| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
23. அனோலோகியனித்³தே³ஸவண்ணனா
23. Anolokiyaniddesavaṇṇanā
181. ஸாரத்தோதி ஸங்ரத்தோ, ஸஞ்ஜாதராக³சித்தோதி அத்தோ². இத்தி²யாதி தத³ஹுஜாதாயபி படஸதனிவத்தா²ய அனோகாஸுபனிஜ்ஜா²யனே அந்தமஸோ திரச்சா²னக³தானம்பி து³க்கடமேவ. பி⁴க்கா²தா³யியாதி உபலக்க²ணமத்தங், இத்தீ² வா ஹோது புரிஸோ வா, பி⁴க்கா²தா³னஸமயே அஸாரத்தேனாபி முக²ங் ந உல்லோகேதப்³ப³ங். உஜ்ஜா²னங் லாமகதோ ஸங்சிந்தனங், கோபோ, தத்த² ஸஞ்ஞா அஸ்ஸாதி உஜ்ஜா²னஸஞ்ஞீ. இத⁴ பன கி³லானோபி ந முச்சதி. ஆதா³ஸே உத³கபத்தேதி இமினா ஸேஸேஸு கங்ஸபத்தாதீ³ஸு கஞ்ஜியாதீ³ஸு ச முக²னிமித்தங் பஞ்ஞாயதி, தேஸங் ஸங்க³ஹோ. ‘‘ஸஞ்ச²வி நு கோ² மே வண்ணோ, நோ, ஜிண்ணோ நு கொ²ம்ஹி, நோ’’தி பன ஓலோகேதுங் வட்டதி. அஸ்ஸாதி பி⁴க்கு²னோ.
181.Sārattoti saṃratto, sañjātarāgacittoti attho. Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva. Bhikkhādāyiyāti upalakkhaṇamattaṃ, itthī vā hotu puriso vā, bhikkhādānasamaye asārattenāpi mukhaṃ na ulloketabbaṃ. Ujjhānaṃ lāmakato saṃcintanaṃ, kopo, tattha saññā assāti ujjhānasaññī. Idha pana gilānopi na muccati. Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati, tesaṃ saṅgaho. ‘‘Sañchavi nu kho me vaṇṇo, no, jiṇṇo nu khomhi, no’’ti pana oloketuṃ vaṭṭati. Assāti bhikkhuno.
அனோலோகியனித்³தே³ஸவண்ணனா நிட்டி²தா.
Anolokiyaniddesavaṇṇanā niṭṭhitā.
