| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. அனோமஸுத்தவண்ணனா
5. Anomasuttavaṇṇanā
45. பஞ்சமே அனோமனாமந்தி ஸப்³ப³கு³ணஸமன்னாக³தத்தா அவேகல்லனாமங், பரிபூரனாமந்தி அத்தோ². நிபுணத்த²த³ஸ்ஸிந்தி ப⁴க³வா ஸண்ஹஸுகு²மே க²ந்த⁴ந்தராத³யோ அத்தே² பஸ்ஸதீதி நிபுணத்த²த³ஸ்ஸீ. பஞ்ஞாத³த³ந்தி அன்வயபஞ்ஞாதி⁴க³மாய படிபத³ங் கத²னவஸேன பஞ்ஞாய தா³யகங். காமாலயே அஸத்தந்தி பஞ்சகாமகு³ணாலயே அலக்³க³ங். கமமானந்தி ப⁴க³வா மஹாபோ³தி⁴மண்டே³யேவ அரியமக்³கே³ன க³தோ, ந இதா³னி க³ச்ச²தி, அதீதங் பன உபாதா³ய இத³ங் வுத்தங். மஹேஸிந்தி மஹந்தானங் ஸீலக்க²ந்தா⁴தீ³னங் ஏஸிதாரங் பரியேஸிதாரந்தி. பஞ்சமங்.
45. Pañcame anomanāmanti sabbaguṇasamannāgatattā avekallanāmaṃ, paripūranāmanti attho. Nipuṇatthadassinti bhagavā saṇhasukhume khandhantarādayo atthe passatīti nipuṇatthadassī. Paññādadanti anvayapaññādhigamāya paṭipadaṃ kathanavasena paññāya dāyakaṃ. Kāmālaye asattanti pañcakāmaguṇālaye alaggaṃ. Kamamānanti bhagavā mahābodhimaṇḍeyeva ariyamaggena gato, na idāni gacchati, atītaṃ pana upādāya idaṃ vuttaṃ. Mahesinti mahantānaṃ sīlakkhandhādīnaṃ esitāraṃ pariyesitāranti. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. அனோமஸுத்தங் • 5. Anomasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. அனோமஸுத்தவண்ணனா • 5. Anomasuttavaṇṇanā
