| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
9. аномад̣̇ассийб̣уд̣̇д̇хавам̣саван̣н̣анаа
9. Anomadassībuddhavaṃsavaṇṇanā
собхид̇аб̣уд̣̇д̇хз бана бариниб̣б̣уд̇з д̇асса абарабхааг̇з згамасан̇кязяяам̣ б̣уд̣̇д̇хуббаад̣̇арахид̇ам̣ ахоси. ад̇ийд̇з бана д̇асмим̣ асан̇кязяяз згасмим̣ габбз д̇аяо б̣уд̣̇д̇хаа ниб̣б̣ад̇д̇им̣су аномад̣̇ассий, бад̣̇умо, наарад̣̇од̇и. д̇ад̇т̇а аномад̣̇ассий бхаг̇аваа сол̣аса асан̇кязяяаани габбасад̇асахассан̃жа баарамияо буурзд̇ваа д̇усид̇абурз ниб̣б̣ад̇д̇ид̇ваа д̣̇звзхи абхияаажид̇о д̇ад̇о жавид̇ваа жанд̣̇авад̇ияам̣ наама рааж̇ад̇хаанияам̣ яасаваа наамасса ран̃н̃о гулз самуссид̇ажаарубаяод̇харааяа яасод̇харааяа наама аг̇г̇амахзсияаа гужчисмим̣ бадисанд̇хим̣ аг̇г̇ахзси. аномад̣̇ассигумаарз гира яасод̇харааяа д̣̇звияаа гужчиг̇ад̇з д̇асса бун̃н̃аббабхаавзна бабхаа асийд̇ихад̇т̇аббамаан̣ам̣ таанам̣ парид̇ваа адтааси. жанд̣̇асуурияаббабхаахи анабхибхаванийяаава ахоси. саа д̣̇асаннам̣ маасаанам̣ ажжаязна б̣од̇хисад̇д̇ам̣ сужанд̣̇ануяяаанз виж̇ааяи. баадихаарияаани хздтаа вуд̇д̇анаяаанзва.
Sobhitabuddhe pana parinibbute tassa aparabhāge ekamasaṅkhyeyyaṃ buddhuppādarahitaṃ ahosi. Atīte pana tasmiṃ asaṅkhyeyye ekasmiṃ kappe tayo buddhā nibbattiṃsu anomadassī, padumo, nāradoti. Tattha anomadassī bhagavā soḷasa asaṅkhyeyyāni kappasatasahassañca pāramiyo pūretvā tusitapure nibbattitvā devehi abhiyācito tato cavitvā candavatiyaṃ nāma rājadhāniyaṃ yasavā nāmassa rañño kule samussitacārupayodharāya yasodharāya nāma aggamahesiyā kucchismiṃ paṭisandhiṃ aggahesi. Anomadassikumāre kira yasodharāya deviyā kucchigate tassa puññappabhāvena pabhā asītihatthappamāṇaṃ ṭhānaṃ pharitvā aṭṭhāsi. Candasūriyappabhāhi anabhibhavanīyāva ahosi. Sā dasannaṃ māsānaṃ accayena bodhisattaṃ sucandanuyyāne vijāyi. Pāṭihāriyāni heṭṭhā vuttanayāneva.
наамаг̇г̇ахан̣ад̣̇ивасз банасса наамам̣ г̇ан̣ханд̇аа, яасмаа ж̇аад̇ияам̣ аагаасад̇о сад̇д̇а рад̇анаани бад̇им̣су, д̇асмаа аномаанам̣ рад̇анаанам̣ уббад̇д̇ихзд̇убхууд̇ад̇д̇аа ‘‘аномад̣̇ассий’’д̇и наамамагам̣су. со ануггамзна вуд̣̇д̇хиббад̇д̇о д̣̇иб̣б̣зхи гаамаг̇ун̣зхи барижаарияамаано д̣̇асавассасахассаани аг̇аарам̣ аж̇жхааваси. д̇асса гира сири убасири сиривад̣дход̇и д̇аяо баасаад̣̇аа ахзсум̣. сиримаад̣̇звиббамукаани д̇звийсад̇и ид̇т̇исахассаани бажжубадтид̇аани ахзсум̣. со сиримааяа д̣̇звияаа убаваан̣з наама буд̇д̇з ж̇аад̇з жад̇д̇аари нимид̇д̇аани д̣̇исваа сивигааяаанзна махаабхинигкаманам̣ нигкамид̇ваа баб̣б̣аж̇и. д̇ам̣ д̇иссо ж̇анагодияо анубаб̣б̣аж̇им̣су.
Nāmaggahaṇadivase panassa nāmaṃ gaṇhantā, yasmā jātiyaṃ ākāsato satta ratanāni patiṃsu, tasmā anomānaṃ ratanānaṃ uppattihetubhūtattā ‘‘anomadassī’’ti nāmamakaṃsu. So anukkamena vuddhippatto dibbehi kāmaguṇehi paricāriyamāno dasavassasahassāni agāraṃ ajjhāvasi. Tassa kira siri upasiri sirivaḍḍhoti tayo pāsādā ahesuṃ. Sirimādevippamukhāni tevīsati itthisahassāni paccupaṭṭhitāni ahesuṃ. So sirimāya deviyā upavāṇe nāma putte jāte cattāri nimittāni disvā sivikāyānena mahābhinikkhamanaṃ nikkhamitvā pabbaji. Taṃ tisso janakoṭiyo anupabbajiṃsu.
