| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
5. анобамаат̇зрийг̇аат̇ааван̣н̣анаа
5. Anopamātherīgāthāvaṇṇanā
ужжз гулзд̇иаад̣̇игаа анобамааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий ануггамзна вимуд̇д̇ибарибаажанийяз д̇хаммз бариб̣руухид̇ваа имасмим̣ б̣уд̣̇д̇хуббаад̣̇з саагзд̇анаг̇арз маж̇жхасса наама сздтино д̇хийд̇аа худ̇ваа ниб̣б̣ад̇д̇и. д̇ассаа руубасамбад̇д̇ияаа анобамаад̇и наамам̣ ахоси. д̇ассаа ваяаббад̇д̇агаалз б̣ахуу сздтибуд̇д̇аа рааж̇амахаамад̇д̇аа рааж̇аано жа бид̇у д̣̇ууд̇ам̣ баахзсум̣ – ‘‘ад̇д̇ано д̇хийд̇арам̣ анобамам̣ д̣̇зхи, ид̣̇ан̃жид̣̇ан̃жа д̇з д̣̇ассаамаа’’д̇и. саа д̇ам̣ суд̇ваа убаниссаяасамбаннад̇ааяа ‘‘гхарааваасзна маяхам̣ ад̇т̇о над̇т̇ий’’д̇и сад̇т̇у санд̇игам̣ г̇анд̇ваа д̇хаммам̣ суд̇ваа н̃аан̣асса барибаагам̣ г̇ад̇ад̇д̇аа д̣̇зсанаанусаарзна вибассанам̣ аарабхид̇ваа д̇ам̣ уссуггаабзнд̇ий маг̇г̇абадибаадияаа д̇ад̇ияапалз бад̇идтааси. саа сад̇т̇аарам̣ баб̣б̣аж̇ж̇ам̣ яаажид̇ваа сад̇т̇уаан̣ааяа бхигкунубассаяам̣ убаг̇анд̇ваа бхигкунийнам̣ санд̇игз баб̣б̣аж̇ид̇ваа сад̇д̇амз д̣̇ивасз арахад̇д̇ам̣ сажчигад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Ucce kuletiādikā anopamāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī anukkamena vimuttiparipācanīye dhamme paribrūhitvā imasmiṃ buddhuppāde sāketanagare majjhassa nāma seṭṭhino dhītā hutvā nibbatti. Tassā rūpasampattiyā anopamāti nāmaṃ ahosi. Tassā vayappattakāle bahū seṭṭhiputtā rājamahāmattā rājāno ca pitu dūtaṃ pāhesuṃ – ‘‘attano dhītaraṃ anopamaṃ dehi, idañcidañca te dassāmā’’ti. Sā taṃ sutvā upanissayasampannatāya ‘‘gharāvāsena mayhaṃ attho natthī’’ti satthu santikaṃ gantvā dhammaṃ sutvā ñāṇassa paripākaṃ gatattā desanānusārena vipassanaṃ ārabhitvā taṃ ussukkāpentī maggapaṭipāṭiyā tatiyaphale patiṭṭhāsi. Sā satthāraṃ pabbajjaṃ yācitvā satthuāṇāya bhikkhunupassayaṃ upagantvā bhikkhunīnaṃ santike pabbajitvā sattame divase arahattaṃ sacchikatvā attano paṭipattiṃ paccavekkhitvā udānavasena –
151.
151.
‘‘ужжз гулз ахам̣ ж̇аад̇аа, б̣ахувид̇д̇з махад̣̇д̇ханз;
‘‘Ucce kule ahaṃ jātā, bahuvitte mahaddhane;
ван̣н̣аруубзна самбаннаа, д̇хийд̇аа маж̇жхасса ад̇раж̇аа.
Vaṇṇarūpena sampannā, dhītā majjhassa atrajā.
152.
152.
‘‘бад̇т̇ид̇аа рааж̇абуд̇д̇зхи, сздтибуд̇д̇зхи г̇иж̇жхид̇аа;
‘‘Patthitā rājaputtehi, seṭṭhiputtehi gijjhitā;
бид̇у мз бзсаяий д̣̇ууд̇ам̣, д̣̇зт̇а маяхам̣ анобамам̣.
Pitu me pesayī dūtaṃ, detha mayhaṃ anopamaṃ.
153.
153.
‘‘яад̇д̇агам̣ д̇улид̇аа зсаа, д̇уяхам̣ д̇хийд̇аа анобамаа;
‘‘Yattakaṃ tulitā esā, tuyhaṃ dhītā anopamā;
д̇ад̇о адтаг̇ун̣ам̣ д̣̇ассам̣, хиран̃н̃ам̣ рад̇анаани жа.
Tato aṭṭhaguṇaṃ dassaṃ, hiraññaṃ ratanāni ca.
154.
154.
‘‘саахам̣ д̣̇исваана самб̣уд̣̇д̇хам̣, логаж̇здтам̣ ануд̇д̇арам̣;
‘‘Sāhaṃ disvāna sambuddhaṃ, lokajeṭṭhaṃ anuttaraṃ;
д̇асса баад̣̇аани ванд̣̇ид̇ваа, згаманд̇ам̣ убаависим̣.
