තා ච පරියුට්‌ඨිතොති අවත්‌තබ්‌බතං දීපෙති, න අනුසයපරියුට්‌ඨානානං අඤ්‌ඤත්‌තං, තස්‌මා අසාධකන්‌ති.
700-701. Idāni añño anusayotikathā nāma hoti. Tattha yasmā puthujjano kusalābyākate citte vattamāne sānusayoti vattabbo, na pariyuṭṭhitoti tasmā añño anusayo, aññaṃ pariyuṭṭhānanti yesaṃ laddhi, seyyathāpi andhakānaṃ; te sandhāya añño kāmarāgānusayoti pucchā sakavādissa paṭiññā itarassa. Sesaṃ heṭṭhā anusayakathāyaṃ vuttanayeneva veditabbaṃ. Sānusayotiādi pana tasmiṃ samaye anusayassa appahīnattā sānusayoti vattabbataṃ, anuppannattā ca pariyuṭṭhitoti avattabbataṃ dīpeti, na anusayapariyuṭṭhānānaṃ aññattaṃ, tasmā asādhakanti.
අඤ්‌ඤො අනුසයොතිකථාවණ්‌ණනා.
Añño anusayotikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (140) 5. අඤ්‌ඤො අනුසයොතිකථා • (140) 5. Añño anusayotikathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 5. අඤ්‌ඤොඅනුසයොතිකථාවණ්‌ණනා • 5. Aññoanusayotikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. අඤ්‌ඤොඅනුසයොතිකථාවණ්‌ණනා • 5. Aññoanusayotikathāvaṇṇanā
