| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. анод̇д̇аббийсуд̇д̇ам̣
2. Anottappīsuttaṃ
145. звам̣ мз суд̇ам̣ – згам̣ самаяам̣ ааяасмаа жа махаагассабо ааяасмаа жа саарибуд̇д̇о б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаагассабо д̇знубасан̇гами; убасан̇гамид̇ваа ааяасмад̇аа махаагассабзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ махаагассабам̣ зд̇ад̣̇авожа – ‘‘вужжад̇и хид̣̇ам̣, аавусо гассаба, анаад̇аабий анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа; аад̇аабий жа ко од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и.
145. Evaṃ me sutaṃ – ekaṃ samayaṃ āyasmā ca mahākassapo āyasmā ca sāriputto bārāṇasiyaṃ viharanti isipatane migadāye. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā mahākassapo tenupasaṅkami; upasaṅkamitvā āyasmatā mahākassapena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ mahākassapaṃ etadavoca – ‘‘vuccati hidaṃ, āvuso kassapa, anātāpī anottappī abhabbo sambodhāya abhabbo nibbānāya abhabbo anuttarassa yogakkhemassa adhigamāya; ātāpī ca kho ottappī bhabbo sambodhāya bhabbo nibbānāya bhabbo anuttarassa yogakkhemassa adhigamāyā’’ti.
‘‘гид̇д̇аавад̇аа ну ко, аавусо, анаад̇аабий ход̇и анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа; гид̇д̇аавад̇аа жа банаавусо, аад̇аабий ход̇и од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и? ‘‘ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘ануббаннаа мз гусалаа д̇хаммаануббаж̇ж̇амаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и. звам̣ ко, аавусо, анаад̇аабий ход̇и’’.
‘‘Kittāvatā nu kho, āvuso, anātāpī hoti anottappī abhabbo sambodhāya abhabbo nibbānāya abhabbo anuttarassa yogakkhemassa adhigamāya; kittāvatā ca panāvuso, ātāpī hoti ottappī bhabbo sambodhāya bhabbo nibbānāya bhabbo anuttarassa yogakkhemassa adhigamāyā’’ti? ‘‘Idhāvuso, bhikkhu ‘anuppannā me pāpakā akusalā dhammā uppajjamānā anatthāya saṃvatteyyu’nti na ātappaṃ karoti, ‘uppannā me pāpakā akusalā dhammā appahīyamānā anatthāya saṃvatteyyu’nti na ātappaṃ karoti, ‘anuppannā me kusalā dhammānuppajjamānā anatthāya saṃvatteyyu’nti na ātappaṃ karoti, ‘uppannā me kusalā dhammā nirujjhamānā anatthāya saṃvatteyyu’nti na ātappaṃ karoti. Evaṃ kho, āvuso, anātāpī hoti’’.
‘‘гат̇ан̃жаавусо, анод̇д̇аббий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘ануббаннаа мз гусалаа д̇хаммаануббаж̇ж̇амаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и на од̇д̇аббад̇и. звам̣ ко, аавусо, анод̇д̇аббий ход̇и. звам̣ ко, аавусо, анаад̇аабий анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа.
‘‘Kathañcāvuso, anottappī hoti? Idhāvuso, bhikkhu ‘anuppannā me pāpakā akusalā dhammā uppajjamānā anatthāya saṃvatteyyu’nti na ottappati, ‘uppannā me pāpakā akusalā dhammā appahīyamānā anatthāya saṃvatteyyu’nti na ottappati, ‘anuppannā me kusalā dhammānuppajjamānā anatthāya saṃvatteyyu’nti na ottappati, ‘uppannā me kusalā dhammā nirujjhamānā anatthāya saṃvatteyyu’nti na ottappati. Evaṃ kho, āvuso, anottappī hoti. Evaṃ kho, āvuso, anātāpī anottappī abhabbo sambodhāya abhabbo nibbānāya abhabbo anuttarassa yogakkhemassa adhigamāya.
‘‘гат̇ан̃жаавусо, аад̇аабий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ануббаннаа мз гусалаа д̇хаммаа…бз… аад̇аббам̣ гарод̇и. звам̣ ко, аавусо, аад̇аабий ход̇и.
‘‘Kathañcāvuso, ātāpī hoti? Idhāvuso, bhikkhu ‘anuppannā me pāpakā akusalā dhammā uppajjamānā anatthāya saṃvatteyyu’nti ātappaṃ karoti, ‘uppannā me pāpakā akusalā dhammā appahīyamānā anatthāya saṃvatteyyu’nti ātappaṃ karoti, anuppannā me kusalā dhammā…pe… ātappaṃ karoti. Evaṃ kho, āvuso, ātāpī hoti.
‘‘гат̇ан̃жаавусо, од̇д̇аббий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и од̇д̇аббад̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и од̇д̇аббад̇и, ‘ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяу’нд̇нд̇д̇и од̇д̇аббад̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и од̇д̇аббад̇и. звам̣ ко, аавусо, од̇д̇аббий ход̇и. звам̣ ко, аавусо, аад̇аабий од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и. д̣̇уд̇ияам̣.
‘‘Kathañcāvuso, ottappī hoti? Idhāvuso, bhikkhu ‘anuppannā me pāpakā akusalā dhammā uppajjamānā anatthāya saṃvatteyyu’nti ottappati, ‘uppannā me pāpakā akusalā dhammā appahīyamānā anatthāya saṃvatteyyu’nti ottappati, ‘anuppannā me kusalā dhammā anuppajjamānā anatthāya saṃvatteyyu’ntntti ottappati, ‘uppannā me kusalā dhammā nirujjhamānā anatthāya saṃvatteyyu’nti ottappati. Evaṃ kho, āvuso, ottappī hoti. Evaṃ kho, āvuso, ātāpī ottappī bhabbo sambodhāya bhabbo nibbānāya bhabbo anuttarassa yogakkhemassa adhigamāyā’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. анод̇д̇аббийсуд̇д̇аван̣н̣анаа • 2. Anottappīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. анод̇д̇аббийсуд̇д̇аван̣н̣анаа • 2. Anottappīsuttavaṇṇanā