д̇зхи баривуд̇о махаабурисо д̣̇аса маасз бад̇хаанажарияам̣ жари. д̇ад̇о висаакабун̣н̣амааяа анубамаб̣раахман̣аг̇аамз бин̣д̣ааяа жарид̇ваа анубамасздтид̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ вийд̇инаамзд̇ваа аноманаамааж̇ийвагзна д̣̇иннаа адта д̇ин̣амудтияо г̇ахзд̇ваа аж̇ж̇унаругкаб̣од̇хим̣ бад̣̇агкин̣ам̣ гад̇ваа адтад̇д̇им̣сахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа жад̇уран̇г̇авийрияам̣ ад̇хидтааяа баллан̇гам̣ аабхуж̇ид̇ваа самаарам̣ маараб̣алам̣ вид̣̇д̇хам̣сзд̇ваа д̇ийсу яаамзсу д̇иссо виж̇ж̇аа уббаад̣̇зд̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзси. д̇зна вуд̇д̇ам̣ –
Tehi parivuto mahāpuriso dasa māse padhānacariyaṃ cari. Tato visākhapuṇṇamāya anupamabrāhmaṇagāme piṇḍāya caritvā anupamaseṭṭhidhītāya dinnaṃ madhupāyāsaṃ paribhuñjitvā sālavane divāvihāraṃ vītināmetvā anomanāmājīvakena dinnā aṭṭha tiṇamuṭṭhiyo gahetvā ajjunarukkhabodhiṃ padakkhiṇaṃ katvā aṭṭhattiṃsahatthavitthataṃ tiṇasantharaṃ santharitvā caturaṅgavīriyaṃ adhiṭṭhāya pallaṅkaṃ ābhujitvā samāraṃ mārabalaṃ viddhaṃsetvā tīsu yāmesu tisso vijjā uppādetvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānesi. Tena vuttaṃ –
1.
1.
‘‘собхид̇асса абарзна, самб̣уд̣̇д̇хо д̣̇вибад̣̇уд̇д̇амо;
‘‘Sobhitassa aparena, sambuddho dvipaduttamo;
аномад̣̇ассий амид̇аяасо, д̇зж̇ассий д̣̇урад̇иггамо.
Anomadassī amitayaso, tejassī duratikkamo.
2.
2.
‘‘со чзд̇ваа б̣анд̇ханам̣ саб̣б̣ам̣, вид̣̇д̇хам̣сзд̇ваа д̇аяо бхавз;
‘‘So chetvā bandhanaṃ sabbaṃ, viddhaṃsetvā tayo bhave;
анивад̇д̇иг̇аманам̣ маг̇г̇ам̣, д̣̇зсзси д̣̇звамаанусз.
Anivattigamanaṃ maggaṃ, desesi devamānuse.
3.
3.
‘‘сааг̇арова асан̇кобхо, баб̣б̣ад̇ова д̣̇ураасад̣̇о;
‘‘Sāgarova asaṅkhobho, pabbatova durāsado;
аагаасова ананд̇о со, сааларааж̇аава пуллид̇о.
Ākāsova ananto so, sālarājāva phullito.
4.
4.
‘‘д̣̇ассанзнаби д̇ам̣ б̣уд̣̇д̇хам̣, д̇осид̇аа хонд̇и баан̣ино;
‘‘Dassanenapi taṃ buddhaṃ, tositā honti pāṇino;
б̣яаахаранд̇ам̣ г̇ирам̣ суд̇ваа, амад̇ам̣ баабун̣анд̇и д̇з’’д̇и.
Byāharantaṃ giraṃ sutvā, amataṃ pāpuṇanti te’’ti.
д̇ад̇т̇а аномад̣̇ассийд̇и анубамад̣̇ассано, амид̇ад̣̇ассано ваа. амид̇аяасод̇и амид̇абаривааро, амид̇агид̇д̇и ваа. д̇зж̇ассийд̇и сийласамаад̇хибан̃н̃аад̇зж̇зна саманнааг̇ад̇о. д̣̇урад̇иггамод̇и д̣̇уббад̇хам̣сияо, ан̃н̃зна д̣̇звзна ваа маарзна ваа гзнажи ваа ад̇иггамид̇ум̣ асаггун̣зяяод̇и ад̇т̇о. со чзд̇ваа б̣анд̇ханам̣ саб̣б̣анд̇и саб̣б̣ам̣ д̣̇асавид̇хам̣ сам̣яож̇анам̣ чинд̣̇ид̇ваа. вид̣̇д̇хам̣сзд̇ваа д̇аяо бхавзд̇и д̇ибхавуубаг̇ам̣ гаммам̣ гаммагкаяагаран̃аан̣зна вид̣̇д̇хам̣сзд̇ваа, абхаавам̣ гад̇ваад̇и ад̇т̇о. анивад̇д̇иг̇аманам̣ маг̇г̇анд̇и нивад̇д̇ияаа бавад̇д̇ияаа бадибагкабхууд̇ам̣ ниб̣б̣аанам̣ анивад̇д̇ийд̇и вужжад̇и, д̇ам̣ анивад̇д̇им̣ г̇ажчад̇и анзнаад̇и анивад̇д̇иг̇амано. д̇ам̣ анивад̇д̇иг̇аманам̣ адтан̇г̇игам̣ маг̇г̇ам̣ д̣̇зсзсийд̇и ад̇т̇о. ‘‘д̣̇ассзд̇ий’’д̇иби баато, соязвад̇т̇о. д̣̇звамаанусзд̇и д̣̇звамануссаанам̣, саамиад̇т̇з убаяог̇аважанам̣ д̣̇адтаб̣б̣ам̣.
