| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. অনোমসুত্তৰণ্ণনা
5. Anomasuttavaṇṇanā
৪৫. অনোমনামন্তি অনূননামং। গুণনেমিত্তিকানি এৰ হি ভগৰতো নামানি। গুণানঞ্চস্স পরিপুণ্ণতায অনূননামন্তি আহ ‘‘সব্বগুণসমন্নাগতত্তা’’তিআদি। অপিচ তথা তেৰিজ্জো, ছল়ভিঞ্ঞোতিআদীনি নামানি অনোমনামানি ন হোন্তি পরিচ্ছিন্নৰিসযত্তা, ভগৰতো পন সত্থা, সব্বঞ্ঞূ, সম্মাসম্বুদ্ধোতিআদীনি নামানি অনোমনামানি নাম মহাৰিসযত্তা অনূনভাৰতো। তেনাহ ‘‘অৰেকল্লনাম’’ন্তি। খন্ধন্তরাদযোতি খন্ধৰিসেসাদিকে। ঞাণেন যাথাৰতো অরণীযট্ঠেন অত্থে। অন্ৰযপঞ্ঞাধিগমাযাতি লোকুত্তরপঞ্ঞাপটিলাভায। পটিপদন্তি সমথৰিপস্সনাপটিপদং। কিলেসকামানং ৰসেন অল্লীযিতব্বট্ঠেন কামা এৰ আলযো। অতীতকালেযেৰ কমনতং গহেত্ৰা ৰুত্তং ‘‘কমমান’’ন্তি। ন এতরহি তদভাৰতোতি আহ ‘‘অতীতং পন উপাদায ইদং ৰুত্ত’’ন্তি। মহানুভাৰতাদিনা মহন্তানং।
45.Anomanāmanti anūnanāmaṃ. Guṇanemittikāni eva hi bhagavato nāmāni. Guṇānañcassa paripuṇṇatāya anūnanāmanti āha ‘‘sabbaguṇasamannāgatattā’’tiādi. Apica tathā tevijjo, chaḷabhiññotiādīni nāmāni anomanāmāni na honti paricchinnavisayattā, bhagavato pana satthā, sabbaññū, sammāsambuddhotiādīni nāmāni anomanāmāni nāma mahāvisayattā anūnabhāvato. Tenāha ‘‘avekallanāma’’nti. Khandhantarādayoti khandhavisesādike. Ñāṇena yāthāvato araṇīyaṭṭhena atthe. Anvayapaññādhigamāyāti lokuttarapaññāpaṭilābhāya. Paṭipadanti samathavipassanāpaṭipadaṃ. Kilesakāmānaṃ vasena allīyitabbaṭṭhena kāmā eva ālayo. Atītakāleyeva kamanataṃ gahetvā vuttaṃ ‘‘kamamāna’’nti. Na etarahi tadabhāvatoti āha ‘‘atītaṃ pana upādāya idaṃ vutta’’nti. Mahānubhāvatādinā mahantānaṃ.
অনোমসুত্তৰণ্ণনা নিট্ঠিতা।
Anomasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. অনোমসুত্তং • 5. Anomasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. অনোমসুত্তৰণ্ণনা • 5. Anomasuttavaṇṇanā
