| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. аномасуд̇д̇аван̣н̣анаа
5. Anomasuttavaṇṇanā
45. аноманааманд̇и ануунанаамам̣. г̇ун̣анзмид̇д̇игаани зва хи бхаг̇авад̇о наамаани. г̇ун̣аанан̃жасса барибун̣н̣ад̇ааяа ануунанааманд̇и ааха ‘‘саб̣б̣аг̇ун̣асаманнааг̇ад̇ад̇д̇аа’’д̇иаад̣̇и. абижа д̇ат̇аа д̇звиж̇ж̇о, чал̣абхин̃н̃од̇иаад̣̇ийни наамаани аноманаамаани на хонд̇и барижчиннависаяад̇д̇аа, бхаг̇авад̇о бана сад̇т̇аа, саб̣б̣ан̃н̃уу, саммаасамб̣уд̣̇д̇ход̇иаад̣̇ийни наамаани аноманаамаани наама махаависаяад̇д̇аа ануунабхаавад̇о. д̇знааха ‘‘авзгалланаама’’нд̇и. канд̇ханд̇араад̣̇аяод̇и канд̇хависзсаад̣̇игз. н̃аан̣зна яаат̇аавад̇о аран̣ийяадтзна ад̇т̇з. анваяабан̃н̃аад̇хиг̇амааяаад̇и логуд̇д̇арабан̃н̃аабадилаабхааяа. бадибад̣̇анд̇и самат̇авибассанаабадибад̣̇ам̣. гилзсагаамаанам̣ васзна аллийяид̇аб̣б̣адтзна гаамаа зва аалаяо. ад̇ийд̇агаалзязва гаманад̇ам̣ г̇ахзд̇ваа вуд̇д̇ам̣ ‘‘гамамаана’’нд̇и. на зд̇арахи д̇ад̣̇абхаавад̇од̇и ааха ‘‘ад̇ийд̇ам̣ бана убаад̣̇ааяа ид̣̇ам̣ вуд̇д̇а’’нд̇и. махаанубхаавад̇аад̣̇инаа маханд̇аанам̣.
45.Anomanāmanti anūnanāmaṃ. Guṇanemittikāni eva hi bhagavato nāmāni. Guṇānañcassa paripuṇṇatāya anūnanāmanti āha ‘‘sabbaguṇasamannāgatattā’’tiādi. Apica tathā tevijjo, chaḷabhiññotiādīni nāmāni anomanāmāni na honti paricchinnavisayattā, bhagavato pana satthā, sabbaññū, sammāsambuddhotiādīni nāmāni anomanāmāni nāma mahāvisayattā anūnabhāvato. Tenāha ‘‘avekallanāma’’nti. Khandhantarādayoti khandhavisesādike. Ñāṇena yāthāvato araṇīyaṭṭhena atthe. Anvayapaññādhigamāyāti lokuttarapaññāpaṭilābhāya. Paṭipadanti samathavipassanāpaṭipadaṃ. Kilesakāmānaṃ vasena allīyitabbaṭṭhena kāmā eva ālayo. Atītakāleyeva kamanataṃ gahetvā vuttaṃ ‘‘kamamāna’’nti. Na etarahi tadabhāvatoti āha ‘‘atītaṃ pana upādāya idaṃ vutta’’nti. Mahānubhāvatādinā mahantānaṃ.
аномасуд̇д̇аван̣н̣анаа нидтид̇аа.
Anomasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. аномасуд̇д̇ам̣ • 5. Anomasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. аномасуд̇д̇аван̣н̣анаа • 5. Anomasuttavaṇṇanā