Tattha anomadassīti anupamadassano, amitadassano vā. Amitayasoti amitaparivāro, amitakitti vā. Tejassīti sīlasamādhipaññātejena samannāgato. Duratikkamoti duppadhaṃsiyo, aññena devena vā mārena vā kenaci vā atikkamituṃ asakkuṇeyyoti attho. Sochetvā bandhanaṃ sabbanti sabbaṃ dasavidhaṃ saṃyojanaṃ chinditvā. Viddhaṃsetvā tayo bhaveti tibhavūpagaṃ kammaṃ kammakkhayakarañāṇena viddhaṃsetvā, abhāvaṃ katvāti attho. Anivattigamanaṃ magganti nivattiyā pavattiyā paṭipakkhabhūtaṃ nibbānaṃ anivattīti vuccati, taṃ anivattiṃ gacchati anenāti anivattigamano. Taṃ anivattigamanaṃ aṭṭhaṅgikaṃ maggaṃ desesīti attho. ‘‘Dassetī’’tipi pāṭho, soyevattho. Devamānuseti devamanussānaṃ, sāmiatthe upayogavacanaṃ daṭṭhabbaṃ.
асан̇кобход̇и кобхзд̇ум̣ жаалзд̇ум̣ асаггун̣зяяод̇и агкобхияо. яат̇аа хи самуд̣̇д̣̇о жад̇ураасийд̇ияож̇анасахассаг̇амбхийро анзгаяож̇анасахассабхууд̇ааваасо агкобхияо, звам̣ агкобхияод̇и ад̇т̇о. аагаасова ананд̇од̇и яат̇аа бана аагаасасса анд̇о над̇т̇и, ат̇а ко ананд̇о аббамзяяо абааро, звам̣ бхаг̇авааби б̣уд̣̇д̇хаг̇ун̣зхи ананд̇о аббамзяяо абааро. сод̇и со бхаг̇аваа. сааларааж̇аава пуллид̇од̇и саб̣б̣алагкан̣аануб̣яан̃ж̇анасамалан̇гад̇асарийрад̇д̇аа супуллид̇асааларааж̇аа вияа собхад̇ийд̇и ад̇т̇о. д̣̇ассанзнаби д̇ам̣ б̣уд̣̇д̇ханд̇и д̇асса б̣уд̣̇д̇хасса д̣̇ассанзнаабийд̇и ад̇т̇о. ийд̣̇исзсуби саамиважанам̣ баяуж̇ж̇анд̇и сад̣̇д̣̇асад̇т̇авид̣̇уу. д̇осид̇аад̇и барид̇осид̇аа бийн̣ид̇аа. б̣яаахаранд̇анд̇и б̣яаахаранд̇асса, саамиад̇т̇з убаяог̇аважанам̣. амад̇анд̇и ниб̣б̣аанам̣. баабун̣анд̇ийд̇и ад̇хиг̇ажчанд̇и. д̇зд̇и яз д̇асса г̇ирам̣ д̇хаммад̣̇зсанам̣ сун̣анд̇и, д̇з амад̇ам̣ баабун̣анд̇ийд̇и ад̇т̇о.
Asaṅkhobhoti khobhetuṃ cāletuṃ asakkuṇeyyoti akkhobhiyo. Yathā hi samuddo caturāsītiyojanasahassagambhīro anekayojanasahassabhūtāvāso akkhobhiyo, evaṃ akkhobhiyoti attho. Ākāsova anantoti yathā pana ākāsassa anto natthi, atha kho ananto appameyyo apāro, evaṃ bhagavāpi buddhaguṇehi ananto appameyyo apāro. Soti so bhagavā. Sālarājāva phullitoti sabbalakkhaṇānubyañjanasamalaṅkatasarīrattā suphullitasālarājā viya sobhatīti attho. Dassanenapi taṃ buddhanti tassa buddhassa dassanenāpīti attho. Īdisesupi sāmivacanaṃ payujjanti saddasatthavidū. Tositāti paritositā pīṇitā. Byāharantanti byāharantassa, sāmiatthe upayogavacanaṃ. Amatanti nibbānaṃ. Pāpuṇantīti adhigacchanti. Teti ye tassa giraṃ dhammadesanaṃ suṇanti, te amataṃ pāpuṇantīti attho.
