| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៥. អនោមសុត្តវណ្ណនា
5. Anomasuttavaṇṇanā
៤៥. បញ្ចមេ អនោមនាមន្តិ សព្ពគុណសមន្នាគតត្តា អវេកល្លនាមំ, បរិបូរនាមន្តិ អត្ថោ។ និបុណត្ថទស្សិន្តិ ភគវា សណ្ហសុខុមេ ខន្ធន្តរាទយោ អត្ថេ បស្សតីតិ និបុណត្ថទស្សី។ បញ្ញាទទន្តិ អន្វយបញ្ញាធិគមាយ បដិបទំ កថនវសេន បញ្ញាយ ទាយកំ។ កាមាលយេ អសត្តន្តិ បញ្ចកាមគុណាលយេ អលគ្គំ។ កមមានន្តិ ភគវា មហាពោធិមណ្ឌេយេវ អរិយមគ្គេន គតោ, ន ឥទានិ គច្ឆតិ, អតីតំ បន ឧបាទាយ ឥទំ វុត្តំ។ មហេសិន្តិ មហន្តានំ សីលក្ខន្ធាទីនំ ឯសិតារំ បរិយេសិតារន្តិ។ បញ្ចមំ។
45. Pañcame anomanāmanti sabbaguṇasamannāgatattā avekallanāmaṃ, paripūranāmanti attho. Nipuṇatthadassinti bhagavā saṇhasukhume khandhantarādayo atthe passatīti nipuṇatthadassī. Paññādadanti anvayapaññādhigamāya paṭipadaṃ kathanavasena paññāya dāyakaṃ. Kāmālaye asattanti pañcakāmaguṇālaye alaggaṃ. Kamamānanti bhagavā mahābodhimaṇḍeyeva ariyamaggena gato, na idāni gacchati, atītaṃ pana upādāya idaṃ vuttaṃ. Mahesinti mahantānaṃ sīlakkhandhādīnaṃ esitāraṃ pariyesitāranti. Pañcamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. អនោមសុត្តំ • 5. Anomasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥. អនោមសុត្តវណ្ណនា • 5. Anomasuttavaṇṇanā
