| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๒๓. อโนโลกิยนิเทฺทสวณฺณนา
23. Anolokiyaniddesavaṇṇanā
๑๘๑. สารโตฺตติ สํรโตฺต, สญฺชาตราคจิโตฺตติ อโตฺถฯ อิตฺถิยาติ ตทหุชาตายปิ ปฎสตนิวตฺถาย อโนกาสุปนิชฺฌายเน อนฺตมโส ติรจฺฉานคตานมฺปิ ทุกฺกฎเมวฯ ภิกฺขาทายิยาติ อุปลกฺขณมตฺตํ, อิตฺถี วา โหตุ ปุริโส วา, ภิกฺขาทานสมเย อสารเตฺตนาปิ มุขํ น อุโลฺลเกตพฺพํฯ อุชฺฌานํ ลามกโต สํจินฺตนํ, โกโป, ตตฺถ สญฺญา อสฺสาติ อุชฺฌานสญฺญีฯ อิธ ปน คิลาโนปิ น มุจฺจติฯ อาทาเส อุทกปเตฺตติ อิมินา เสเสสุ กํสปตฺตาทีสุ กญฺชิยาทีสุ จ มุขนิมิตฺตํ ปญฺญายติ, เตสํ สงฺคโหฯ ‘‘สญฺฉวิ นุ โข เม วโณฺณ, โน, ชิโณฺณ นุ โขมฺหิ, โน’’ติ ปน โอโลเกตุํ วฎฺฎติฯ อสฺสาติ ภิกฺขุโนฯ
181.Sārattoti saṃratto, sañjātarāgacittoti attho. Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva. Bhikkhādāyiyāti upalakkhaṇamattaṃ, itthī vā hotu puriso vā, bhikkhādānasamaye asārattenāpi mukhaṃ na ulloketabbaṃ. Ujjhānaṃ lāmakato saṃcintanaṃ, kopo, tattha saññā assāti ujjhānasaññī. Idha pana gilānopi na muccati. Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati, tesaṃ saṅgaho. ‘‘Sañchavi nu kho me vaṇṇo, no, jiṇṇo nu khomhi, no’’ti pana oloketuṃ vaṭṭati. Assāti bhikkhuno.
อโนโลกิยนิเทฺทสวณฺณนา นิฎฺฐิตาฯ
Anolokiyaniddesavaṇṇanā niṭṭhitā.