бхаг̇аваа бана б̣од̇химуулз сад̇д̇асад̇д̇аахам̣ вийд̇инаамзд̇ваа б̣рахмунаа ааяаажид̇о д̇хаммад̣̇зсанааяа б̣уд̣̇д̇хажагкунаа логам̣ ологзнд̇о ад̇д̇анаа саха баб̣б̣аж̇ид̇з д̇игодисан̇кз ж̇анз убаниссаяасамбаннз д̣̇исваа – ‘‘гад̇т̇а ну ко д̇з зд̇арахи вихаранд̇ий’’д̇и убад̇хаарзнд̇о субхавад̇ийнаг̇арз суд̣̇ассануяяаанз вихаранд̇з д̣̇исваа аагаасзна г̇анд̇ваа суд̣̇ассануяяаанз од̇ари. со д̇зхи баривуд̇о сад̣̇звамануссааяа барисааяа маж̇жхз д̇хаммажаггам̣ бавад̇д̇зси. д̇ад̇т̇а годисад̇аанам̣ батамаабхисамаяо ахоси. д̇зна вуд̇д̇ам̣ –
Bhagavā pana bodhimūle sattasattāhaṃ vītināmetvā brahmunā āyācito dhammadesanāya buddhacakkhunā lokaṃ olokento attanā saha pabbajite tikoṭisaṅkhe jane upanissayasampanne disvā – ‘‘kattha nu kho te etarahi viharantī’’ti upadhārento subhavatīnagare sudassanuyyāne viharante disvā ākāsena gantvā sudassanuyyāne otari. So tehi parivuto sadevamanussāya parisāya majjhe dhammacakkaṃ pavattesi. Tattha koṭisatānaṃ paṭhamābhisamayo ahosi. Tena vuttaṃ –
5.
5.
‘‘д̇хаммаабхисамаяо д̇асса, ид̣̇д̇хо пийд̇о д̇ад̣̇аа аху;
‘‘Dhammābhisamayo tassa, iddho phīto tadā ahu;
годисад̇аани абхисамим̣су, батамз д̇хаммад̣̇зсанз’’д̇и.
Koṭisatāni abhisamiṃsu, paṭhame dhammadesane’’ti.
д̇ад̇т̇а пийд̇од̇и паад̇иббад̇д̇о б̣аахуж̇ан̃н̃авасзна. годисад̇аанийд̇и годийнам̣ сад̇аани годисад̇аани. ‘‘годисад̇аяо’’д̇иби баато, д̇асса сад̇агодияод̇и ад̇т̇о.
Tattha phītoti phātippatto bāhujaññavasena. Koṭisatānīti koṭīnaṃ satāni koṭisatāni. ‘‘Koṭisatayo’’tipi pāṭho, tassa satakoṭiyoti attho.
ат̇аабарзна самаязна осад̇хийнаг̇арад̣̇ваарз асанаругкамуулз яамагабаадихаарияам̣ гад̇ваа асурзхи д̣̇урабхибхаванз д̇аавад̇им̣сабхаванз бан̣д̣угамб̣аласилааяам̣ нисинно д̇змаасам̣ абхид̇хаммавассам̣ вассаабаяи. д̇ад̣̇аа асийд̇ид̣̇звад̇аагодияо абхисамим̣су. д̇зна вуд̇д̇ам̣ –
Athāparena samayena osadhīnagaradvāre asanarukkhamūle yamakapāṭihāriyaṃ katvā asurehi durabhibhavane tāvatiṃsabhavane paṇḍukambalasilāyaṃ nisinno temāsaṃ abhidhammavassaṃ vassāpayi. Tadā asītidevatākoṭiyo abhisamiṃsu. Tena vuttaṃ –
6.
6.
‘‘д̇ад̇о барам̣ абхисамаяз, вассанд̇з д̇хаммавудтияо;
‘‘Tato paraṃ abhisamaye, vassante dhammavuṭṭhiyo;
асийд̇игодияобхисамим̣су, д̣̇уд̇ияз д̇хаммад̣̇зсанз’’д̇и.
Asītikoṭiyobhisamiṃsu, dutiye dhammadesane’’ti.
д̇ад̇т̇а вассанд̇зд̇и б̣уд̣̇д̇хамахаамзгхз вассанд̇з. д̇хаммавудтияод̇и д̇хаммагат̇аавассавудтияо.
Tattha vassanteti buddhamahāmeghe vassante. Dhammavuṭṭhiyoti dhammakathāvassavuṭṭhiyo.
д̇ад̇о абарзна самаязна ман̇г̇алабан̃хаанид̣̇д̣̇зсз адтасад̇д̇ад̇и годияо абхисамим̣су. со д̇ад̇ияо абхисамаяо ахоси. д̇зна вуд̇д̇ам̣ –
Tato aparena samayena maṅgalapañhāniddese aṭṭhasattati koṭiyo abhisamiṃsu. So tatiyo abhisamayo ahosi. Tena vuttaṃ –
7.
7.
‘‘д̇ад̇о барамби вассанд̇з, д̇аббаяанд̇з жа баан̣инам̣;
‘‘Tato parampi vassante, tappayante ca pāṇinaṃ;
адтасад̇д̇ад̇игодийнам̣, д̇ад̇ияаабхисамаяо ахуу’’д̇и.
Aṭṭhasattatikoṭīnaṃ, tatiyābhisamayo ahū’’ti.
д̇ад̇т̇а вассанд̇зд̇и д̇хаммагат̇аасалилад̇хаарам̣ вассанд̇з. д̇аббаяанд̇зд̇и д̇хаммаамад̇авассзна д̇аббаяанд̇з, д̇аббанам̣ гаронд̇з бхаг̇авад̇ийд̇и ад̇т̇о.
