| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੩. ਅਨੋਲੋਕਿਯਨਿਦ੍ਦੇਸવਣ੍ਣਨਾ
23. Anolokiyaniddesavaṇṇanā
੧੮੧. ਸਾਰਤ੍ਤੋਤਿ ਸਂਰਤ੍ਤੋ, ਸਞ੍ਜਾਤਰਾਗਚਿਤ੍ਤੋਤਿ ਅਤ੍ਥੋ। ਇਤ੍ਥਿਯਾਤਿ ਤਦਹੁਜਾਤਾਯਪਿ ਪਟਸਤਨਿવਤ੍ਥਾਯ ਅਨੋਕਾਸੁਪਨਿਜ੍ਝਾਯਨੇ ਅਨ੍ਤਮਸੋ ਤਿਰਚ੍ਛਾਨਗਤਾਨਮ੍ਪਿ ਦੁਕ੍ਕਟਮੇવ। ਭਿਕ੍ਖਾਦਾਯਿਯਾਤਿ ਉਪਲਕ੍ਖਣਮਤ੍ਤਂ, ਇਤ੍ਥੀ વਾ ਹੋਤੁ ਪੁਰਿਸੋ વਾ, ਭਿਕ੍ਖਾਦਾਨਸਮਯੇ ਅਸਾਰਤ੍ਤੇਨਾਪਿ ਮੁਖਂ ਨ ਉਲ੍ਲੋਕੇਤਬ੍ਬਂ। ਉਜ੍ਝਾਨਂ ਲਾਮਕਤੋ ਸਂਚਿਨ੍ਤਨਂ, ਕੋਪੋ, ਤਤ੍ਥ ਸਞ੍ਞਾ ਅਸ੍ਸਾਤਿ ਉਜ੍ਝਾਨਸਞ੍ਞੀ। ਇਧ ਪਨ ਗਿਲਾਨੋਪਿ ਨ ਮੁਚ੍ਚਤਿ। ਆਦਾਸੇ ਉਦਕਪਤ੍ਤੇਤਿ ਇਮਿਨਾ ਸੇਸੇਸੁ ਕਂਸਪਤ੍ਤਾਦੀਸੁ ਕਞ੍ਜਿਯਾਦੀਸੁ ਚ ਮੁਖਨਿਮਿਤ੍ਤਂ ਪਞ੍ਞਾਯਤਿ, ਤੇਸਂ ਸਙ੍ਗਹੋ। ‘‘ਸਞ੍ਛવਿ ਨੁ ਖੋ ਮੇ વਣ੍ਣੋ, ਨੋ, ਜਿਣ੍ਣੋ ਨੁ ਖੋਮ੍ਹਿ, ਨੋ’’ਤਿ ਪਨ ਓਲੋਕੇਤੁਂ વਟ੍ਟਤਿ। ਅਸ੍ਸਾਤਿ ਭਿਕ੍ਖੁਨੋ।
181.Sārattoti saṃratto, sañjātarāgacittoti attho. Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva. Bhikkhādāyiyāti upalakkhaṇamattaṃ, itthī vā hotu puriso vā, bhikkhādānasamaye asārattenāpi mukhaṃ na ulloketabbaṃ. Ujjhānaṃ lāmakato saṃcintanaṃ, kopo, tattha saññā assāti ujjhānasaññī. Idha pana gilānopi na muccati. Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati, tesaṃ saṅgaho. ‘‘Sañchavi nu kho me vaṇṇo, no, jiṇṇo nu khomhi, no’’ti pana oloketuṃ vaṭṭati. Assāti bhikkhuno.
ਅਨੋਲੋਕਿਯਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Anolokiyaniddesavaṇṇanā niṭṭhitā.
