| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൨൩. അനോലോകിയനിദ്ദേസവണ്ണനാ
23. Anolokiyaniddesavaṇṇanā
൧൮൧. സാരത്തോതി സംരത്തോ, സഞ്ജാതരാഗചിത്തോതി അത്ഥോ. ഇത്ഥിയാതി തദഹുജാതായപി പടസതനിവത്ഥായ അനോകാസുപനിജ്ഝായനേ അന്തമസോ തിരച്ഛാനഗതാനമ്പി ദുക്കടമേവ. ഭിക്ഖാദായിയാതി ഉപലക്ഖണമത്തം, ഇത്ഥീ വാ ഹോതു പുരിസോ വാ, ഭിക്ഖാദാനസമയേ അസാരത്തേനാപി മുഖം ന ഉല്ലോകേതബ്ബം. ഉജ്ഝാനം ലാമകതോ സംചിന്തനം, കോപോ, തത്ഥ സഞ്ഞാ അസ്സാതി ഉജ്ഝാനസഞ്ഞീ. ഇധ പന ഗിലാനോപി ന മുച്ചതി. ആദാസേ ഉദകപത്തേതി ഇമിനാ സേസേസു കംസപത്താദീസു കഞ്ജിയാദീസു ച മുഖനിമിത്തം പഞ്ഞായതി, തേസം സങ്ഗഹോ. ‘‘സഞ്ഛവി നു ഖോ മേ വണ്ണോ, നോ, ജിണ്ണോ നു ഖോമ്ഹി, നോ’’തി പന ഓലോകേതും വട്ടതി. അസ്സാതി ഭിക്ഖുനോ.
181.Sārattoti saṃratto, sañjātarāgacittoti attho. Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva. Bhikkhādāyiyāti upalakkhaṇamattaṃ, itthī vā hotu puriso vā, bhikkhādānasamaye asārattenāpi mukhaṃ na ulloketabbaṃ. Ujjhānaṃ lāmakato saṃcintanaṃ, kopo, tattha saññā assāti ujjhānasaññī. Idha pana gilānopi na muccati. Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati, tesaṃ saṅgaho. ‘‘Sañchavi nu kho me vaṇṇo, no, jiṇṇo nu khomhi, no’’ti pana oloketuṃ vaṭṭati. Assāti bhikkhuno.
അനോലോകിയനിദ്ദേസവണ്ണനാ നിട്ഠിതാ.
Anolokiyaniddesavaṇṇanā niṭṭhitā.