Tattha vassanteti dhammakathāsaliladhāraṃ vassante. Tappayanteti dhammāmatavassena tappayante, tappanaṃ karonte bhagavatīti attho.
аномад̣̇ассиссаби бхаг̇авад̇о д̇аяо саавагасаннибаад̇аа ахзсум̣. д̇ад̇т̇а сорзяяанаг̇арз исид̣̇ад̇д̇асса ран̃н̃о д̇хаммз д̣̇зсияамаанз басийд̣̇ид̇ваа зхибхигкубаб̣б̣аж̇ж̇ааяа баб̣б̣аж̇ид̇аанам̣ адтаннам̣ араханд̇асад̇асахассаанам̣ маж̇жхз баад̇имогкам̣ уд̣̇д̣̇иси. аяам̣ батамо саннибаад̇о ахоси. раад̇хавад̇ийнаг̇арз сунд̣̇аринд̇харасса наама ран̃н̃о д̇хаммз д̣̇зсияамаанз зхибхигкубаб̣б̣аж̇ж̇ааяа баб̣б̣аж̇ид̇аанам̣ сад̇д̇аннам̣ араханд̇асад̇асахассаанам̣ маж̇жхз баад̇имогкам̣ уд̣̇д̣̇иси. аяам̣ д̣̇уд̇ияо саннибаад̇о ахоси. буна сорзяяанаг̇арзязва сорзяяаран̃н̃аа саха зхибхигкубаб̣б̣аж̇ж̇ааяа баб̣б̣аж̇ид̇аанам̣ чаннам̣ араханд̇асад̇асахассаанам̣ маж̇жхз баад̇имогкам̣ уд̣̇д̣̇иси. аяам̣ д̇ад̇ияо саннибаад̇о ахоси. д̇зна вуд̇д̇ам̣ –
Anomadassissapi bhagavato tayo sāvakasannipātā ahesuṃ. Tattha soreyyanagare isidattassa rañño dhamme desiyamāne pasīditvā ehibhikkhupabbajjāya pabbajitānaṃ aṭṭhannaṃ arahantasatasahassānaṃ majjhe pātimokkhaṃ uddisi. Ayaṃ paṭhamo sannipāto ahosi. Rādhavatīnagare sundarindharassa nāma rañño dhamme desiyamāne ehibhikkhupabbajjāya pabbajitānaṃ sattannaṃ arahantasatasahassānaṃ majjhe pātimokkhaṃ uddisi. Ayaṃ dutiyo sannipāto ahosi. Puna soreyyanagareyeva soreyyaraññā saha ehibhikkhupabbajjāya pabbajitānaṃ channaṃ arahantasatasahassānaṃ majjhe pātimokkhaṃ uddisi. Ayaṃ tatiyo sannipāto ahosi. Tena vuttaṃ –
8.
8.
‘‘саннибаад̇аа д̇аяо аасум̣, д̇ассааби жа махзсино;
‘‘Sannipātā tayo āsuṃ, tassāpi ca mahesino;
абхин̃н̃ааб̣алаббад̇д̇аанам̣, бубпид̇аанам̣ вимуд̇д̇ияаа.
Abhiññābalappattānaṃ, pupphitānaṃ vimuttiyā.
9.
9.
‘‘адтасад̇асахассаанам̣, саннибаад̇о д̇ад̣̇аа аху;
‘‘Aṭṭhasatasahassānaṃ, sannipāto tadā ahu;
бахийнамад̣̇амохаанам̣, санд̇ажид̇д̇аана д̇аад̣̇инам̣.
Pahīnamadamohānaṃ, santacittāna tādinaṃ.
10.
10.
‘‘сад̇д̇асад̇асахассаанам̣, д̣̇уд̇ияо ааси самааг̇амо;
‘‘Sattasatasahassānaṃ, dutiyo āsi samāgamo;
анан̇г̇ан̣аанам̣ вираж̇аанам̣, убасанд̇аана д̇аад̣̇инам̣.
Anaṅgaṇānaṃ virajānaṃ, upasantāna tādinaṃ.
11.
11.
‘‘чаннам̣ сад̇асахассаанам̣, д̇ад̇ияо ааси самааг̇амо;
‘‘Channaṃ satasahassānaṃ, tatiyo āsi samāgamo;
абхин̃н̃ааб̣алаббад̇д̇аанам̣, ниб̣б̣уд̇аанам̣ д̇абассина’’нд̇и.
Abhiññābalappattānaṃ, nibbutānaṃ tapassina’’nti.
д̇ад̇т̇а д̇ассааби жа махзсинод̇и д̇асса махзсино аномад̣̇ассиссааби. ‘‘д̇ассааби д̣̇вибад̣̇уд̇д̇амо’’д̇иби баато, д̇ассаби д̣̇вибад̣̇уд̇д̇амассаад̇и ад̇т̇о. лагкан̣ам̣ сад̣̇д̣̇асад̇т̇ад̇о г̇ахзд̇аб̣б̣ам̣. абхин̃н̃ааб̣алаббад̇д̇аананд̇и абхин̃н̃аанам̣ б̣алаббад̇д̇аанам̣, жин̣н̣авасид̇ааяа киббанисанд̇ибхаавзна абхин̃н̃аасу т̇ирабхааваббад̇д̇аананд̇и ад̇т̇о. бубпид̇аананд̇и саб̣б̣апаалипуллабхаавзна ад̇ивияа собхаг̇г̇аббад̇д̇аанам̣. вимуд̇д̇ияаад̇и арахад̇д̇апалавимуд̇д̇ияаа.