Tassa pādāni vanditvā, ekamantaṃ upāvisiṃ.
155.
155.
‘‘со мз д̇хаммамад̣̇зсзси, анугамбааяа г̇од̇амо;
‘‘So me dhammamadesesi, anukampāya gotamo;
нисиннаа аасанз д̇асмим̣, пусаяим̣ д̇ад̇ияам̣ палам̣.
Nisinnā āsane tasmiṃ, phusayiṃ tatiyaṃ phalaṃ.
156.
156.
‘‘д̇ад̇о гзсаани чзд̇ваана, баб̣б̣аж̇им̣ анаг̇аарияам̣;
‘‘Tato kesāni chetvāna, pabbajiṃ anagāriyaṃ;
аж̇ж̇а мз сад̇д̇амий рад̇д̇и, яад̇о д̇ан̣хаа висзсид̇аа’’д̇и. –
Ajja me sattamī ratti, yato taṇhā visesitā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а ужжз гулзд̇и ул̣аарад̇амз взссагулз. б̣ахувид̇д̇зд̇и алан̇гаараад̣̇ибахууд̇авид̇д̇уубагаран̣з. махад̣̇д̇ханзд̇и нид̇хаанаг̇ад̇ассзва жад̇д̇аарийсагодибаримаан̣асса махад̇о д̇ханасса ад̇т̇ибхаавзна махад̣̇д̇ханз ахам̣ ж̇аад̇аад̇и яож̇анаа. ван̣н̣аруубзна самбаннаад̇и ван̣н̣асамбаннаа жзва руубасамбаннаа жа, синид̣̇д̇хабхаасурааяа чависамбад̇д̇ияаа вад̇т̇аабхаран̣аад̣̇исарийрааваяавасамбад̇д̇ияаа жа саманнааг̇ад̇аад̇и ад̇т̇о. д̇хийд̇аа маж̇жхасса ад̇раж̇аад̇и маж̇жханаамасса сздтино орасаа д̇хийд̇аа.
Tattha ucce kuleti uḷāratame vessakule. Bahuvitteti alaṅkārādipahūtavittūpakaraṇe. Mahaddhaneti nidhānagatasseva cattārīsakoṭiparimāṇassa mahato dhanassa atthibhāvena mahaddhane ahaṃ jātāti yojanā. Vaṇṇarūpena sampannāti vaṇṇasampannā ceva rūpasampannā ca, siniddhabhāsurāya chavisampattiyā vatthābharaṇādisarīrāvayavasampattiyā ca samannāgatāti attho. Dhītā majjhassa atrajāti majjhanāmassa seṭṭhino orasā dhītā.
бад̇т̇ид̇аа рааж̇абуд̇д̇зхийд̇и ‘‘гат̇ам̣ ну ко д̇ам̣ лабхзяяаамаа’’д̇и рааж̇агумаарзхи абхибад̇т̇ид̇аа. сздтибуд̇д̇зхи г̇иж̇жхид̇аад̇и д̇ат̇аа сздтигумаарзхиби абхиг̇иж̇жхид̇аа бажжаасийсид̇аа. д̣̇зт̇а маяхам̣ анобаманд̇и рааж̇абуд̇д̇аад̣̇аяо ‘‘д̣̇зт̇а маяхам̣ анобамам̣ д̣̇зт̇а маяха’’нд̇и бид̇у санд̇игз д̣̇ууд̇ам̣ бзсаяим̣су.
Patthitā rājaputtehīti ‘‘kathaṃ nu kho taṃ labheyyāmā’’ti rājakumārehi abhipatthitā. Seṭṭhiputtehi gijjhitāti tathā seṭṭhikumārehipi abhigijjhitā paccāsīsitā. Detha mayhaṃ anopamanti rājaputtādayo ‘‘detha mayhaṃ anopamaṃ detha mayha’’nti pitu santike dūtaṃ pesayiṃsu.
яад̇д̇агам̣ д̇улид̇аа зсаад̇и ‘‘д̇уяхам̣ д̇хийд̇аа анобамаа яад̇д̇агам̣ д̇ханам̣ аг̇гхад̇ий’’д̇и д̇улид̇аа лагкан̣ан̃н̃уухи барижчиннаа, ‘‘д̇ад̇о адтаг̇ун̣ам̣ д̣̇ассаамий’’д̇и бид̇у мз бзсаяи д̣̇ууд̇анд̇и яож̇анаа. сзсам̣ хздтаа вуд̇д̇анаяамзва.
Yattakaṃ tulitā esāti ‘‘tuyhaṃ dhītā anopamā yattakaṃ dhanaṃ agghatī’’ti tulitā lakkhaṇaññūhi paricchinnā, ‘‘tato aṭṭhaguṇaṃ dassāmī’’ti pitu me pesayi dūtanti yojanā. Sesaṃ heṭṭhā vuttanayameva.
анобамаат̇зрийг̇аат̇ааван̣н̣анаа нидтид̇аа.
Anopamātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 5. анобамаат̇зрийг̇аат̇аа • 5. Anopamātherīgāthā