Tattha tassāpi ca mahesinoti tassa mahesino anomadassissāpi. ‘‘Tassāpi dvipaduttamo’’tipi pāṭho, tassapi dvipaduttamassāti attho. Lakkhaṇaṃ saddasatthato gahetabbaṃ. Abhiññābalappattānanti abhiññānaṃ balappattānaṃ, ciṇṇavasitāya khippanisantibhāvena abhiññāsu thirabhāvappattānanti attho. Pupphitānanti sabbaphāliphullabhāvena ativiya sobhaggappattānaṃ. Vimuttiyāti arahattaphalavimuttiyā.
анан̇г̇ан̣аананд̇и зд̇т̇а аяам̣ ан̇г̇ан̣а-сад̣̇д̣̇о гад̇т̇ажи гилзсзсу д̣̇иссад̇и. яат̇ааха – ‘‘д̇ад̇т̇а гад̇амаани д̇ийн̣и ан̇г̇ан̣аани? рааг̇о ан̇г̇ан̣ам̣ д̣̇осо ан̇г̇ан̣ам̣ мохо ан̇г̇ан̣а’’нд̇и (вибха. 924). ‘‘баабагаанам̣ ко зд̇ам̣, аавусо, агусалаанам̣ ижчааважараанам̣ ад̇хиважанам̣ яад̣̇ид̣̇ам̣ ан̇г̇ан̣а’’нд̇и (ма. ни. 1.60). гад̇т̇ажи гисмин̃жи малз? яат̇ааха – ‘‘д̇ассзва раж̇асса ваа ан̇г̇ан̣асса ваа бахаанааяа вааяамад̇ий’’д̇и (ма. ни. 1.184). гад̇т̇ажи д̇ат̇ааруубз бхуумибхааг̇з ‘‘жзд̇ияан̇г̇ан̣ам̣ б̣од̇хияан̇г̇ан̣ам̣ рааж̇ан̇г̇ан̣а’’нд̇и. ид̇ха бана гилзсзсу д̣̇адтаб̣б̣о. д̇асмаа ниггилзсаананд̇и ад̇т̇о (ма. ни. адта. 1.57). вираж̇аананд̇и д̇ассзва взважанам̣. д̇абассинанд̇и гилзсагкаяагаро арияамаг̇г̇асан̇каад̇о д̇або язсам̣ ад̇т̇и д̇з д̇абассино, д̇зсам̣ д̇абассийнам̣, кийн̣аасаваананд̇и ад̇т̇о.
Anaṅgaṇānanti ettha ayaṃ aṅgaṇa-saddo katthaci kilesesu dissati. Yathāha – ‘‘tattha katamāni tīṇi aṅgaṇāni? Rāgo aṅgaṇaṃ doso aṅgaṇaṃ moho aṅgaṇa’’nti (vibha. 924). ‘‘Pāpakānaṃ kho etaṃ, āvuso, akusalānaṃ icchāvacarānaṃ adhivacanaṃ yadidaṃ aṅgaṇa’’nti (ma. ni. 1.60). Katthaci kismiñci male? Yathāha – ‘‘tasseva rajassa vā aṅgaṇassa vā pahānāya vāyamatī’’ti (ma. ni. 1.184). Katthaci tathārūpe bhūmibhāge ‘‘cetiyaṅgaṇaṃ bodhiyaṅgaṇaṃ rājaṅgaṇa’’nti. Idha pana kilesesu daṭṭhabbo. Tasmā nikkilesānanti attho (ma. ni. aṭṭha. 1.57). Virajānanti tasseva vevacanaṃ. Tapassinanti kilesakkhayakaro ariyamaggasaṅkhāto tapo yesaṃ atthi te tapassino, tesaṃ tapassīnaṃ, khīṇāsavānanti attho.
д̇ад̣̇аа амхаагам̣ б̣од̇хисад̇д̇о зго махзсагко яагкасзнаабад̇и ахоси махид̣̇д̇хиго махаанубхааво анзгагодисад̇асахассаанам̣ яагкаанам̣ ад̇хибад̇и. со ‘‘б̣уд̣̇д̇хо логз уббанно’’д̇и суд̇ваа ааг̇анд̇ваа барамаружирад̣̇ассанам̣ сад̇д̇арад̇анамаяам̣ абхиружирараж̇анигараман̣д̣аласад̣̇исам̣ ман̣д̣абам̣ нимминид̇ваа д̇ад̇т̇а сад̇д̇аахам̣ махаад̣̇аанам̣ б̣уд̣̇д̇хаббамукасса сан̇гхасса ад̣̇ааси. ат̇а нам̣ бхаг̇аваа бхад̇д̇аанумод̣̇анасамаяз ‘‘анааг̇ад̇з габбасад̇асахассаад̇хигз згасмим̣ асан̇кязяяз ад̇игганд̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto eko mahesakkho yakkhasenāpati ahosi mahiddhiko mahānubhāvo anekakoṭisatasahassānaṃ yakkhānaṃ adhipati. So ‘‘buddho loke uppanno’’ti sutvā āgantvā paramaruciradassanaṃ sattaratanamayaṃ abhirucirarajanikaramaṇḍalasadisaṃ maṇḍapaṃ nimminitvā tattha sattāhaṃ mahādānaṃ buddhappamukhassa saṅghassa adāsi. Atha naṃ bhagavā bhattānumodanasamaye ‘‘anāgate kappasatasahassādhike ekasmiṃ asaṅkhyeyye atikkante gotamo nāma buddho bhavissatī’’ti byākāsi. Tena vuttaṃ –
12.
12.
‘‘ахам̣ д̇зна самаязна, яагко аасим̣ махид̣̇д̇хиго;
‘‘Ahaṃ tena samayena, yakkho āsiṃ mahiddhiko;
нзгаанам̣ яагкагодийнам̣, васавад̇д̇имхи иссаро.
Nekānaṃ yakkhakoṭīnaṃ, vasavattimhi issaro.
13.
13.
‘‘д̇ад̣̇ааби д̇ам̣ б̣уд̣̇д̇хаварам̣, убаг̇анд̇ваа махзсинам̣;
‘‘Tadāpi taṃ buddhavaraṃ, upagantvā mahesinaṃ;
аннабаанзна д̇аббзсим̣, сасан̇гхам̣ логанааяагам̣.
Annapānena tappesiṃ, sasaṅghaṃ lokanāyakaṃ.
14.
14.
‘‘соби мам̣ д̇ад̣̇аа б̣яаагааси, висуд̣̇д̇ханаяано муни;
‘‘Sopi maṃ tadā byākāsi, visuddhanayano muni;
абаримзяяид̇о габбз, аяам̣ б̣уд̣̇д̇хо бхависсад̇и.
Aparimeyyito kappe, ayaṃ buddho bhavissati.
15.
15.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
16.
16.
‘‘д̇ассааби важанам̣ суд̇ваа, хадто сам̣виг̇г̇амаанасо;
‘‘Tassāpi vacanaṃ sutvā, haṭṭho saṃviggamānaso;
уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.
Uttariṃ vatamadhiṭṭhāsiṃ, dasapāramipūriyā’’ti.
д̇ад̇т̇а уд̇д̇арим̣ вад̇амад̇хидтаасинд̇и баарамибууран̣ад̇т̇ааяа бхияяоби д̣̇ал̣хад̇арам̣ бараггамамагаасийд̇и ад̇т̇о.
Tattha uttariṃ vatamadhiṭṭhāsinti pāramipūraṇatthāya bhiyyopi daḷhataraṃ parakkamamakāsīti attho.
д̇асса бана аномад̣̇ассисса бхаг̇авад̇о жанд̣̇авад̇ий наама наг̇арам̣ ахоси, яасаваа наама рааж̇аа бид̇аа, яасод̇хараа наама маад̇аа, нисабхо жа аномо жа д̣̇вз аг̇г̇асаавагаа, варун̣о наамубадтааго, сунд̣̇арий жа суманаа жа д̣̇вз аг̇г̇асаавигаа, аж̇ж̇унаругко б̣од̇хи, сарийрам̣ адтабан̣н̣аасахад̇т̇уб̣б̣зд̇хам̣ ахоси, вассасад̇асахассам̣ ааяу, сиримаа наама аг̇г̇амахзсий, убаваан̣о наамасса буд̇д̇о, д̣̇асавассасахассаани аг̇аарам̣ аж̇жхааваси. со сивигааяаанзна нигками. сивигааяаанзна г̇аманам̣ бана собхид̇аб̣уд̣̇д̇хавам̣саван̣н̣анааяа баасаад̣̇аг̇аманз вуд̇д̇анаязнзва взд̣̇ид̇аб̣б̣ам̣. д̇хаммаго наама рааж̇аа убадтааго. д̇хаммаараамз гира бхаг̇аваа вихаасийд̇и. д̇зна вуд̇д̇ам̣ –
Tassa pana anomadassissa bhagavato candavatī nāma nagaraṃ ahosi, yasavā nāma rājā pitā, yasodharā nāma mātā, nisabho ca anomo ca dve aggasāvakā, varuṇo nāmupaṭṭhāko, sundarī ca sumanā ca dve aggasāvikā, ajjunarukkho bodhi, sarīraṃ aṭṭhapaṇṇāsahatthubbedhaṃ ahosi, vassasatasahassaṃ āyu, sirimā nāma aggamahesī, upavāṇo nāmassa putto, dasavassasahassāni agāraṃ ajjhāvasi. So sivikāyānena nikkhami. Sivikāyānena gamanaṃ pana sobhitabuddhavaṃsavaṇṇanāya pāsādagamane vuttanayeneva veditabbaṃ. Dhammako nāma rājā upaṭṭhāko. Dhammārāme kira bhagavā vihāsīti. Tena vuttaṃ –
17.
17.
‘‘наг̇арам̣ жанд̣̇авад̇ий наама, яасаваа наама кад̇д̇ияо;
‘‘Nagaraṃ candavatī nāma, yasavā nāma khattiyo;
маад̇аа яасод̇хараа наама, аномад̣̇ассисса сад̇т̇уно.
Mātā yasodharā nāma, anomadassissa satthuno.
22.
22.
‘‘нисабхо жа аномо жа, ахзсум̣ аг̇г̇асаавагаа;
‘‘Nisabho ca anomo ca, ahesuṃ aggasāvakā;
варун̣о наамубадтааго, аномад̣̇ассисса сад̇т̇уно.
Varuṇo nāmupaṭṭhāko, anomadassissa satthuno.
23.
23.
‘‘сунд̣̇арий жа суманаа жа, ахзсум̣ аг̇г̇асаавигаа;
‘‘Sundarī ca sumanā ca, ahesuṃ aggasāvikā;
б̣од̇хи д̇асса бхаг̇авад̇о, аж̇ж̇унод̇и бавужжад̇и.
Bodhi tassa bhagavato, ajjunoti pavuccati.
25.
25.
‘‘адтабан̣н̣аасарад̇анам̣, ажжуг̇г̇ад̇о махаамуни;
‘‘Aṭṭhapaṇṇāsaratanaṃ, accuggato mahāmuni;
бабхаа нид̣̇д̇хаавад̇ий д̇асса, сад̇арам̣сийва уг̇г̇ад̇о.
Pabhā niddhāvatī tassa, sataraṃsīva uggato.
26.
26.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
27.
27.
‘‘субубпид̇ам̣ бааважанам̣, араханд̇зхи д̇аад̣̇ихи;
‘‘Supupphitaṃ pāvacanaṃ, arahantehi tādihi;
вийд̇арааг̇зхи вималзхи, собхид̇т̇а ж̇инасаасанам̣.
Vītarāgehi vimalehi, sobhittha jinasāsanaṃ.
28.
28.
‘‘со жа сад̇т̇аа амид̇аяасо, яуг̇аани д̇аани ад̇улияаани;
‘‘So ca satthā amitayaso, yugāni tāni atuliyāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а бабхаа нид̣̇д̇хаавад̇ийд̇и д̇асса сарийрад̇о бабхаа нигкамад̇и. сарийраббабхаа банасса нижжагаалам̣ д̣̇ваад̣̇асаяож̇анаббамаан̣ам̣ бад̣̇зсам̣ парид̇ваа д̇идтад̇и. яуг̇аани д̇аанийд̇и аг̇г̇асаавагаяуг̇аад̣̇ийни яуг̇ал̣аани. саб̣б̣ам̣ д̇аманд̇арахид̇анд̇и вуд̇д̇аббагаарам̣ саб̣б̣амби анижжамукам̣ бавидтам̣ винадтанд̇и ад̇т̇о. ‘‘нану рид̇д̇агамзва сан̇каараа’’д̇иби баато, д̇асса нану рид̇д̇агаа д̇ужчагааязва саб̣б̣з сан̇каараад̇и ад̇т̇о. ма-гааро бад̣̇асанд̇хигаро. сзсаг̇аат̇аасу саб̣б̣ад̇т̇а уд̇д̇аанамзваад̇и.
Tattha pabhā niddhāvatīti tassa sarīrato pabhā nikkhamati. Sarīrappabhā panassa niccakālaṃ dvādasayojanappamāṇaṃ padesaṃ pharitvā tiṭṭhati. Yugāni tānīti aggasāvakayugādīni yugaḷāni. Sabbaṃtamantarahitanti vuttappakāraṃ sabbampi aniccamukhaṃ paviṭṭhaṃ vinaṭṭhanti attho. ‘‘Nanu rittakameva saṅkhārā’’tipi pāṭho, tassa nanu rittakā tucchakāyeva sabbe saṅkhārāti attho. Ma-kāro padasandhikaro. Sesagāthāsu sabbattha uttānamevāti.
имасса бана аномад̣̇ассисса бхаг̇авад̇о санд̇игз саарибуд̇д̇о жа махаамог̇г̇аллаано жаад̇и имз д̣̇вз аг̇г̇асаавагаа аг̇г̇асаавагабхаавад̇т̇ааяа бан̣ид̇хаанамагам̣су. имзсам̣ бана т̇зраанам̣ вад̇т̇у жзд̇т̇а гат̇зд̇аб̣б̣ам̣. маяаа г̇ант̇авид̇т̇аарабхаязна на уд̣̇д̇хаданд̇и.
Imassa pana anomadassissa bhagavato santike sāriputto ca mahāmoggallāno cāti ime dve aggasāvakā aggasāvakabhāvatthāya paṇidhānamakaṃsu. Imesaṃ pana therānaṃ vatthu cettha kathetabbaṃ. Mayā ganthavitthārabhayena na uddhaṭanti.
аномад̣̇ассийб̣уд̣̇д̇хавам̣саван̣н̣анаа нидтид̇аа.
Anomadassībuddhavaṃsavaṇṇanā niṭṭhitā.
нидтид̇о сад̇д̇амо б̣уд̣̇д̇хавам̣со.
Niṭṭhito sattamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 9. аномад̣̇ассийб̣уд̣̇д̇хавам̣со • 9. Anomadassībuddhavaṃso
